Marcos 8:25 - Buglere

²⁵ Jesu ko gbu nakwaite onbre gwagwa giti, gire onbre gwagwa trendu no jo chkeni ulita, ama tendu lle ulitadi trate.

Marcos 8:25 ပူးပေါင်းရင်းမြစ်များ

Mateo 13:12

Kwian bai kaire cha gerua gai ulia cha gerua manade no mo tale, kwian ene mi ta jogenga Chube geruage, kwian enege cha gerua be suge ma ngle diali, Chube be kwian ene chudaboi be kwian ene ta gbe suge ma ngle cha gerua giti. Agwa kwian bai kaire me mo ta gbe cha gerua gai ulia, kwian ene tale cha gerua gweale kle, agwa ama me kle mo ta gbe tañachuge geru e giti malen ama be ta jogenga cha geruage ulita, ama be chege kwian me cha gerua keruchugaba kare.

Marcos 8:24

Onbre gwagwa me ama gwagwa trendu sidri gire ama jaindunga Jesu kalen: —Ima, cha kle ten kwiandi agwa kwian kle meñe cha gwage salengwli gli kare, ama kle chage.

Marcos 8:26

Jesu gerudu ama ole: —Ba jogeni blike gudegu mo ullage, ba me joge unaske geru trage kwian na ole cha ba dodadu giti —Jesu gerudu ene onbre ama nu dodaba ole.

Hechos 1:10

Kwian chegu gwage Jesu nate joge nga ngaña giti gire lle boanga Chube alin nga ngaña giti gdaboke mo ngama tkaba jutre ulita kwian kare me chiu gda uñale chku gerule ama ulita ole,

Filipenses 1:6

Cha geru Jesucristo giti ketu bage gwangea, ba Jesucristo gerua gau ulia gire Chube ba ulita ta blitu age no Chube takalin kare. Uñale chage bedre bedre Chube be kle ba ta gbe age ma no Chube takalin kare Jesucristo chieni ngwange.

1 Pedro 2:9

Agwa ba ulita Jesucristo gau ulia, Chube ba gau mo alin, ba Chube olia, Chube ba gau lle boangale Chugagwalla Jesucristo alin, Chube ba gau toidale no trate mo gwa giti, Chube ba gau mo alin Jesucristo giti, ba Chubenu ulia. Ngeru ba me Jesucristo uñu ba chagedu nga jereske kare, ba chagedu age me no sugekare Chubege, ba kledu ene gire Chube ba ta gbu suge Jesucristo giti salengwli jichra kle kwian gbe ten nga jereske kare, Jesucristo giti Chube ba ta blitu joge siere age me noge. Chube agedu no no ene Jesucristo giti ba alin, ama agedu ulita no ba alin ba tragadale kwian na ole.

2 Pedro 3:18

Ba ulita gdaite gdaite mo ta gbadale Jesucristo che Chugagwalla che jwannga siere uñe ma no diali chui kaire kaire, ene Jesucristo ba ta gbe suge ma ngle diali Jesucristo no ba ole Jesucristo age no ba alin. Jesucristo che Chugagwalla kweri no no, ama giti che ulita gerudale no nege dale kaire diali chui tangle. Ene nobi. Geru ai ene ulita cha Simón-Pedro chada degu ba kwian Chubenu ulita alin. Che kle meni.