Marcos 12:29 - Buglere

²⁹ Jesu jaindunga kwian e daba tkanga tangle Moisés chadalla giti kalen: —Chube gerua ma kweri Moisés jigu degaba kwian gadale dage, geru e kle gerule: “Cha gerule ba kwian israelita ulita ole, ba cha keruchuge no, ba geru ai gbadale gdadi: Chube che Chugagwalla kweri, ama gdaitre alin allabi ulia.

Marcos 12:29 ပူးပေါင်းရင်းမြစ်များ

Mateo 10:37

’Kwian bai ta chagekalin ulia cha ole age cha takalin kare diali, kwian ene mo ta dbadale ma no cha ole mo bitallanu ulita olege. Kwian bai kle mo ta dbe ma no mo ñenua ole mo chebia ole, bai kle mo ta dbe ma no mo kirolla ole mo jian ole, kwian ene kle mo ta dbe ma no mo bitallanu ole cha olege, ama kle tañachuge mo bitalla giti ngeru me kle tañachuge cha giti ngeru, malen ama me ñage chage cha ole.

Mateo 23:9

Kaire ba me ñage kwian ngwale nga dba ai giti kade mo ñenua kare ba Chube ka jwen kare. Ba Ñenua gdaitre alin allabi kle toi nga ngaña giti, ba Ñenua Chube, ba ama gadale dage.

Lucas 10:27

Kwian daba tkanga tangle Moisés chadalla giti jaindunga: —Moisés chadalla gerule: “Ba nodale ba Chugagwalla kweri Chube ole, ba mo ta dbadale no trate ulita ama ole, ba tañachugadale diali mo tale ama giti, ba mo ta gbadale kiraske lle boi ama alin ama takalin kare, ba mo chuga gbale no Chube alin ole.” Kaire Moisés chadalla gerule: “Mo ta dbadale no daba na ulita ole salengwli ba no mo ole naskuni kare.”

Romanos 3:30

Chube na me kle, Chube gdaitre alin kle, Chube e kwian jwen siere ji chugege age me no ulita gdale bai kaire mo ta gbe Jesucristo gai ulia. Kwian israelita, me israelita, Chube me tallade e giti, ulita bai kaire mo ta gbe Jesucristo alin gai ulia chege no trate Chube gwage.

1 Corintios 8:4

Ba ulita kle tañachuge bligda kaitaba lle oña kwian kle gai chuberege giti ba ñage bligda ene gute o me. Uñale trate che ulitage lle oña e lle ngwale, lle oña me ñage bligda blite me ñage age bligda ole, malen che me tañachugadale bligda ene giti, uñale chege lle oña e ngwale, me Chube ulia, Chube ulia gdaitre alin.

Gálatas 3:20

Agwa Chube agali geru ketu Abrahamge Abraham oindallaske Chube be gdaite gbe kwian ulita alin. Chube me geru e kagu lle boanga mo alin nga ngaña giti ole ni kwian na ole Abraham alin, Chube agali geru e ketu Abrahamge.

1 Timoteo 1:5

Ba gerudale ene kwian me geru ulia dbanga ole, ene be suge amage ama mo ta blitadale ene ama ñage age Chube takalin kare, ama me agedale ama agali takalin kare. Chube takalin che mo ta gbe ulia no trate ulita daba ole. Che agedale no ta no giti, che agedale no diali Chube takalin kare ene che me jiske, che mo ta dbadale ulia Chube gai me gerule alin: “Cha Chube gai ulia.” Kwian mo ta gbadale age no diali ulita ene, gire ama ñage ta dbe no ulita daba ole.

1 Timoteo 2:5

Chube gdaitre alin allabi kwian ulita alin, ngeru kwian ulita Chube dollale, Jesucristo alin ñage kwian ta gbe no Chube ole.

Santiago 2:19

Ba ulita kle gerule Chube gdaitre alin ulia allabi kle, e giti ba kle tañachuge trate, agwa tañachuge e kare giti alin allabi me kle gerule ba kle mo ta gbe ulia Chube gdaitre alin ole. Cha gerule ba ole, che dolla Satanás chudaboangalla ulitage suge trate Chube gdaitre alin ulia kle, ama ulita kle kennga tanre Chubedi ama kle jirenga Chube chrullale ama kle age me no giti, agwa ama me no Chube ole.