Lucas 8:37 - Buglere

³⁷ Gire kwian ulita toinga nga Gadarage ta kwachiu tanre Jesudi kwian gerudu Jesu ole: —Cha me takalin ba chege dare cha kle toi ngwadi nga aige. ¡Joga siere nga aige me age ene dare aini!

Lucas 8:37 ပူးပေါင်းရင်းမြစ်များ

Mateo 8:34

Chunchi mananga geru e ulita tragu kwian unaske ole, gire kwian ulita kledu toi una ege jo tienda Jesudi. Kwian e ulita jo chke Jesudige gire gerudu Jesuge: —Cha ulita me takalin ba chege dare aini nga aige. ¡Joga siere nga aige me age ene dare aini!

Marcos 5:17

Gire kwian ulita toinga nga Gadarage mo ta gbu gerule Jesu ole: —Cha me takalin ba chege dare cha kle toi ngwadi nga aige. ¡Joga siere nga aige, ba me chegedale age ene dare aini nga aige!

Lucas 10:16

Jesu gerudu ene kwian setenta y dos ole kwian me Chube gerua gai giti, gire Jesu gerudu dare kwian setenta y dos ulita ole: —Nege cha kle ba kage Chube gerua trage kwian na ole, kwian bai ba gai ngwange no ba keruchuge no, kwian ene me kle ba alin allabi gai ngwange no keruchuge no, kaire ama kle cha gai ngwange no cha keruchuge no agali kare ba giti. Kwian me ba gai ngwange no me ba gerua Chube giti gai ulia, e salengwli ama me kle cha agali gai ngwange no kare e salengwli ama me kle cha agali gerua gai ulia kare. Kwian me cha gerua gai ulia, e salengwli ama me kle Chube cha kaganga agali gerua gai ulia kare. Gire nege cha gerule ba ulita ole, joga Chube gerua trage kwian ulita ole una kaire kairege. Jesu gerudu ene kwian setenta y dos ole, gire kwian ulita jo gdaboke modi kaire kaire, ama ulita chagedu Chube gerua dbe kwian nage Jesu gerudu kare.

Lucas 5:8

Simón-Pedro gwagedu ngwe tanredi gire ama jongnagwa skutu dba Jesu gwangnaru gerudu Jesu ole: —Cha Chugagwalla, suge trate chage ba noare kweri ba kiraske tanre, chage suge cha kwian agenga me no tanre, malen ma no ba me chage dare cha ole.

Lucas 8:36

Kwian ulita bai gwagedu Jesudi mo gwagwa giti Jesu dolla kagu siere onbre jwligebanga ege gire, kwian e geru e ulita tragu kwian chiu unaskege ole kwian jon jegwalege ole, geru tragu ama ulita ole Jesu dolla kagu siere onbre jwligebangage.

Lucas 8:38

Kwian gerudu ene Jesu ole gire Jesu joni naskuni du toli, kwian onbre jogeba chkeni noni jo Jesu nate gerudu Jesu ole: —Cha ta jogekalin ule ba ole, ba cha dbe ule nga baini kaire ba joge ngwadi. Jesu gerudu ama ole: —Ba me ñage joge ule cha ole, ba jogedaleni ba ullage geru trage ba bitalla ulita ole Chube agedu giti ba alin. Jesu gerudu ene onbre e ole gire Jesu joni, kwian onbre jo mo bitalla ngwadi geru trage kwian unaske ulita ole Jesu agedu noare ama alin, Jesu dolla kagu siere amage ama geru e tragu kwian ulita ole.

Lucas 9:5

Una ulitage baini kaire ba joge chke ngwadi, una e gwealege kwian me ba gai ngwange no, ba me tallade, ba jogedale siere una ege, ba me chege geru dbe kwian una emuske, ba joge siere una ege ba dbi mnuña skiennga mo serage kwian ene gwa giti, ene be suge kwian una emuge ama chege jiske tanre Chube gwa giti me ba gai ngwange no gdale Chube gerua giti.

Lucas 9:56

Chube cha kagu nga dba ai giti kwian kare, cha me chiu kwian gwangaleda, cha chiu kwian jwanngale siere ji chugege age me no gdale. Jesu ka bo ene Santiago kaire Juan ole gire Jesu jo ule ama ole una nage.

Hechos 16:39

Kwian gerunga daba giti jiske o me jiske jo Pablo, Silas kle skage ngwadi, ama gerudu Pablo ole Silas ole: —Cha agedu me no ba ole, cha agedu giti ba e talla mlienga. Kwian Pablo, Silas kagu tkale skage ama Pablo, Silas skajunnga, kwian e gerudu ama boke ole: —Ma no ba joge siere una aige.