Lucas 7:41 - Buglere

^41-42 Jesu gerudu: —Onbre boke jiske onbre na gdaitege igi giti, onbre gdaite e igi mauña igi ketu sugetidale onbre boke ege, igi mauña igi ketu onbre gdaitege cincuenta igi ma ngle ketu onbre na gdaitege quinientos, ama boke igi kadu sugetidale igi mauñage. Gire onbre bonate me ñadu igi keteni igi mauñage, bonate chegu jiske igi giti, igi mauña me su igi kadeni onbre bokege, igi mauña gerudu onbre boke jiske ole: “Ba nu igi kadaba sugetidale chage, cha gerule ba ole ba me igi e ketadaleni naskuni chage, ba me tañachuge dare ba jiske giti, cha ba jiske talla mlienga ulita, cha no ba ole.” Igi mauña gerudu ene onbre boke ole ene ama boke me chegu jiske dare igi mauñage. Nege cha geru kade bage Simón, kwian boke jiske igi giti, ¿bai be ta dbe ma no igi mauña ole?

Lucas 7:41 ပူးပေါင်းရင်းမြစ်များ

Mateo 18:28

Chugagwalla kwian lle boanga mo alin e jiske talla mliunga ene, gire kwian lle boanga e jo siere ne ngwadi tendu ama skatemanalla gdaite jiske sidri amage ngwange. Ama mo skatemanalla gau siroge siro kwetunga nga kagunga skatemanalla giti gire ama gerudu skatemanalla ole: “¡Ba jiske chage igi e ba ketadaleni chage blikare!”

Mateo 6:12

Cha agedu me no cha takalin ba talla mlienga, ene kaire daba age me no cha ole cha talla mlienga.

Marcos 6:37

Geru jwannga Jesuge gerudu ene Jesu ole gire Jesu gerudu ama ole: —Ba ulita agali bligda kete kwian ulitage gutadale. Kwian geru jwannga jaindunga: —¿Cha kwian ulita ulle llemadi? ¿Ba takalin cha joge pan gige kwian ai ngle ulita alin? Igi kwangle pan gigagda kwian ngle alin gutadale.

Lucas 11:4

Cha agedu me no cha takalin ba talla mlienga, ene kaire daba age me no cha ole cha talla mlienga. Ba me cha chuge ngwadi che dolla Satanáge, ene ama me ñage age me no cha ole. Ba cha jwen siere lle me no ulitage.” Ba ulita gerudale ene Chube ole.

Lucas 12:48

Agwa kwian baige me uñale u mauña takalin ama agedale u mauña gerule kare gire kwian e age me no, me uñale amage u mauña takalin mine, kwian ene be ji chuge bedre. Kaire ene kwian bai me Chube gai dage me age ama gerule kare, Chube be ji gbe kwian alin. Kwian bai Chube gerua uñe ngle kwian ene Chube gerua gadale dage ngle. Chube kwian bai ta gbe lle boi ama alin, kwian ene lle boadale no diali Chube alin, kwian me age ene kwian be ji chuge tanre.

Lucas 13:4

Nga soli kada Siloége una Jerusalénge u gbaite kweri jeike ngaña kledu, u e jo chke dba kwian gdataboko giti gdapa ulita giti, kwian e ulita jokeda u kote. ¿Ba tañachuge mine e giti? ¿Kwian toinga una Jerusalénge ulitaske kwian gdataboko giti gdapa e alin allabi agenga me no tanre malen ama jokeda ene?

Lucas 7:40

Kwian fariseo kle tañachuge ene mo tale Jesudi muinga giti, e chku uñale Jesuge gire Jesu gerudu kwian fariseo e ole: —Simón, cha gerukalin gbaite ba ole. Simón gerudu: —Kwian tkanga tangle geruge, gerule cha ole.

Lucas 7:47

Cha gerule ba ole Simón, muinga ai agedu tanre me no Chube dollale, Chube muinga ai agedu me no ulita talla mliunga, malen muinga ai kle mo ta dbe no tanre cha giti Chube ole kle cha gai dage no ngle Chube agedu giti ama alin. Agwa kwian bai agedu me no bedre Chube dollale, Chube kwian ene agedu me no bedre talla mliunga, kwian ene mo ta dbe no bedre cha ole ama me cha gai dage no ngle.

Romanos 3:23

Kwian israelita kwian me israelita ulita agenga me no, ni kwian gdaite age no trate ulita diali Chube takalin kare.

Romanos 5:20

Chube Moisés gbu chada dege kwian alin, ene Chube gerua degaba giti chku uñale kwiange ama kle age me no Chube dollale, agwa kwian me talladu e giti, kwian mo ta gbu age ma me no dare, ene age me no jrienduda ngle, age me no giti kwian ulita chegu sugekare Chubege, ene kaire kwian jogeda sugekare Chubege. Kledu ene gire Chube mo ta gbu age ma no kwian ulita alin Jesucristo giti, che Chugagwalla Jesucristo giti Chube agedu no no che ulita alin, Chube che ulita jun siere ji chugege che agedu me no gdale, Jesucristo giti che ulita toi diali chui tangle Chube ole.