Marcos 10:2 - Buglere

² Kwian fariseo gweale chku Jesudi mo chuge Jesu ole, ama ulita takalin Jesu gerule gweale me no Moisés chadalla dollale, ene ama ñage Jesu gbe jiske e gdale, ta ene ole kwian fariseo ulita geru kadu Jesuge: —Cha geru kade bage, ¿kwian onbre mo jwanba ñage mo muiralla chuge ngwadi? ¿Age ene e skwen no Chube gwa giti o skwen me no Chube gwa giti?

Marcos 10:2 ပူးပေါင်းရင်းမြစ်များ

Mateo 15:12

Jesu gerudu ene kwian ulita ole gire kwian geru jwannga amage ulita chiu Jesu gitigu sugekare, geru kadu Jesuge: —¿Uñale bage kwian fariseo ulita ta skochiu mo gdale ba gerudu ama ole giti?

Mateo 16:1

Kwian fariseo mneite kaire kwian saduceo mneite jo Jesu kle ngwadi mo chuge Jesu ole, ama ulita gerudu Jesu ole: —Ba kle gerule mo giti Chube ba kagu nga dba ai giti, cha takalin nege ba lle daga ngwale no kweri kwian me ña dodade mo kira giti, ba dodade cha ulita gwa giti, ene be chke uñale trate cha ulitage ulia Chube ba kagu ulia ba kle age Chube kiralla giti.

Mateo 19:3

Kwian fariseo gweale chku Jesudi mo chuge Jesu ole, ama ulita takalin Jesu gerule gweale me no Moisés chadalla dollale, ene ama ñage Jesu gbe jiske e gdale, ta ene ole kwian fariseo ulita geru kadu Jesuge: —Cha geru kade bage, ¿kwian onbre mo jwanba ñage mo muiralla chuge ngwadi muinga age gweale gdale? ¿Age ene e skwen no Chube gwa giti o skwen me no Chube gwa giti?

Mateo 22:35

Kwian fariseo e gdaite ama daba tkanga tangle Moisés chadalla giti, ama tadukalin Jesu gbe jiske geru gweale giti, ta ene ole ama geru kadu Jesuge:

Mateo 23:13

Jesu gerudu ene ulita kwian geru jwannga amage ole, gire Jesu mo ta gbu gerule kwian daba tkanga tangle Moisés chadalla giti ulita gwale kaire kwian fariseo ulita gwale, Jesu gerudu: —Ba kwian daba tkanga tangle Moisés chadalla giti kaire ba kwian fariseo, cha gerule ba ulita ole, ba ulita be ji chuge tirare bdagli ba kle age giti, ba kle gerule nganake ba kle age nganake. Ba kate ba kle gerule ba kle Chube gerua gai ulia ba kle Chube gai mo Chugagwallale, agwa ba tale ba me kle Chube gerua gai ulia ba me kle Chube gai mo Chugagwallale, malen ba me Chube uñe ba me Chubenu. Kwian na tanre ta Chube gerua uñakalin no trate ba giti agwa ba me takalin kwian e Chube gerua gai ulia mo alin ba me takalin ama Chube gai mo Chugagwallale, malen ba me kle ama chudaboi Chube gerua ulia uñe ba me kle ama tke tangle trate geru uliage. Age ene gdale ba ulita be ji chuge tanre bdagli.

Mateo 9:34

Agwa kwian fariseo ulita kle ne ngwadi gerudu Jesudi: —Dolla chugagwalla kle kira kete amage, kira e giti ama kle ñage dolla na kage siere kwiange —kwian fariseo gerudu ene me no Jesudi.

Marcos 10:1

Jesu jo siere una Capernaumge ule kwian geru jwannga amage ulita ole, ama ulita jo nga Judeage, jo chke chi Jordánge ama jo chi kagda giti ongoru. Ne ngwadi kwian tanre litedu Jesudi tangle gire Jesu kwian tku tangle Chube giti ama kle age diali kare.

Marcos 10:3

Jesu jaindunga: —Kaire cha geru kade bage, Moisés Chube gerua degu unsuialin, ¿chada e gerule mine muinga chuge ngwadi giti?

Marcos 8:11

Jesu jo chke nga Dalmanutage ule kwian geru jwannga ulita ole, gire kwian fariseo ngle chku mo lite Jesudi mo chuge Jesu ole ta me no ole, kwian fariseo gerudu Jesu ole: —Ba kle gerule Chube ba kagu nga dba ai giti, cha takalin nege ba lle daga ngwale no kweri kwian me ñage dodade mo kira giti kare ba lle ene dodade cha ulita gwa giti, ene be chke uñale trate cha ulitage ulia Chube ba kagu ba kle age Chube kiralla giti.

Marcos 8:15

Jesu kwian geru jwannga ulita ta gbu me geru ngwale gai, Jesu gerudu ama ulita ole: —Cha gerule ulia ba ole, ba mo ta manadale chage ta giti kwian fariseoske kaire chugagwalla rey Herodege, ba me mo chuge ngwadi ama levaduralla gai pan dodale mo alin.

Lucas 11:39

Uñale Jesuge fariseo e kle tañachuge mine mo tale amadi, Jesu gerudu: —Ba kwian fariseo ulita kle tañachuge ba age ba enusulian unsuialin suia alin kare, ene ba tañachuge ba kwian no trate Chube gwa giti, agwa me ene ba kle tañachuge kare, ba tale ba ta me no, age me no tanre kle ba tale diali, diali ba kle tañachuge mo tale skwe boi daba ngeru kaire age tanre me no daba dollale. E salengwli kwian kle chi jangwa kaire batekwa glige giti tangle alin kare gire tañachuge chi jangwa kaire batekwa chege trate ulita, agwa batekwa kaire chi jangwa gligaba ene me trate dale, chi jangwa e batekwa e skieru kle chege sugaska. Ene kaire ba, ba tale ba kwian me no sugaska.

Lucas 16:14

Jesu gerudu ene gire kwian fariseo ulita kle mo ta gbe no igi ole Jesu keruchugu gerule ene igi giti, gire fariseo ulita Jesu gidadu geru Jesu gerudu giti.

Lucas 5:30

Kwian ulita kle blire kle geru trage gire kwian fariseo mneite kaire kwian daba tkanga tangle Moisés chadalla giti mneite kledu eni gwagedu kwian tanredi blire ule kwian geru jwannga Jesuge ulita ole, ama ulita ka bo geru jwannga Jesuge ole: —¿Mineade ba kle blire ule kwian igi ganga chugagwalla emperador nga Romamu alin ole kaire kwian na tanre agenga me no ole?

Lucas 6:7

Kwian daba tkanga tangle Moisés chadalla giti mneite kaire kwian fariseo mneite kledu eni gwa u ege, kwian e ulita kledu tatra onbre oga ko kwebanga giti, ama ulita tadu Jesu gbakalin jiske lle boi undege chuiage, malen ama ulita chegu gwage Jesudi Jesu be onbre oga dodade o mi onbre oga dodade undege chuiage.

Lucas 7:30

Kwian fariseo ulita kaire kwian daba tkanga tangle Moisés chadalla giti ulita, kwian e ulita me gerudu ene no Chube giti, ama me mo ñeangu chiske Juan-Bautistage, ama me mo ta blitakalin Chube ole. Chube tadu agekalin no ama ulita alin agwa ama Chube ibaitu me tadu agekalin Chube takalin kare.

Juan 11:47

Gire kwian fariseo ulita kaire kwian gerunga Chube ole daba alin chugagwalla ulita mo litu kwian israelita chugagwalla ma kweri ulita ole u mo litangwa Chube gerua jwanngwage, ama ulita geru tragu modi Jesu giti: —¿Che ulita be age mine onbre e ole? Onbre e kle chage lle daga ngwale no tanre dodade che bitalla israelita ulita gwa giti, kwian ulita be mo ta gbe chage ama nate. Che onbre e chuge ngwadi age, che bitalla israelita ulita be ama gai ulia be ama gbe kweri mo chugagwallale,

Juan 7:32

Kwian fariseo ulita kledu eni kwian keruchugu gerule no ene Jesu giti Jesu gai ulia Cristole, gire ama ulita ule kwian gerunga Chube ole daba alin chugagwalla ulita ole guardia donga gweale kagu Jesu gai gbe skadi.

Juan 7:48

¿Suge ba ulitage che chugagwalla israelita ulita, kaire cha ulita kwian fariseo Moisés chadalla uñanga ulia, gweale kle ama gai ulia? ¿Mineade ba kle mo chuge ngwadi mo anblitange amage kwian ngle ulita kare?

Juan 8:6

Ama ulita geru kadu ene Jesuge muinga giti ama ulita tañachugu Jesu be gerule gweale me no Moisés chadalla degaba dollale, ene ama be ña Jesu gbe jiske ama ulita takalin kare, agwa Jesu me jaindunga, Jesu chegu gwage gwadbiguda dbi chada gbe kobara giti.

1 Corintios 10:9

Che me mo ta gbadale mo chuge Chube ole tañachuge che ñage age tanre me no Chube me tallade e giti Chube no che ole malen Chube mi ji gbe che alin che age tanre me no ene gdale, che me mo ta gbale age ene Chube dollale. Che enusulian unsuialin gweale tañachugu ene age tanre me no, ama tañachugu Chube no Chube me ji gbe ama alin, agwa age me no ene giti Chube ji gbu kwian ene ulita alin, kwian tanre lentigu jorisige, ama ulita jokeda.