Marcos 7:15 - Buglere

¹⁵ Ni lle gdaite kwian kle gute kle kwian gbe me no jiske Chube gwa giti, agwa kwian kle tañachuge me no mo tale, gire kwian kle gerule me no age me no ama kle tañachuge kare, e ulita kle kwian gbe me no jiske Chube gwa giti.

Marcos 7:15 ပူးပေါင်းရင်းမြစ်များ

Mateo 12:34

Ba ulita kwian agenga me no me no, diali ba ta agekalin me no Chube dollale, ba ta me no molen, malen ba me ñage gerule no Chube takalin kare, ba ulita salengwli gli gbachie me no kare. Kwian ta no kle gerule no, kwian ta me no kle gerule me no. Kwian kle tañachuge mo tale kaire kle gerule kle tañachuge kare.

Mateo 15:16

Jesu jaindunga Pedro kalen: —¿Ba ulitage kaire agwe geru e me suge?

Marcos 7:14

Jesu gerudu ene kwian fariseo ulita ole kwian daba tkanga tangle Moisés chadalla giti ulita ole, gire Jesu kwian na ulita kledu ne ngwadi kadu mo gitigu ama keruchuge, Jesu gerudu kwian e ulita ole: —Ba cha keruchuge no, cha takalin geru ai suge trate ba ulitage:

Marcos 7:16

Ba ulita me cha gerua ai keruchuge alin allabi mo ologe, agwa kaire ba ulita mo ta gbadale geru ai gbe gdadi.

Hechos 10:28

Pedro gerudu kwian ulita ole: —Ba ulitage uñale cha bitalla kwian israelita me ñage chege ule geru trage kwian me israelita ba kare ole. Cha bitalla kle gerule kwian israelita me ñage joge gwa kwian me israelita ullage. Kwian me israelita sugaskare kwian israelita gwage, agwa Chube cha ta gbu cha me ñage kwian me israelita gai kwian sugaska kare.

Romanos 14:17

Me no tañachuge kwian Chubenu ulita bligda salengwli gutadale lle amaña jai, ene kwian Chubenu, ene Chube ama Chugagwalla. Me ene, me no tañachuge lle e kare giti, ma no mo tale mo ta gbe chage no trate Chube takalin kare, mo ta gbe toi trate daba na ulita ole, mo ta gbe toi nga suga no ole Chube Oña ba ta gbe kare.

1 Corintios 10:25

Ba ulita joge samla gige samla chbadakle ngwadi, ba samla gige ba me geru kadadale samla e jo kaitaba o me jo kaitaba lle oña kwian kle gai chuberege, ene ba ñage samla e ulita gute me tañachuge samla giti.

Tito 1:15

Kwian bai ta no trate molen, diali ama tañachuge no ama age no Chube gwa giti. Kwian bai me Chube gerua gai ulia, ama ta me no, diali ama tañachuge me no ama age me no, amage me suge kle age ulita me no, ama tañachuge kle age no.

Hebreos 13:9

Ba me mo chugale ngwadi anblitange geru tanre ngwalege, ba mo ta gbadale kiraske Jesucristo gerua gai gwangerugu, ba me mo ta blitadale joge siere geru uliage. Chube no no che ole kaire ama kle age no diali che alin, malen che ñage kira gai amage toi no ulita ama takalin kare. Ma no che mo ta gbe kiraske tañachuge Jesucristo giti Chube agedu no che alin giti agwa me tañachuge age diali geru kledu gbaba unsuialin tangle che enusulian oña israelita alin bligda giti gerule kare. Geru e bligda giti chegu ngwale, age geru e kle gerule kare me kle che ta gbe trate Chube gwa giti, geru e giti che me kira gai toi no Chube takalin kare.

Hebreos 9:10

Che mo ta gbadale tañachuge e giti geru kledu gbaba ngeru ni kle gerule kwian ta giti, agwa kle gerule bligda giti kwian ñage bligda mine gute mine me gute, kaire kle gerule lle gweale jadale giti kaire kle gerule kwian mo gbadale trate mo giti tangle mo glige alin allabi giti. Kwian e kledu age ene sugetidale alin Chube bebi geru jagere Jesucristo giti gbe gire, e ulita tadu gerukalin kwian chui ege kledu age Jesucristo be age giti ulita.