Lucas 7:39 - Buglere

³⁹ Kwian fariseo nu Jesu kadaba blire mo ullage gwagedu muingadi age ene Jesu ole, gire kwian fariseo e tañachugu mo tale: “Muinga e agenga me no me no, onbre e Chube gerua ketanga ulia muinga e talla chkedale uñale onbre ege muinga e no ni no gire, agwa ama kle mo chuge ngwadi mo gange kodi muingage.”

Lucas 7:39 ပူးပေါင်းရင်းမြစ်များ

Mateo 20:16

Jesu geru ñachugu ene kwian geru jwannga ole gire gerudu dare ama ulita ole: —Cha gerule ba ole, ene kare chui bdaglige Chube be age kwian ole. Nege nga dba ai giti kwian gweale kle suge moge ma kweri daba nage, chui bdaglige kwian ene be ma soli Chube gwa giti Chube ngwadi. Agwa nege nga dba ai giti kwian gweale suge moge ma soli daba nage, chui bdaglige kwian ene be ma kweri Chube gwa giti Chube ngwadi —Jesu gerudu ene ulita kwian geru jwannga amage ole.

Mateo 21:11

Kwian nglea kle chage Jesu ole kwian toinga una Jerusalénge keruchugu geru kade ene moge gire ama jaindunga: —E Jesu kle chage, ama kwian toinga una Nazarege nga kweri Galileage, ama Chube gerua ketanga.

Marcos 7:21

Kwian tale bai kaire talla me no kle, kwian ene be mo ta gbe age me no diali ai kare ulita: Onbre muinga me mo jwanba mo chuge ke giti. Onbre mo jwanba mo chuge ke giti muinga na ole, muinga mo jwanba mo chuge ke giti onbre na ole. Kwian skwe boi daba ngeru. Kwian daba gweda.

Lucas 12:17

Kwian e lle molen tanre tañachugu mo tale: “¿Cha be age mine? ¿Cha be bligda jwen ulita cha be oge baini? Bligda ngle, u bligda ogangwa soliare.”

Lucas 15:2

Kwian fariseo mneite kaire kwian daba tkanga tangle Moisés chadalla giti mneite kledu gwage kwian ulita kledu mo lite Jesu oledi gire ama gerudu modige Jesudi kwian ulita kle mo litaba giti: —Onbre e kle age me no, ama kle mo ta dbe no kwian agenga me no ole kle kwian agenga me no ulita gai ngwange no, diali ama kle blire ule kwian agenga me no ulita ole.

Lucas 16:3

Kwian igi mauña gerudu ene gire kwian igi mananga tañachugu mo tale: “¿Nege gwangerugu cha be age mine? Cha chugagwalla mi cha gbe lle boi dare, cha me ñage lle na boi mo alin toigda, cha kira me chude ngama gbe, kaire nga chie ibule chadi igi kade kwian nage mo alin toigda. ¿Cha be age mine?”

Lucas 18:4

Sbali muinga chagedu diali gerule ene kwian gerunga daba giti ole, agwa kwian e me ta muinga chudaboakalin, bdagli kwian e tañachugu mo tale: “Cha me Chube gai dage ni cha no kwian ulita ole,

Lucas 3:8

Me ene dale. Ba ta tienkalin gitiru ji chugege ba agedu me no gdale ba mo ta blitadale Chube ole mo ta gbe chage trate no Chube takalin kare, ene kwian gwage badi ulia ba mo ta blitu Chube ole. Ba me ñage tañachuge mau giti: “Cha enusulian oña Abraham oindalla, malen Chube me ñage ji gbe cha giti cha agedu me no gdale.” Ba me ñage tañachuge ene. Cha gerule ba ulita ole, ba me mo ta blite Chube ole ba me ña tien gitiru ji chugege ba agedu me no gdale. Ba Abraham oindalla agwa ba me kle age Chube takalin kare. Chube takalin ama ñage ke blite Abraham oindallale gire ke e joge blitaba kwianle, kwian e be age Chube takalin kare.

Lucas 7:16

Kwian ulita gwagedu edi kwian ta me jo sugano Jesu agedu gitidi, gire kwian ulita gerudu noare Chube giti, kwian gerudu: —Nege kwian Chube gerua ketanga kle cheske aini, ama noare, Chube ama kagu che ulita chudaboi.

Lucas 7:37

Gire muinga gdaite kle toi una ege agenga me no, muinga ege chku uñale Jesu kle blire Simón ullage, gire muinga jo Jesu nate u ege, lle chiale ñachke noare muinga du lle gweale limeta soli karege Jesu alin.

Lucas 7:38

Muinga jo chke Jesudi muinga toidu dba Jesu sera ngena olire tanre, amage sugedu ama ageba me no tanre, muinga olidu tanre Jesu sera jo date ulita muinga ngwalangwallage, muinga Jesu sera unbatu mo chugaga giti. Muinga Jesu sera sobadu gire muinga lle chiale ñachke noare ulita tku Jesu sera giti.

Lucas 7:40

Kwian fariseo kle tañachuge ene mo tale Jesudi muinga giti, e chku uñale Jesuge gire Jesu gerudu kwian fariseo e ole: —Simón, cha gerukalin gbaite ba ole. Simón gerudu: —Kwian tkanga tangle geruge, gerule cha ole.

Juan 4:19

Muinga Jesu keruchugu gerule ene ulia muinga kle age giti, gire muinga gerudu Jesu ole: —Chage suge ba kwian kweri Chube gerua ketanga dabage.

Juan 7:12

Kwian me jaindu gerule Jesu giti ama kalen agwa kwian nglea ulitaske kwian gerudu tanre jalin jalin modi Jesu giti kwian israelita mneite gwa skwlenre, gweale gerudu Jesu giti: “Ama kwian no no.” Agwa na gerudu: “Ama kwian me no me no, ama kwian ulita anblitanga geru ngwaledi.”

Juan 9:24

Onbre gwagwa dodaba, kwian fariseo ama kadu nakwaite geru kadadale Jesu giti, kwian fariseo gerudu onbre gwagwa dodaba ole: —Ba gerudale no Chube giti Chube ba gwagwa dodadu, me onbre e ba kle tañachuge ama ba gwagwa dodadu, uñale cha ulitage onbre e agenga me no.