Marcos 3:3 - Buglere

³ Jesu gwagedu onbre ko kwebangadi, Jesu gerudu onbre e ole: —Chkede gdate, bai aini kwian ulita gwa ngeru mo ko oga kaite kwian ulita gwa giti.

Marcos 3:3 ပူးပေါင်းရင်းမြစ်များ

Mateo 12:10

Ne ngwadi kwian onbre gdaite oga kledu, ama oga ko ole ko kwebanga. Kwian fariseo mneite kledu eni gwa u ege, ama ulita tadu Jesu gbakalin jiske lle boi undege chuiage gdale, malen ama geru kadu Jesuge: —Geru kle degaba che me ñage lle boi chui undege chuiage. Nege chui undegangwa che alin, ¿che ñage kwian oga dodade chui aige o me?

Marcos 3:2

Kwian fariseo mneite kledu eni gwa u ege, kwian fariseo e kledu tatra onbre oga ko kwebanga giti, ama ulita tadu Jesu gbakalin jiske lle boi undege chuiage gdale, malen ama ulita chegu gwage Jesudi Jesu be onbre oga dodade o mi onbre dodade undege chuiage.

Marcos 3:4

Onbre oga chku gdate kwian ulita gwa giti, gire Jesu geru kadu kwian ulita kle amadi tanglege: —¿Che llema boadale undege chuiage? ¿Che age no kwian alin o che age me no kwian alin? ¿Che ñage kwian oga chudaboi o che kwian oga chugadale ngwadi boi daga ngwale jogekeda? Jesu geru kadu ene kwiange, agwa kwian ulita chegu kamne kwian me jaindunga Jesu kalen.

Lucas 6:8

Jesuge uñale kwian daba tkanga tangle Moisés chadalla giti kaire kwian fariseo ulita kle tañachuge mine Jesudige, Jesu gerudu onbre oga ole: —Chkede gdate, bai aini kwian ulita gwangnaru mo ko oga kaite kwian ulita gwa giti. Onbre oga chku gdate mo gbu kwian ulita gwangnaru,

Juan 9:4

Nege cha kle nga dba ai giti che lle boadale blike cha kaganga cha kagu lle boi ama alin kare, chui kle kodi gire cha be jogeda che mi ñage lle boi dare.

1 Corintios 15:58

Cha daballa cha ibotea Jesucristo giti, cha no no ba ulita ole. Uñale ba ulitage bdagli ba be chkeni gwade toi diali chui tangle ule Chube ole, malen cha gerule ba ole, ba ulita mo ta gbadale diali gwangerugu Chube ole me mo chuge ngwadi ta gbe joge siere sidri Chubege. Ba ulita mo ta gbadale ma no dare lle boi Chube alin che Chugagwalla Jesucristo gerua kete kwiange, uñale ba ulitage ba mo ta gbe Jesucristo gerua dbe kwiange, lle ene boi Chube alin Chube takalin kare ba me kle lle boi ngwale.

Gálatas 6:9

Malen che ulita me skwatigedale age diali no ulita Chube takalin kare, che chege ta ene kare molen diali, bdagli Chube be age no no che alin, ene be suge trate ulita chege che agedu no Chube takalin kare che me agedu ngwale.

Filipenses 1:14

Aini kwian Chubenu tanre kle chke gwage chadi cha kle skage gerule no Jesucristo giti kwian ole, suge daba ene ulitage Chube kle cha manade, daba ene ulita kle kira gai cháge, ama ta suge geru Jesucristo giti dbe kwian nage, suge amage Chube che Chugagwalla be ama manade kaire, ene ama kaire me kle kennga gerule Jesucristo giti kwian na ole.

1 Pedro 4:1

Cristo chagedu nga dba ai giti kwian kare ama boidu tanre daga ngwale, ama me talladu e giti, ama jagedu boi daga ngwalege me agedu me no sidri eske. Ene kaire ba boi daga ngwale ba me talladale boi daga ngwale giti, ma no ba mo ta gbadale jage boi daga ngwalege mo ta dbe Cristo mo ta du kare boi daga ngwaleske, ba mo kira gbadale me mo chuge ngwadi age me no boi daga ngwaleske.