Marcos 7:2 - Buglere

² Kwian e ulita gwagedu kwian geru jwannga Jesuge ulitadi blire, chku uñale amage kwian geru jwannga Jesuge bebi blire gire ama me mo ko gligu trate bitangle geru unsuialin kle gbaba kwian israelita alin gerule kare.

Marcos 7:2 ပူးပေါင်းရင်းမြစ်များ

Mateo 15:2

—Che enusulian unsuialin geru gbu che kwian israelita ulita toidale giti, ¿mineade kwian geru jwannga bage me kle age geru e kle gbaba gerule kare? Kwian geru jwannga bage ulita me kle mo ko glige trate tanre ngeru blirege che enusulian unsuialin suia kare, malen cha ulita gwage ama kle age me no.

Marcos 7:5

Kwian fariseo ulita kaire kwian daba tkanga tangle Moisés chadalla giti ulita bai nu chieba una Jerusalénge kle toi ene geru unsuialin kle gbaba gerule kare, kwian e ulita jo chke Jesu kle ngwadi, ama ulita gwagedu kwian geru jwannga Jesugedi blire ama bebi ko glige trate tanre gire, ama ulita tañachugu e me no gire ama ka bo Jesu ole kwian geru jwannga Jesuge kledu age giti gdale: —¿Mineade kwian geru jwannga bage me kle che enusulian unsuialin suia gai dage? Ama me kle age ulita geru kle gbaba gerule che israelita toidale giti kare. Ama me kle ko glige trate bitangle ama bebi blire gire, ama kle age me no blire ko sugaska ole llagli.

Lucas 11:38

Jesu kle blire gire kwian fariseo Jesu kadanga chegu tañachuge tanre mo tale Jesudi: “Jesu me agedu kwian israelita ulita kle age kare, kwian israelita diali kle ko glige trate tanre ngeru blirege, Jesu blidu me ko gligu ene kare.”

Hechos 10:28

Pedro gerudu kwian ulita ole: —Ba ulitage uñale cha bitalla kwian israelita me ñage chege ule geru trage kwian me israelita ba kare ole. Cha bitalla kle gerule kwian israelita me ñage joge gwa kwian me israelita ullage. Kwian me israelita sugaskare kwian israelita gwage, agwa Chube cha ta gbu cha me ñage kwian me israelita gai kwian sugaska kare.

Hechos 11:8

Cha gerudu: “¡Me dale! Ni cha bda e kare gutaba bitaite, bda e me gutadale cha alin, cha israelita gwage bda e ulita sugaska, cha bitalla israelita me kle bda e kare gute, Moisés nu Chube gerua degaba unsuialin kle gerule bda e me no gutadale.”

Romanos 14:14

Cha che Chugagwalla Jesu gaba ulia, chage mo tale suge trate trate bligda ulita no cha alin gutadale, chage suge ni bligda gdaite me no cha alin gute Chube gwa giti. Agwa daba gweale Chubenuge suge mo tale bligda gweale me no ama alin gutadale, suge amage ene agwa ama bligda e gute ama kle age me no Chube dollale, ulia daba e alin e me no gutadale.

Hebreos 10:29

Kwian bai me Chube gerua Moisés nu degaba gau dage boidu ene ulita, e giti ñage suge chege ulia Chube be ji gbe ma tirare kwian giti kwian ulita bai kaire Jesucristo gerua gaba bigire mo ta bliteni Jesucristo Chube Kirolla gai ngwale giti. Jesucristo jokeda kwian gbadale trate no Chube gwa giti agwa kwian e kle Jesucristo ibade kidere Jesucristodi tañachuge Jesucristo jokeda kwian ngwale agenga me no kare. Kaire kwian kle gerule jain jain jere jere Chube Oña kle age no ama alin dollale. Kwian e kare ene ulita giti Chube be ji ma tirare gbe kwian kle age Chube dollale gdale.

Apocalipsis 21:27

Kaire una ege ni lle sugaska me no gdaite kle, ni kwian gdaite ta me no agenga me no ni kwian gdaite geru jinanga ngwale ñage joge una ege. Agwa kwian ulita bai kaire kalla kle degaba chada no Bda Corderonu giti ama alin ñage toi ule una no ege chui tangle diali Chube kaire Jesucristo chrallaske ulita.