Lucas 7:12 - Buglere

¹² Jesu jo chke kodi una Naínge gire Jesu gwagedu kwian tanre una emudi jonke, kwian e ulita kle chage oñakwa jaba dbe lugaba glige tkadale dbige, kirogwa onbre e gdaitre alin chebiage jokeda, sbali chebia chegeba oli mo ñengulallage, kwian tanre una emu kledu muinga oli gatedi.

Lucas 7:12 ပူးပေါင်းရင်းမြစ်များ

Lucas 7:11

Boidu ene ulita gire Jesu jo una kada Naínge, kwian geru jwannga Jesuge ulita kle chage ule Jesu ole, kaire kwian na tanre jo ule.

Lucas 7:13

Jesu gwagedu muinga olidige olire tanre Jesu taidu dage muingage, Jesu gerudu muinga oli ole: —Ba me mo ta dbe olire dare ba kirolla nate.

Lucas 8:42

Cha jian gdaitre alin ama oga jabale, amage chege bedre jogeda, cha jian chura gdataboko giti gdaboke molen. Jesu Jairo keruchugu gire Jesu jo Jairo ole Jairo ulla ngnagu, kwian tanre jo Jesu ole ule, Jesu chagedu sklie kejre kwianske.

Juan 11:19

Kwian israelita tanre una Jerusalénmu nu jogeba una Betaniage Marta, María oli gatedi.

Hechos 9:39

gire Pedro jo kwian boke ole una Jopege. Pedro jo chke gwa Pedro dule uge ngaña Dorcas jaba kle gbaba ngwadi. Muinga tanre chegeba oli ñengulallage kledu eni olire Dorcas jabadi. Dorcas kledu gwade gire Dorcas nu ñometra jegaba tanre daba chudaboagda, muinga chegeba oli ñengulallage ñometra gweale e Dorcas nu jegaba ama alin kaitu Pedroge olire tanre Dorcas nate.

Hechos 9:41

Pedro Dorcas gau koge Dorcas chudabo chke gdate. Gire Pedro muinga oli ñengulallage kaire kwian na ulita Jesu gerua ganga kledu ne ngwadi, Pedro kwian e ulita kaduni, Pedro Dorcas kaitu ama ulitage Dorcas kleni gwadeni.

Santiago 1:27

Che agekalin no trate ulia Chube che Ñenua gwa giti, che agedale ai kare: Kirogwa oli chegeba che ama chudaboadale kaire muinga chegeba oli mo ñengulallage che muinga ene chudaboadale. Che kwian oli ulita chudaboale ta giti ama manadale no, kwian ai kare ulita kle boi daga ngwale che kwian ene ta gbale nga suga no ole ama chudaboi diali ta no ole. Kaire che agali chagedale ta giti nga dba ai giti, che mo manadale no trate me age me no ni sidri kwian me Chubenu kle age me no kare. Che ta agekalin diali Chube takalin kare, gire ene che agedale chada ai kle degaba gerule kare.