Marcos 8:21 - Buglere

²¹ Gire Jesu gerudu geru jwannga ole: —¿Bage geru bebi suge cha gerudu sbaliga ba ole giti? Cha gerudu ba ulita ole ba me mo chuge ngwadi kwian fariseo kaire chugagwalla rey Herodes levaduralla gai mo alin giti, cha me kledu gerule levadura ulia giti, agwa cha kledu gerule kwian fariseo gerua ngwale giti kaire chugagwalla rey Herodes gerua ngwale giti —Jesu gerudu ene kwian geru jwannga amage ulita ole.

Marcos 8:21 ပူးပေါင်းရင်းမြစ်များ

Marcos 6:52

Kaire ama ulita nu gwageba Jesudi bligda gbe jriennga ngle kwian tanre ullagda, agwa ni e sugedu kwian geru jwanngage, ama me kle mo ta gbe Jesu gai ulia, malen Jesu agedu ene ulita mo kirallaske me sugedu amage.

Marcos 8:12

Jesu ta olire tanre kwian fariseo me kle ama gai ulia giti, Jesu gerudu kwian fariseo e ulita ole: —¿Mineade diali ba ulita kle toi chui aige tangle takalin cha age ene ba gwa giti? Ba kle gerule alin cha lle daga ngwale no dodade ba gwa giti kwian me ña lle dodade mo kira giti lle ene cha dodadale gire ba be cha gai ulia Chube cha kagu age ama kiralla giti. Agwa ulia cha gerule ba ole, cha mi age ba kle toi chui aige tangle alin ba ulita takalin kare.

Marcos 8:17

Jesuge chku uñale kwian geru jwannga kle gerule modi Jesu gerudu giti, uñadu Jesuge geru levadura giti me sugedu trate kwian geru jwanngage, Jesu gerudu ama ulita ole: —¿Mineade ba kle gerule modi ba me chiu pan dbe mo ole llagli giti? ¿Bage me suge bligda me gire cha ñage bligda kete ba ulitage? ¿Ba bebi mo ta gbe ulia cha ole cha kiraske cha ñage age ulita Chube kiralla giti?

Marcos 8:22

Jesu ule kwian geru jwannga amage ulita ole chagedu dare duge gire ama ulita jo chke una Betsaidage, ama ulita chiu dbige duge gire onbre gdaite gwagwa me dbachku Jesudi dodadale. Onbre gwagwa me dbanga gerudu Jesu ole: —Ba ko gbe onbre ai gwagwa giti ene ama joge chkeni noni.

Marcos 9:19

Jesu kirogwa ñenua keruchugu gerule ene gire Jesu gerudu kwian ulita kle ne ngwadi ole: —Ba ulita me kle mo ta gbe cha gai ulia. ¿Ngaminegire ba be mo ta gbe cha gai ulia, ene Chube ñage kira kete bage age ulita cha kle age kare? ¿Ngamangire ba be kle kian gbe chage cha ba chudaboadale? Kirogwa du chage aini.

Juan 14:9

Jesu gerudu Felipe ole: —Felipe, sbali cha kle chage ba ole cha kle ba ulitaske, ¿gire ba bebi cha uñe ulia cha chema? Kwian bai kle gwage chadi me kle gwage chadi alin, kle gwage cha Ñenuadi kaire. ¿Mineade ba kle geru kade cha mo Ñenua kaitadale bage?

1 Corintios 15:34

Ba ulita bai kaire kle mo ta gbe geru me ulia ole, ba mo ta gbadaleni naskuni tañachuge no geru ulia giti me age me no dare, ba gweale me Chube uñe ulia malen ba kle mo ta gbe joge siere geru uliage, nga chiedale ibule badi cha kle gerule kare ba ole.

1 Corintios 6:5

Ba ibudale tanre ba kle age giti daba Chubenu ole daba dbe chugagwalla me Chubenu ngwadi. Ba ulitaske daba gweale ta molen ñage gerule daba agedu ba dollale ole geru trage no modi daba ole daba kle age giti, daba e kare kle ba ulitaske, daba age gweale ba dollale ba daba e dbadale daba Chubenu ta molen ngwadi geru tragadale ta no giti ama gwa giti daba agedu ba dollale giti. ¿Mineade ba me kle mo ta gbe tañachuge age ene? Cha gerule ba ole, ba agedale moske no, agwa ba me kle age.