Marcos 11:20 - Buglere

²⁰ Nagbietege ngabebita Jesu joni chage nakwaite una Jerusalén ngnagu ule kwian geru jwannga amage ulita ole, ama ulita jo tangle kodi gli higuerage Jesu nu geruba ole. Ama ulita gwagedu gli edi drale, gli nu kwebanga ulita, gli sera ulita junbatebanga.

Marcos 11:20 ပူးပေါင်းရင်းမြစ်များ

Mateo 13:6

Chudenuma chku ngaña agwa chui jute kote chudenuma kwedunga junbatu jokeda ama me sera jo dbiske no kbiale.

Mateo 15:13

Jesu jaindunga: —Ima, uñale chage ama kle tañachuge me no mo tale chadi, agwa ba me tallade kwian e skochiu chadi giti, ama ulita chugene tañachuge ama takalin kare. Kwian e kle daba na tke tangle geruge, geru e me cha Ñenua Chube gerua ulia, geru e geru ngwale, cha Ñenua me kle geru e gbe ama tale tragadale daba na ole, agwa geru e kle chie kwian e agali tale, malen chui be chke gire Chube be age kwian e ulita ole be kwian gbe jiske ama kle daba tke tangle geru ngwalege gdale. Kwian e ulita kle chage kwian gwagwa me kare, kaire ama kle daba na kle chage kwian gwagwa me kare jonlla dbe, ene ama gdabonate me ten, me uñale amage ama kle chage baini, gire bdagli ama gdabonate joge chke dba dbiugage ama lentige boi daga ngwale tanre. Kwian fariseo ulita kle chage kwian ene kare, ama me kle Chube gerua ulia gai mo alin, kaire ama kle daba na tke tangle geru ngwalege enusulian suia giti, malen bdagli Chube be ama ulita gbe boi daga ngwale age ene ulita gdale.

Mateo 21:18

Nagbietege ngabebita Jesu joni chage naskuni una Jerusalén ngnagu ule kwian geru jwannga amage ole, ama ulita kledu chage jonkare gire Jesu bli ole, Jesu tadu blikalin.

Marcos 11:12

Nagbietege ngabebita Jesu jo siere una Betaniage joni chage naskuni una Jerusalén ngnagu ule kwian geru jwannga amage ole, ama ulita kledu chage jonkare gire Jesu bli ole Jesu tadu blikalin.

Marcos 11:14

Gire Jesu gerudu higuerage: —¡Chui aige gwangerugu ba mi gbachie dare, ni kwian gdaite be ñage ba gba gute! Kwian geru jwannga Jesuge ulita Jesu keruchugu gerule ene gli higuerage.

Juan 15:6

Bai kaire me ta chege ule cha ole, kwian ene be chege sugekare cháge ji chuge, ama me no me ñage age no salengwli uvananga chege sugekare girage me ñage gbachie kare, uvananga ene lita ole ama mlianga sugekare uva girage, uvananga be junbate gire uvananga draba guga.

Judas 1:12

Kwian daba tkanga tangle geru ngwalege kle age me no me no baske, ba ulita Chubenu kle chui ollade ba kle bligda ngle dodade blidale ule, gire kwian ene kle joge chke baske chui ollade ba ulita ole ule, ama me mo ta dbe no, ama me ibule bligda ngle gai mo alin gutadale gballa, ama agenga me no me no, ama ta me no diali. Kwian ene salengwli bogakwa kare, bogakwa kle gwaluge noi ngwange noi gbale boi agwa noi me boi, mleuda bogakwa e dbe gire noi me boi. Ene kaire kwian daba tkanga tangle geru ngwalege kle gerule be age no gire ama me age. Kaire kwian ene gli kare, gli me gbachie gli gbachie suiage, gli e jwanbakeda, gli e jogebada, me ñage gbachie. Ene kaire kwian daba tkanga tangle geru ngwalege kle age sugekare Chubege me ñage age no, ama be jogeda sugekare Chubege.