Marcos 15:5 - Buglere

⁵ Agwa Jesu me jaindunga dale, Jesu chegu kamne, malen Pilato tañachugu tanre Jesu giti mineade Jesu me kle gerule mo giti ni sidri.

Marcos 15:5 ပူးပေါင်းရင်းမြစ်များ

Mateo 27:12

Jesu gerudu ene gire kwian gerunga Chube ole daba alin chugagwalla ulita kaire kwian israelita chugagwalla juma ulita me chegu ta chuge Jesu gbe jiske Pilatoge ama ulita gerudu tanre me no Jesu giti, agwa Jesu chegu kamne kwian ulita keruchuge alin.

Mateo 27:14

Agwa Jesu ni gerudu gbaite, Jesu chegu kamne me jaindunga dale kwian ulita kalen kaire Pilato kalen, malen Pilato chegu tañachuge tanre Jesu giti mineade Jesu me kle gerule mo giti ni sidri.

Marcos 15:4

Pilato geru kadu nabitaite Jesuge: —¿Mineade ba me kle gerule mo giti sidri kwian kle ba gbe jiske giti? Ama kle ba gbe jiske chage ba gwa giti lle tanre giti. Gerule cha ole, ¿ama kle gerule ulia o me?

Lucas 23:9

Herodes gwagedu Jesudi gire Herodes geru kadu tanre amage, agwa Jesu me jaindunga ni sidri Herodes kalen.

Juan 19:9

Pilato joni gwa ule Jesu ole gire geru kadu Jesuge: —¿Ba nga bainimu? Agwa Jesu me jaindunga Pilato kalen.

1 Corintios 4:9

Chage suge Chube kle cha ulita gbe Jesucristo gerua ketanga ba nate. Cha ulita Jesucristo gerua ketanga bebi toi no ba kle toi kare, kwian kle ba gai kwian no kweri kare, agwa kwian me kle cha ulita gai ene. Cha kle geru Cristo giti trage kwian ole, kwian kle cha ulita gbe boi daga ngwale geru e dbe giti, kwian ta cha ulita gwakalinda, kwian nga dba ai giti kaire lle boanga Chube alin nga ngaña giti gwage cha ulitadi cha kwian me no kare.