Lucas 7:5 - Buglere

⁵ ama no no kwian israelita ulita ole, ama u mo litangwa Chube gerua jwanngwa dodangu cha ulita alin una aige. Guardia donga chugagwalla kwian ene malen noare ba joge lle boanga ama alin oga dodade.

Lucas 7:5 ပူးပေါင်းရင်းမြစ်များ

Lucas 7:4

Gire kwian israelita chugagwalla juma mneite jo chke Jesudige gerule Jesu ole, ama gerudu: —Kwian lle boanga gdaite guardia donga chugagwalla alin oga jabale chegu sidri ama ngeru ama jogeda, cha ulita takalin ba joge guardia donga chugagwalla chudaboi ba lle boanga ama alin dodade. Guardia donga chugagwalla ama kwian noare,

Lucas 7:6

Kwian israelita chugagwalla juma ulita gerudu ene Jesu ole gire Jesu jo chage ule ama ole guardia donga chugagwalla ulla ngnagu, Jesu jo chke kodi uge gire guardia donga chugagwalla mo skatemanalla na kagu mneite geru jige Jesuge jonke, guardia donga chugagwalla skatemanalla gerudu Jesu ole: —Guardia donga chugagwalla geru ai kagu ba alin: “Cha ba gai kweri, chage suge cha me no, uñale chage trate ba no no, malen cha me jo agali ba jwen. Ma no ba me joge gwa cha ullage oga kle ngwadi, ba gerule alin allabi jonke lle boanga oga giti cha alin, ene uñale chage ama be joge chkeni noni.

Gálatas 5:6

Che mo ta gbu Jesucristo gai ulia, che amanu, malen che me tañachugadale mo kwara sidri tkangenga o me mo kwara sidri tkangenga, e giti che me tañachugadale, e ngwale, e me che ta blite joge siere age me noge Chube gwage, agwa Jesucristo alin che ta blite age no Chube takalin kare, che mo ta gbadale ulia Jesucristo gai mo tale diali, ene Jesucristo giti che chege diali mo ta dbe no Chube ole kaire daba ulita ole.

1 Juan 3:14

Agwa ulia che Chubenu mo ta dbe no daba na ole gire e giti suge chege ulia che ta me ngeru kare che bebi Chube gerua Jesucristo giti gai ulia gire. Ne suiale che chegu sugekare Chubege che me Chube uñu malen che me mo ta du no daba ole. Agwa che me chegu e kare malen che mi joge boadalenga daga ngwale ji chuge tanre ngwadi che agedu me no kbiale, nege tangle Jesucristo gerua gai ulia giti che ta kle Chube ole, che kle mo ta dbe no daba ole giti suge chege che Chubenu ulia, che be toi chui tangle Chube ole. Suge chege kwian bai kaire me kle mo ta dbe no daba ole kwian e me Chubenu, ama be toi diali sugekare Chubege ama me Jesucristo gerua gai ulita giti.