Marcos 10:39 - Buglere

³⁹ Gire ama gdabonate jaindunga: —Ima, cha ñage mo kete boange daga ngwale ba gerua gdale ba be boi daga ngwale kare. Jesu gerudu: —Ulia ba be boi tanre daga ngwale cha kare cha gerua gdale,

Marcos 10:39 ပူးပေါင်းရင်းမြစ်များ

Mateo 3:6

Kwian e gweale mo ta blitu Chube ole, kwian ene ulita gerudu ai kare Chube ole kwian na ulita gwa giti: “Chube, cha agedu me no tanre ba dollale, cha me ta agekalin me no ene dare, nege cha ba gakalin ulia mo Chugagwallale.” Kwian mo ta gbu no ene Chube ole gire Juan-Bautista ama ñeu chiske gau ngaña chigage chi Jordánge kwian na ulita gwa giti.

Marcos 14:31

Jesu gerudu ene Pedroge agwa Pedro gerudu dare: —Me dale, cha mi age ene ba kle gerule kare cha ole, cha me mo tallade cha be jogekeda ba ole ule, cha mi gerule kwian ole cha me ba uñe. Pedro gerudu ene gire kaire kwian geru jwannga Jesuge na ulita gerudu gdaite gdaite salengwli Pedro gerudu kare.

Juan 13:37

Pedro gerudu dare Jesu ole: —Cha Chugagwalla, ¿mineade ba gerule cha ole cha me ñage joge ba ole nege? Cha kle biale joge ule ba ole baini kaire ba be joge ngwadi, kaire cha tale cha kle mo ta gbaba biale jogeda ba giti.

Juan 15:20

Ba ulita tachkedale cha gerudu kare ba ole: “Lle boanga me ma kweri mo chugagwallage.” Cha ba Chugagwalla, cha kledu toi kwianske kwian mo ta gbu age me no tanre cha ole, ene kaire kwian be mo ta gbe age me no tanre ba ole, kwian be chage ba nate age me no ba dollale. Kwian bai cha keruchugu cha gerua gbu gdadi mo alin, kwian ene kaire be ba kerua gbe gdadi cha giti.

Juan 17:14

Kwian ai ulita kle chage cha ole, cha geru banu ketu kwian ai ulitage ba gerua gerule kare, ama kle chage cha geru banu ketu gerule kare, ama kle chage cha chage kare kwian ulitaske me kwian me chanu kle chage kare, e giti kwian me chanu jainchke amadi kwian jainchke chadi kare.

Hechos 12:2

Herodes kwian gbu Santiago chuga tkenga sbadi giti, Santiago Juan daballa.

Colosenses 1:24

Geru Cristo giti cha kle dbe kwiange, e gdale cha kle boi daga ngwale Cristo gerudu gwangeabi kwian ama gerua ganga be boi kare. Agwa kaire chadi nga suga no cha kle boi daga ngwale giti ba ulita Cristo gerua ganga ulia alin. Chage suge cha kle mo boange daga ngwale Cristo gerua gdale Cristo bole kare che ulita ama gerua ganga alin, ene che ulita ñage chege ama jegwalenu kare kwaitre alin.

Apocalipsis 1:9

Che ulita Jesucristo gau mo Chugagwallale gire ene Jesucristo giti che ulita Chubenu. Cha Juan ba daballa Jesucristo giti kaire agwe kle boi daga ngwale ba ulita Chubenu kle boi kare Jesucristo gerua gai gdale. Jesucristo kle kira kete che ulitage ene che ñage jage boi daga ngwaleske, ene che ñage chege ta no ole che kle boi ulita tanre daga ngwalege. Jesucristo cha ta gbu geru ulia Chubenu giti gire cha Jesucristo gerua du gdale cha dule skadi ngadrega bleske ka jwankle Patmoge.