Marcos 2:13 - Buglere

¹³ Jesu kwian oga skliebada dodadu ene gire Jesu joni nakwaiteni chage chibita kagda giti. Ne ngwadi kwian ngle jo chke Jesudi tangle gire Jesu kwian ulita tku tangle Chube gerua giti diali kare.

Marcos 2:13 ပူးပေါင်းရင်းမြစ်များ

Mateo 13:1

Jesu kledu gwa kwian tke tangle gire chui e amañagebi Jesu jo siere u ege jo chke chibitage toidu dba chibita kagda giti.

Mateo 9:9

Jesu kwian oga skliebada dodadu ene gire Jesu jo chage dare, Jesu gwagedu kwian onbre ka jwankle Mateodi. Mateo kwian igi ganga chugagwalla emperador nga Romamu alin, ama kledu toiba dba igi ketakle ngwadi igi gai kwiange, gire Jesu chku amadi gerudu ama ole: —Bai chage cha ole geru jwen chage. Jesu gerudu ene gire Mateo chku gdate lle e boi chugu ngwadi ulita, ama jo chage Jesu ole.

Marcos 1:45

Jesu gerudu kwian onbre e ole onbre me geru ketadale kwian nage Jesu ama dodadu giti, agwa onbre me geru e gatu mo tale Jesu gerudu kare, onbre chagedu geru e trage kwian ulitage Jesu agedu ama alin giti, onbre e giti kwian tanrege chku uñale Jesu giti, malen Jesu me chegu ñage joge unaske, ama chegu nga gballage kwian me kle toi ngle ngwadige agwa kwian nga tanremu chiu kaire Jesu nate Jesu kledu ngwadige mo chudaboi kade Jesuge.

Marcos 10:1

Jesu jo siere una Capernaumge ule kwian geru jwannga amage ulita ole, ama ulita jo nga Judeage, jo chke chi Jordánge ama jo chi kagda giti ongoru. Ne ngwadi kwian tanre litedu Jesudi tangle gire Jesu kwian tku tangle Chube giti ama kle age diali kare.

Marcos 2:2

Kwian tanre mo litu ne ngwadi ni kwian na gdaite ñage tien kwianske tangle u ugakallage. Jesu kledu geru Chube giti kete kwiange kwian tke tangle Chube gerua giti,

Marcos 4:1

Jesu joni nakwaite chibita kagda giti kwian tke tangle. Kwian litedu tanre Jesudi, nga me chegu Jesu alin toingwa malen Jesu jo chiga du kledu ne ngwadige, Jesu toidu dba du toli, kwian ulita chegu kedagu Jesu keruchuge.

Lucas 19:48

Agwa kwian ene ulitage me chku boale age mine gire ama ulita ñage Jesu gai, kwian ngle kledu Jesu ole kle mo ta gbe Jesu gerua keruchuge ulita no, malen kwian Jesu dollale me ñadu Jesu gai agedale me no ama ole.

Lucas 21:38

Diali ngabebitabi Jesu jo chkeni u gerungwa Chube olege gire kwian ulita chku Jesu keruchuge ngabebitabi.