Marcos 13:8 - Buglere

⁸ Kwian chudalla na be mo tke dole kwian chudalla na ole, kaire kwian toinga nga kweri nage be mo tke dole kwian toinga nga kweri nage ole. Kaire nga be jwlien tanre kegde kweri be chite tanre nga tanrege, kaire bli suia kweri be kle tanre, kwian ngle be jogekeda bli kweri kote. E ulita be kle boi gwangea nga dba ai giti agwa chui bdagli bebi chke, lle na tanre tirare be boi ngeru, lle e ulita kote kwian be ta olire tanre boi daga ngwaleske.

Marcos 13:8 ပူးပေါင်းရင်းမြစ်များ

Mateo 24:8

E ulita be kle boi gwangeale nga dba ai giti agwa chui bdagli bebi chke, lle na tanre tirare be boi ngeru, lle e ulita kote kwian be ta olire tanre boi daga ngwaleske.

Marcos 13:7

Ba be geru keruchuge kwian kle dole tanre kweri modi nga tanrege, ba geru e keruchuge, ba me mo ta dbe kennga kle boi giti, boidale ene ulita ngeru agwa chui bdagli bebi chke.

Marcos 13:9

Jesu gerudu ene kwian geru jwannga amage ole gire gerudu dare: —Ba ulita kledale ta giti, kwian che dollale be ba ulita cha gerua ganga gai be ba kete kwian israelita chugagwallage boadalenga daga ngwale cha gdale, kwian chugagwalla e be ba dbe u mo litangwa Chube gerua jwanngwage ba batange obere giska giti kwian na ulita gwa giti. Kaire ba dbabe kwian chugagwalla tanre ma kweri ngwadi, chugagwalla e ulitage ba gbabe jiske cha gerua gdale, ba kle kwian chugagwalla e ngwadi gire ba be ñage gerule no cha giti kwian e ulita gwa giti.

Hechos 11:28

kwian Chube gerua ketanga e gdaite kada Agabo, ama jo chke kwian Jesu gerua gaba una Antioquíamuske ama mo gbu gdate kwian gwa giti gire Chube Oña ama ta gbu geru kete kwiange, ama gerudu: —Bli kweri be chke nga ulitage, kwian ulita be bli chuge. Boidu ene ulia Agabo gerudu kare chugagwalla kweri emperador nga Romage kada Claudio suiale.

1 Tesalonicenses 5:3

Chui ege kwian tanre be kle gerule: “Che ulita kle toi no, ulita kle ngwedi, me kle boi tirare cheske.” Kwian be kle gerule ene gire sugeti blike Jesucristo be chieni, kwian me kle Jesucristo chieni chuia manade be chege sugekare Chubege ngwale dale, mi ñage tien gitiru, be boi tirare salengwli muinga kle skibachie kirogwa kle menga chebia kote kare.

Apocalipsis 6:4

Lle gwade gerudu ene cha ole, gire sugetibi cha gwagedu ja na gdaite daberedi, kwian kledu chage skwenba ja dabere e giti, amage sbadi kweri jeike ketre, ama gbere kiraske tanre ene ama ñage kwian ulita nga dba giti gbe kira bate modi ongoru ongoru mo gweda, kwian nga dba giti mi ñage toi dare ule nga suga no ole, boi tirare ulita nga dba giti.