Marcos 5:6 - Buglere

^6-8 Kwian jwligebanga tendu Jesu ngwange gwagedu Jesudi chie bate, ama jo jrite Jesu ngnagu, gire Jesu gerudu kiraske dolla kle kwian e tale ole: —¡Ba me no me no, joga siere onbre aige, onbre ai chuge ngwadi sugekare! Jesu gerudu ene dolla ole gire dolla kwian jwligebanga gbu jongnagwa skute dba Jesudi Jesu gagda dage gire dolla kwian gbu gerule kweri Jesu ole: —Uñale chage ba Jesu, ba Chube kweri kiraske Kirolla. ¿Lledale ba chiu cha nate nga aige? Cha ulita gerule ba ole Chube gwa giti, ba me age me no cha ole cha gbe boi daga ngwale sugekare kwian aige, ma no ba cha chuge ngwadi toi kwian ai tale.

Marcos 5:6 ပူးပေါင်းရင်းမြစ်များ

Marcos 5:5

Kwian jwligebanga e diali kledu chage ngajudi ngajrege jwichuga jegwale kaire kwian jaba ogakle keugage ngwadi, ama kledu ngaute kweri kledu mo lendege jere jere kechugage diali.

Lucas 4:41

Jingme jo siere kwian tanrege, kaire dolla jo siere kwian tanrege, dolla ulita kle joge siere kwiange gire gerudu Jesuge: —Ba Chube Kirolla. Jesu ka bo dolla ole: —Ba me gerule ene cha giti, joga kamne siere. Uñale dolla ulitage Jesu amaña Cristo, Chube nu Jesu kagaba kwian jwen siere ji chugege age me no gdale Chube nu geruba sbali kare, malen dolla gerudu Jesu Chube Kirolla. Jesu me dolla chugu ngwadi Jesu kalla itenga Jesu amaña Cristo Jesu Chube Kirolla, malen Jesu ka bo dolla ulita ole, Jesu me dolla gdaite chugu ngwadi gerule trate Jesu giti.

Hechos 16:17

Muinga e chagedu cha ulita nate ngaute cha giti kwian na ole, ama gerudu: —Onbre ai ulita Chube kweri kiraske gerua dbanga, ama kle chage geru Jesu giti dbe ba ulitage ene ba tien gitiru ji chugege age me no gdale.

Santiago 2:19

Ba ulita kle gerule Chube gdaitre alin ulia allabi kle, e giti ba kle tañachuge trate, agwa tañachuge e kare giti alin allabi me kle gerule ba kle mo ta gbe ulia Chube gdaitre alin ole. Cha gerule ba ole, che dolla Satanás chudaboangalla ulitage suge trate Chube gdaitre alin ulia kle, ama ulita kle kennga tanre Chubedi ama kle jirenga Chube chrullale ama kle age me no giti, agwa ama me no Chube ole.