Marcos 7:21 - Buglere

²¹ Kwian tale bai kaire talla me no kle, kwian ene be mo ta gbe age me no diali ai kare ulita: Onbre muinga me mo jwanba mo chuge ke giti. Onbre mo jwanba mo chuge ke giti muinga na ole, muinga mo jwanba mo chuge ke giti onbre na ole. Kwian skwe boi daba ngeru. Kwian daba gweda.

Marcos 7:21 ပူးပေါင်းရင်းမြစ်များ

Mateo 15:19

Kwian tale bai kaire talla me no kle, kwian ene be mo ta gbe age me no diali ai kare ulita: Kwian daba gweda. Onbre mo jwanba mo chuge ke giti muinga na ole, muinga mo jwanba mo chuge ke giti onbre na ole. Onbre muinga me mo jwanba mo chuge ke giti. Kwian skwe boi daba ngeru. Kwian geru jinade daba ole. Kwian gerule me no daba nadi.

Mateo 9:4

Kwian daba tkanga tangle Moisés chadalla giti ulita kledu tañachuge ene mo tale Jesudi, gire Jesuge uñadu trate kwian e ulita kle tañachuge giti, Jesu geru kadu kwian e ulitage: —¿Mineade ba ulita kle tañachuge me no ene chadi?

Marcos 7:20

Gire Jesu gerudu gwangerugu kwian geru jwannga amage ulita ole: —Cha gerule ba ulita ole, kwian kle tañachuge me no mo tale, talla e giti kwian kle age me no kle gerule me no ama kle tañachuge kare, e kle kwian gbe jiske Chube gwa giti.

Marcos 7:22

Kwian ta lle tanre gakalin mau alin allabi. Kwian age tanre sugaska me no. Kwian daba anblite geru ngwalege. Kwian mo ta gbe age ulita me no ama takalin kare kwian na gwa giti. Kwian jainchke dabadi lle dabanu gdale ama semale tanre daba ole lle dabanu giti. Kwian gerule me no daba nadi. Kwian mo sobade daba nadi. Kwian age ulita ama takalin kare ni tañachuge Chube giti, ama me ta ole.

Lucas 16:15

Jesu gerudu kwian fariseo ole: —Ba ulita takalin kwian na gwage ba kle age nodi, gire ba takalin kwian gerule ba giti ba noare ba kle chage trate. Ba age kwian gwa giti ene kwian tañachuge ba kle age trate ulia Chube takalin kare, agwa me uñale kwiange ba ta mine, Chube gwage ba tadi, uñale Chubege ba ta mine. Ba age no kwian tañachuge kare agwa Chube gwage ba kwian me no —Jesu gerudu ene kwian fariseo ole.

Hechos 5:4

Dbi banu ba chbadu, dbi ñanalla e banu. Agwa ba takalin ba igi kete mangire batre, gweale chege bage, ene no. Ba me dbi ñanalla ulita ketadale chage, agwa ba me gerudu ulia cha ole igi e ulita ba me chiu dbe, ¿mineade ba gerudu cha ole ba kle igi ulita kete chage? Ba me sodu daba ole alin allabi agwa ba sodu Chube ole. Ba gerudu ba dbi ñanalla ulita ketu chage, me ene ulia.

Hechos 8:22

Ba ta me no ba kle tañachuge kare ba mlienga nege blike, ba mo ta blite Chube ole ba gerule blike Chube ole mo chudaboi, ene Chube be ba tañachugu age me no talla mlienga, ene ba chege no Chube gwage. Chke uñale chage age me no tanre talla kle ba tale, ba ta agekalin cha kle age kare, agwa ba me ñage malen ba kle tañachuge me no chadi, ene ba me ñage tañachuge no ni ba be ñage age no Chube alin, Chube ji gbe kweri ta ene gdale.

Romanos 7:5

Ngeru che me Cristonu, che ene gire che ulita mo ta du age me no tanre diali che takalin kare, Moisés chadalla me che chudabo age no, Moisés chadalla gerudu che ole che me agedale me no, agwa che mo ta gbu age me no chada e dollale, che agedu ene giti che chegu sugekare Chubege.

Romanos 7:8

Geru e giti sugedu trate chage cha me agedale me no, agwa cha tale cha tachku age ma me no. Geru e me, ene me sugedu chage cha kledu age me no tañachuge lle dabanu nate mo alin.

Colosenses 3:5

Ba ageba me no ulita ba talla mlialenga ulita, ba me ñage toi ba toidu ngeru kare ba bebi Cristo gai ulia gire. Ba mo ta gbadale me age me no ai kare: Ba muirenu ba onbrenu me mo chuge ke giti. Ba me tañachuge geru sugaska giti me age ba tañachuge kare. Ba onbre ulita me tañachuge me no muinga nate mau alin kaire ba muire ulita me tañachuge me no onbre nate mau alin. Ba me mo ta gbe tañachuge mo tale age gweale me no. Ba me tañachuge lle tanre molen kwian na ngle ulitage, uñadale bage ba takalin lle molen tanre giti e salengwli ba kle lle ba takalinge gai chubere, gire ba me kle Chube ulia gai mo Chugagwallale, ba kle tañachuge ma lle ngwale giti ba me kle tañachuge Chube giti.

Tito 3:3

Che kaire ngeru kwian me no, che agedu tanre me no malen Chube gerua me sugedu chege, che me Chube gerua gau dage, che geru ngwale gau dage. Diali che tadu agekalin che takalin kare, diali che tadu agekalin ulita me no kwian me Chube uñe kle age kare, che tañachugu age ene giti nga be suga noare chedi chui tangle. Che toidu age me no daba ole daba gbale boi daga ngwale. Daba na lle no no molen, che tadu lle kaire gakalin mau alin. Che jainchku daba nadi ulita, kaire ama ulita jainchku chedi.

Santiago 2:4

Ba age ene ba me kle age Chube takalin kare. Ba kle mo ta dbe no daba lle molen kle chage mo ngama tkaba no ole agwa ba me kle mo ta dbe no daba me lle molen ole. Ba age ene, ba kle age me no Chube gwa giti mo gbe jiske age giti. Ba me mo ta dbe me no daba ole ba gwage amadi giti alin allabi gire. Chube me takalin ene, Chube takalin ba mo ta dbadale no ulita salengwli daba ulita ole me mo gbe ma kweri daba na me lle molenge.