Lucas 9:13 - Buglere

¹³ Jesu gerudu: —Ba ulita agali bligda kete kwian ulitage gutadale. Kwian geru jwannga gerudu Jesu ole: —¿Che kwian ngle ulita ulle llemadi? Bligda me ngle che ole kwian tanre alin gutadale, che pan molen gdatigale alin ngwe gdabokle alin, bligda e me ñage kwiange ulita. ¿Ba takalin cha ulita joge bligda ngle ngle gige kwian ai ulita ullagda, ene che ñage bligda kete kwian ulitage gutadale?

Lucas 9:13 ပူးပေါင်းရင်းမြစ်များ

Lucas 9:12

Ngabi kodi nga jere ngnagu kwian geru jwannga ulita jo chke Jesudige gerudu Jesu ole: —Nga ai che kle ngwadi nga gballa, nga aige bligda me kwian ulita ai alin gutadale, kaire u gbengwa me ama alin. Noare ba gbi kade bdagli kwian ulitage, ba ama ulita kage siere nga aige, ene ama ulita ñage joge nga gwealege o una gwealege bligda gige mo alin gutadale kaire u gbengwa jinade mo alin.

Lucas 9:14

Kwian geru jwannga Jesuge gerudu ene gire Jesu gerudu ama ulita ole: —Ba kwian ngle ulita gbe toi dba kwian cincuenta mne kaire kaire. Kwian geru jwannga kwian gbu toi dba ulita Jesu gerudu kare, kwian ene ulitaske kwian onbre ngle cinco mil kledu, kaire muinga ngle kirogwa ngle kledu ule kwian onbre ngle eske, agwa muinga, kirogwa me jo teanba.