Lucas 9:48 - Buglere

⁴⁸ Jesu gerudu kwian geru jwannga ulita ole: —Kwian bai kaire no cha ole ulia, kwian ene kle kirogwa ai kare gai ngwange no kle age no ama alin, kwian age ene me kle kirogwa alin allabi gai ngwange no, kaire ama kle cha gai ngwange no kle age no cha agali alin kare. Ene kaire kwian bai kaire cha gai ngwange no, kwian ene kle Chube cha kaganga nga dba ai giti gai ngwange no kaire. Kwian kle baske aini nga dba ai giti bai mo gbe soli daba na chudaboangale, kwian ene kweri Chube gwage —Jesu gerudu ene kwian geru jwannga amage ulita ole.

Lucas 9:48 ပူးပေါင်းရင်းမြစ်များ

Mateo 18:10

Jesu gerudu: —Cha gerule ba ole, ba mo ta gbadale me daba na cha gerua gaba ibade, ba daba ene gweale ibade ba me kle age sugekare Chube gwage, me ene, diali lle boanga ulita cha Ñenua Chube alin nga ngaña giti kle cha Ñenua ole, cha Ñenua kle ama kage kwian cha gerua gaba manade.

Mateo 18:14

Kwian oveja mauña me tadu oveja jogebanga chugakalin ngwadi, ene kaire ba ulita Ñenua Chube nga ngaña giti me takalin kwian gdaite cha gerua gaba joge siere cha geruage oveja jogebanga kare, malen ba mo ta gbadale me kwian Chubenu ibade ni ama ta gbe age me no —Jesu gerudu ene kwian geru jwannga amage ole.

Mateo 19:28

Jesu jaindunga: —Chui bdagli Chube be lle ulita nga ngaña giti nga dba ai giti dodadeni nakwaite jagere, gire ne suiale Chube be cha gbe gerule nga ulita giti kwian ulita Chugagwallale, chui ege Chube gwa giti cha be gerule kwian nga ulitamu giti bai jiske Chube gwage bai me jiske Chube gwage. Ene kaire chui ege ba ulita geru jwannga chage kle chage diali cha ole nga dba ai giti, ba ulita be chege daba chugagwallale ule cha ole gerule kwian ulita giti, chui ege cha be ba ulita gbe ba bitalla ulita israelita mne gdataboko giti gdaboke chugagwallale gerunga kwian e ulita giti bai jiske bai me jiske Chube gwage.

Mateo 25:40

Kwian be geru kade ene chage, gire cha be jainnga: “Cha gerule ulia ba ulita ole, kwian tanre cha gerua gaba ulia me lle molen, ba kwian ene manadu no, ba lle ketu amage, ba ama chudabo, e salengwli ba cha agali chudabo kare.”

Mateo 25:45

Kwian be geru kade ene chage gire cha be jainnga ama kalen: “Ulia ulia cha gerule ba ulita ole, ba me kwian cha gerua gaba chudabo lle me ama ole gire, ba me lle ketu amage e salengwli ba me cha agali chudabo kare. Ba me kwian ene chudabo, ene kaire ba me cha chudabo.” Cha be jainnga ene kwian mo ta gbu age me no kalen.

Marcos 9:37

—Kwian bai kaire no cha ole ulia, kwian ene kle kirogwa ai kare gai ngwange no kle age no ama alin, kwian age ene me kle kirogwa alin allabi gai ngwange no, kaire ama kle cha gai ngwange no kle age no cha agali alin kare. Ene kaire kwian bai kaire cha gai ngwange no, kwian ene kle Chube cha kaganga nga dba ai giti gai ngwange no kaire —Jesu gerudu ene kwian geru jwannga amage ole.

Lucas 10:16

Jesu gerudu ene kwian setenta y dos ole kwian me Chube gerua gai giti, gire Jesu gerudu dare kwian setenta y dos ulita ole: —Nege cha kle ba kage Chube gerua trage kwian na ole, kwian bai ba gai ngwange no ba keruchuge no, kwian ene me kle ba alin allabi gai ngwange no keruchuge no, kaire ama kle cha gai ngwange no cha keruchuge no agali kare ba giti. Kwian me ba gai ngwange no me ba gerua Chube giti gai ulia, e salengwli ama me kle cha agali gai ngwange no kare e salengwli ama me kle cha agali gerua gai ulia kare. Kwian me cha gerua gai ulia, e salengwli ama me kle Chube cha kaganga agali gerua gai ulia kare. Gire nege cha gerule ba ulita ole, joga Chube gerua trage kwian ulita ole una kaire kairege. Jesu gerudu ene kwian setenta y dos ole, gire kwian ulita jo gdaboke modi kaire kaire, ama ulita chagedu Chube gerua dbe kwian nage Jesu gerudu kare.

Lucas 14:11

E kare ene kwian baige suge kweri mo tale kaire mo gbe no kweri kwian na gwa giti, Chube gwage kwian ene me kweri, ama ngwale ama soli. Agwa kwian baige suge soli mo tale kaire mo gbe kwian na chudaboangale, Chube gwage kwian ene kweri.

Lucas 22:26

Agwa ba ulita me ñage tañachuge kwian chugagwalla nga dba ai giti ulita kle tañachuge kare, ba tañachugadale nganake. Kwian bai ma kweri ba ulitaske, kwian e mo gbadale ma soli, kaire kwian bai daba kaganga ama mo ta gbadale daba chudaboi no.

Lucas 7:28

Cha gerule ba ole, aini nga dba giti kwian na me Juan-Bautista kare, ni kwian gdaite ma kweri Juan-Bautistage Chube gwa giti. Agwa nege gwangerugu kwian bai mo ta gbe cha gerua gai ulia, kwian e me chege kweri kwian na gwa giti agwa Chube gwa giti kwian ene ulita chege ma kweri Juan-Bautistage —Jesu gerudubi ene kwian ole Juan-Bautista giti.

Juan 13:20

Cha kwian chanu kage cha gerua dbe kwian nage, kwian na bai kwian chanu gai ngwange no, kwian ene me kle kwian chanu alin allabi gai ngwange no, kaire ama kle cha gai ngwange no agali kare kwian chanu giti. Kwian bai cha gai ngwange no kwian ene me kle cha alin allabi gai ngwange no, kaire ama kle cha kaganga gai ngwange no agali kare cha giti.

Juan 14:21

Kwian bai kaire age ulita cha gerule kare cha gerua gai dage, kwian ene ulia no cha ole, kwian no cha ole cha Ñenua be no kwian ene ole, kaire cha be no kwian ene ole, cha be kwian ene ta gbe suge cha kle ama ole.

1 Tesalonicenses 4:8

Kwian bai me geru ai ulita gbe gdadi me daba ta gbe chke me daba tke tangle geru ai ulita giti, kwian ene me kle age mo salengwli dollale, kle age Chube dollale, e Chube gerua me kwian gerua. Geru ai ulita giti chkedale uñale ba ulitage Chube mo Oña ketu ba gdaite gdaitege mo ta gbadale age no Chube Oña takalin kare.

1 Pedro 5:6

Ba ulita Chube gadale ma kweri moge, ba Chube gadale mo Chugagwallale, ba mo chugadale ngwadi Chube kirallage age, ene chui be chke gire Chube be ba ulita gbe kweri.

Apocalipsis 21:14

Kechuga kweri kweri gbataboko giti gbaboke kledu gbaba gbaite gbaite unadi tangle, kechuga e ulita kledu gere ulita una edi tangle gatedi kiraske. Kechuga gbataboko giti gbaboke giti kwian Jesucristo gerua ketanga dabage kalla kledu degaba gdaite gdaite, kwian e ulita chagedu Bda Cordero amaña Jesucristo ole ule Jesucristo kledu toi nga dba ai giti kwianske gire, kwian e kalla gdaite gdaite kledu degaba kechuga gbaite gbaite giti.

Apocalipsis 3:21

Cha gerule ba ole, kwian bai mo ta gbe kiraske Chube gerua gai ulia mo tale, cha be kwian ene gbe daba chugagwale daba na kaganga chui bdaglige cha ole ule. Cha be age no ene ama alin salengwli Chube cha Ñenua agedu cha alin kare. Cha kirachku lle ulitadi nga dba ai giti gire cha joni nga ngaña giti Chube ngwadi, Chube cha gbu kwian kaire lle na ulita Chugagwalla kweri.