Marcos 7:27 - Buglere

²⁷ Jesu gerudu muinga ole: —Cha bitalla israelita alin cha lle no tanre boadale, ba muinga me israelita, cha ba chudaboi e chege salengwli bligda jwennga kirogwa ngeru kete toge gutadale kare, ma no kirogwa chuge ngwadi blire ngeru.

Marcos 7:27 ပူးပေါင်းရင်းမြစ်များ

Mateo 10:5

Jesu bebi kwian e ulita kage Chube gerua Jesu giti dbe kwian nage gire Jesu gerudu ama ulita ole: —Ba joge chage Chube gerua dbe gire ba me joge nga kwian me israelita kle toi ngwadige Chube gerua trage ama ole, kaire ba me joge una ulita nga Samariage Chube gerua trage kwian e ole.

Mateo 7:6

’Kaire cha gerule ba ole Chube gerua kete kwian nage giti. Ba me kle samla bita ma no kete toge. Ba samla e kete toge to be srechie samla nadi gire be ba gute samla gdale. Kaire chunchi, ba me kle lle ñanaske igigwa kare mlienga ngwale dba chunchige, chunchi be skite giti igigwa be jwatenga ulita chunchi me igigwa gai dage dale. E kare ene ba Chube gerua kete kwian me Chube uñege, kwian e me ta geru e keruchugakalin me geru e gai dage gire ba me Chube gerua trage dare ama ole.

Marcos 7:28

Jesu gerudu ene gire muinga jaindunga Jesu kalen: —E ulia ba gerudu kare kwian chugagwalla, agwa to kle manade kirogwa kle blire ngwadi gire bligda jwna jwatenga kirogwa kote to kle e gute. E kare ene cha takalin ba cha chudaboi, ba dolla kage siere cha jiange.

Hechos 22:21

Cha gerudu ene cha Chugagwalla Jesu ole, cha tañachugu ama be cha chuge ngwadi ama gerua trage kwian e amaña ole, agwa ama gerudu cha ole: “Ba me ñage chege geru chanu dbe kwian ainiske, ba gerule cha giti aini, kwian mi ba keruchuge. Ba mo gbe biale jogedale nga nage, cha be ba kage cha gerua dbe kwian chudalla nga na bateske.” Jesu gerudu ene cha ole.

Romanos 15:8

Cha gerule ba ole trate Cristo giti, Cristo chiu nga dba ai giti agedale cha kwian israelita ulita alin agedale ulita Chube gerudu kare unsuialin, unsuialin Chube gerudu cha enusulian ole ama be kwian jwannga siere kage kwian israelita ulita alin, Cristo chku, Cristo agedu ulita Chube gerudu kare unsuialin, e giti suge chege Chube gerule ulia ama age ulita ama gerule kare.