Marcos 12:24 - Buglere

²⁴ Jesu jaindunga kwian saduceo kalen: —Ba me kle tañachuge trate dale, ni geru ulia ba uñe. Ba me Moisés nu Chube gerua degaba unsuialin uñe trate, kaire me suge bage Chube kweri Chube ñage age ulita mo kiralla giti, malen ba me kle tañachuge trate e giti.

Marcos 12:24 ပူးပေါင်းရင်းမြစ်များ

Mateo 22:29

Jesu jaindunga kwian saduceo kalen: —Ba me kle tañachuge trate dale, ni ba geru ulia uñe. Ba me Moisés nu Chube gerua degaba unsuialin uñe trate, kaire me suge trate bage Chube kweri Chube ñage age ulita mo kiralla giti, malen ba me kle tañachuge trate geru e giti.

Marcos 10:27

Jesu gwagedu ama ulitadige, Jesu gerudu: —Kwian agali gballa me ñage age ulita Chube takalin kare me ñage age mau alin agali toi diali chui tangle Chube ole. Agwa Chube alin allabi ñage kwian kira gbe age ulita Chube takalin kare, ñage kwian gbe toi diali chui tangle ama ole. Chube alin allabi ñage age ulita, lle ulita me mno ama alin boadale.

Marcos 12:23

Cha gerule ba ole, ulia onbre e gdaguke ulita toidu gdaite gdaite muinga amaña ole mo muira kare, chui bdaglige kwian jaba ulita be chkeni gwade chuiage, ¿chui ege onbre bai be chege muinga e ñengulallale?

Marcos 12:25

Sugedale trate ba ulitage chui bdaglige Chube be kwian jaba ulita gbeni gwade, kwian onbrenu muirenu mi mo jwen ni be tañachuge mo jwen giti, ama ulita be chege salengwli lle boanga Chube alin nga ngaña giti kare, lle boanga Chube alin nga ngaña giti me mo jwen.

Lucas 1:37

Ulia Chube alin lle ulita me mno, Chube ñage age ulita.

Juan 20:9

Geru jwannga boke ege Chube gerua degaba unsuialin me sugeba amage, Chube gerua degaba gerule Jesu jaba chkedaleni gwade agwa geru e bebi chke uñale amage.

Juan 5:39

Ba ulita kle geru jwen no trate ta gude cha Ñenua gerua kle degaba giti, ba ulita tañachuge chada batenga alin ene ta gude lle gweale skwen bage geru kle gerule giti ene ba ulita toi diali chui tangle cha Ñenua Chube ole. Chada e cha Ñenua gerua, geru e gerule cha giti,

Hechos 17:11

U ege Pablo geru Jesu giti ketu kwian israelita una Bereamuge, kwian una Bereamu geru Jesu giti keruchugu ma no ta no giti kwian una Tesalónicamuge. Kwian ngle israelita una Bereamu geru Jesu giti gau ngwange no. Kwian israelita una ege Chube gerua degaba unsuialin batunga Chube gerua jun chui gdale, ene suge kwian israelita ege ulia Pablo kle gerule kare kle gerule Chube gerua degaba kare o me. Chku uñale amage Pablo kle gerule geru ulia.

Romanos 15:4

Ulita Chube gerudu unsuialin Chube gerua e jo degaba che alin, ene che geru e jwen, e giti che tachke Chube takalin mine che ulita alin, kaire geru e giti suge chege chui be chke gire che be joge siere boi daga ngwale ulitage che be toi ule Cristo ole diali chui tangle, geru e che ta gbe kiraske nga suga no ole, ene che boi daga ngwale che ñage jage che me joge siere Cristoge.

Efesios 1:19

Kaire ba ama ta gbe suge ba kiraske tanre lle ulita giti ba ñage age ulita ba takalin kare cha ulita Jesucristo gerua ganga alin. Ene nobi Chube.” Cha kle gerule ene ulita ba giti Chube ole. Chube agedu no ba alin mo kiralla giti ene kaire kira ai amaña giti Chube Cristo gbuni gwade. Ama Cristo gbuni gwade gire Chube Cristo gbu toi dba mo ngena ko taingwli giti nga ngaña giti kwian ulita nga ulitage Chugagwallale. Chube Cristo gbu ma kweri ma kiraske kwian ulitage nga dba ai giti kaire lle boanga Chube alin nga ngaña gitige kaire che dolla Satanáge kaire dolla Satanás chudaboangallage, Cristo chegu ma kweri ma kiraske ama ulitage chui negege tangle kaire chui tangle diali.

Filipenses 3:21

Ama be che ulita jegwale nga dba ai giti blite mo kiralla giti, che jegwale be jwlite ama kare, mo kira giti ama kle lle ulita gbe manade, ama ñage age ulita ama takalin kare.