Marcos 16:18 - Buglere

¹⁸ kaire ama be ñage jorisi jwen kote ni jorisi be age me no ama ole, kaire ama be ñage veneno jai gire ni ama be oga venenodi ni ama be jogeda kote, kaire ama be ñage ko gbe kwian oga giti gerule Chube ole gire kwian oga be joge chkeni noni trate. Kwian cha gerua ganga be ñage age ene ulita cha kiralla giti —Jesu gerudu ene kwian geru jwannga amage ulita ole.

Marcos 16:18 ပူးပေါင်းရင်းမြစ်များ

Marcos 5:23

Jairo gerudu Jesu ole: —Ba cha chudaboi, cha jian oga jabale jabale chege bedre ama ngeru ama jogekeda. Bai blike cha ullage tienda cha jian ogadi, ba ko gbe cha jian oga giti ene ama mi jogekeda, uñale chage ba kiralla giti ama be joge chkeni noni ama chege gwade.

Lucas 10:19

Cha kiralla giti ba ñage kirachke dolladi, ba ñage skite jorisi giti jebda giti lle e me ba lendege. Cha kiralla giti ba ñage kirachke dolla ulitadi diali, dolla me ñage age me no ba ole.

Hechos 19:12

Ñomedrega Pablo ko chugabadi ñomedrega nu oinbanga Pabloge kwian du kwian ogadi, ene kwian oga ñomedrega e chugedi gire oga joge chkeni noni, jingme joge siere kwian ogage kaire dolla joge siere kwian jwligebangage.

Hechos 3:12

Pedro gwagedu kwian ngledi chie Pedro kle ngwadi tañachuge tanre onbre jo chkeni giti, gire Pedro gerudu ama ulita ole: —¿Mineade ba kwian israelita ulita kle chege tañachuge tanre onbre e jo chkeni giti? ¿Mineade ba kle gwage cha ulitadige tanre? ¿Ba tañachuge cha agali kiralla giti cha ama dodadu cha ama gbu chage? ¿Ba tañachuge cha alin no Chube gwage malen Chube cha chudabo ama dodade? Me ene dale ba kle tañachuge kare. Cha me onbre dodadu mo kiralla giti, agwa Jesu kiralla giti cha onbre e dodadu.

Hechos 3:16

Ba onbre seragda kwebanga ai uñe, ba ulita kle gwage amadi ama ñage chage no trate mo seragda giti. Ama mo ta gbu Jesu gai ulia, malen Jesu kiralla giti ama seragda kira gau seragda jo chkeni. Cha mo ta gbu Jesu gai ulia kaire, uñadu chage Jesu kiralla giti Jesu ñage age no ama alin. Ulia Jesu agedu no ama alin Jesu ama dodadu, ba ulita ñage gwage amadi ama ñage chage no mo seragda giti nege ba ulita gwa giti.

Hechos 4:10

Cha be gerule ba ulita gwa giti ene chke uñale trate ba ulitage kaire kwian israelita na ulitage onbre gdaite ai kle ule cha ole ba ulita gwa giti ama me ñadu chage, nege ama ñage chage, Jesucristo una Nazaremu kiralla giti ama ñage chage no nege. Jesucristo amaña ba ulita ama guda, Chube Jesucristo gbuni gwadeni. Chube gerua degaba unsuialin gerule Jesu be boi ene giti, chada e gerule: “Kwian u dodanga ke gbu gerere, ke gbaite ama mliunga, ama gerudu ke e me no dale, agwa ke e ama mliunga, ke e ma no ke na ulitage.” Chube gerua degaba unsuialin gerule ene Jesu giti, boidu ene chada e gerule kare, Jesu no Jesu kweri agwa ba ulita me ama gau dage no kweri, ba ama gau kwian ngwale kare, ba ama guda kruge, agwa Chube ama jaba gbuni gwadeni.

Hechos 4:22

Pedro, Juan kwian seragda kwebanga dodadu Jesucristo kiralla giti, kwian ege chura ma ngle cuarentage chkeba, malen kwian tanre gerudu no Chube giti noare Chube onbre e dodadu.

Hechos 4:30

Kaire ba kira kete chage kwian oga dodade ba kiralla giti, ba cha ulita gbe age no kwianske lle daga ngwale tanre no dodade ba Kirolla no trate Jesu kiralla giti kwian ngle gwa giti. Ene nobi Chube.”

Hechos 9:34

Pedro gerudu onbre e ole: —Eneas, Jesucristo kiralla giti cha ba dodade. ¡Chkede gdate, gbengwa blinga, chagede! Pedro gerudu ene Eneas ole gire Eneas chku bduge blike chku gdate, ama jo chkeni no ulita trate Jesucristo kiralla giti.

Romanos 16:20

Ba ulita mo ta gbadale chege Chube gai ulia diali age no ama takalin kare, ene Chube ta suga no mauña be ba gbe kirachke blike Satanádi, ene dolla Satanás me ñage ba ta gbe age nganake me no. Cha takalin che Chugagwalla Jesu ba ulita manade no age no ba ulita alin diali.

1 Corintios 12:9

Chube Oña amaña ta kete kwian gweale nage Chube gai ulia ma no daba na ulitage, kwian ene lle kade Chubege suge trate amage Chube be age ama alin. Kwian nage Chube Oña ta kete kwian oga dodade.