Marcos 2:28 - Buglere

²⁸ Chube cha kagu nga dba ai giti kwian kare, ama cha gbu undege chuia mauña, malen cha ñage gerule kwian ole kwian llema boadale chui undegangwage llema me boadale chui undegangwage —Jesu gerudu ene ulita kwian fariseo mneitege.

Marcos 2:28 ပူးပေါင်းရင်းမြစ်များ

Mateo 12:8

Cha gerule ba ulita ole, Chube cha kagu nga dba ai giti kwian kare, ama cha gbu undege chuia mauña, malen cha ñage gerule kwian ole kwian llema boadale undege chuiage llema me boadale undege chuiage —Jesu gerudu ene ulita kwian fariseo mneite ole.

Marcos 2:27

Cha gerule ba ulita ole, ba me ñage kwian geru jwannga chage gbe jiske ama trigo bulu itu undege chuiage gdale, Chube gwa giti ama me jiske dale. Chube undege chuia gbu kwian alin undegangwa nga suga no ole, chui e chegu no kwian ulita alin, Chube me chui e gbu kwian alin kwian ta gbagda olire.

Marcos 3:1

Kwian israelita me lle boi chuiage chui undegangwa chui ege Jesu jo chkeni nakwaite u mo litangwa Chube gerua jwanngwage, eni onbre gdaite oga kledu, onbre e oga ko kwebanga ole.

Marcos 3:4

Onbre oga chku gdate kwian ulita gwa giti, gire Jesu geru kadu kwian ulita kle amadi tanglege: —¿Che llema boadale undege chuiage? ¿Che age no kwian alin o che age me no kwian alin? ¿Che ñage kwian oga chudaboi o che kwian oga chugadale ngwadi boi daga ngwale jogekeda? Jesu geru kadu ene kwiange, agwa kwian ulita chegu kamne kwian me jaindunga Jesu kalen.

Lucas 6:5

Ene kaire kwian geru jwannga chage me jiske Chube gwa giti ama trigo bulu itu undege chuiage gdale, Chube cha kagu nga dba ai giti kwian kare, ama cha gbu undege chuiage mauña malen cha ñage gerule kwian ole kwian llema boadale undege chuiage llema me boadale undege chuiage —Jesu gerudu ene ulita kwian fariseo mneite ole.

Juan 5:17

Jesu gerudu kwian israelita ole: —Cha Ñenua Chube kle lle no boi kwian alin chui ulitage kaire undege chuiage, cha age cha Ñenua kle age kare.

Juan 9:16

Onbre gerudu ene kwian fariseo ole gire kwian fariseo ulita gerudu modi mo kaire kaire, gweale gerudu: —Onbre kwian gwagwa me dodadu, ama kle age che undege chuiage, malen suge chage ulia Chube me ama kagu, ulia Chube ama kagu ene ama me e dodadu che undege chuiage. Kwian fariseo gweale na gerudu: —Onbre e onbre gwagwa dodadu, e me chiu Chube ngwadi ene ama me ñage lle daga ngwale no e kare dodade, kwian agenga me no me ñage gwagwa dodade ama agedu kare. Kwian fariseo ulita me gerudu salengwli Jesu giti gire ama mo tku dole modi Jesu giti,

Efesios 1:22

Chube kwian ulita kaire lle ulita nga ulita jigu Cristo kote, ene Cristo chege ulita mauñale chege ulita kagangale. Kaire Chube Cristo gbu kwian ulita Cristo gerua gaba ulia Chugagwallale, che ulita Cristo gerua gaba ulia che Cristonu che Cristo jegwalenu kare, Cristo kle mo talla gbe diali che amanu tale, ama kle ule diali che amanu ulita ole.

Apocalipsis 1:10

Nga ege chui undege chuia kwian Chubenu Jesucristo giti kle mo lite chuiage, chui ege Chube Oña chku chadige, cha chegu ama kirallaske. Gire cha nate cha geru keruchugu gerule cha ole kweri kiraske salengwli lle ngwanegda ka jwankle trompeta kle gdade kare.