Lucas 6:25 - Buglere

²⁵ ’Ba bai kaire kle blire no nege, ba mo ta dbe tañachuge blire no alin allabi giti me tañachuge Chube giti, bdagli ba be boi daga ngwale, bligda mi kle ba alin gutadale, ba be bli ole tanre sugekare Chubege. ’Ba bai kaire nga dbe suga noare age ba takalin kare nga dba ai giti me tañachuge Chube giti, bdagli ba be boi tanre daga ngwale, ba be olire, ba ta be chege olire diali sugekare Chubege.

Lucas 6:25 ပူးပေါင်းရင်းမြစ်များ

Lucas 12:20

Kwian kle tañachuge ene gire Chube gerudu ama ole: “Nga ngwale ba chuga giti, nege ngajrege ba be jogeda, ba kle lle ulita oge, ¿e be chege chema alin?” Jesu geru ñachugu ene gire Jesu gerudu kwian nglea ole: —Chube gerudu ene kwian lle molen tanre e ole. Cha gerule ba ole, ngwale kwian lle tanre gai, ama tañachuge toi no ene, tañachuge e alin giti me tañachuge Chube giti, Chube gwage kwian ene me lle molen dale.

Lucas 13:28

U mauña be gerule ene gire ba ulita be chege goga olire tanre ji chuge boi tirare ngeru. Ba be chege goga, ba be ñage gwage kwian be kle Chube ngwadidi, ba be ten Abrahamdi Isaacdi Jacobdi kaire ba be ten kwian Chube gerua ketanga ulitadi, agwa ba be chege siere kwian e ulitage. Kaire ba be gwage kwian chieba chui chie ngwangedi kwian chieba chui joge ngwangedi, ba be gwage kwian chieba nga na ulitagedi, kwian ulita be kle toiba dba Chube ngwadi ule Chube ole nga suga no ole.

Lucas 6:24

’Ba bai kaire lle molen tanre ba mo ta dbe no lle e ulita alin allabi ole me tañachuge Chube giti, bdagli lle ulita banu be bidege, ba mi chege lle molen, gire ba be chege boi tanre daga ngwale sugekare Chubege.

Lucas 6:26

’Ba bai kaire giti kwian na ulita gerule noare, bdagli ba be boi tanre daga ngwale, ba enusulian oña unsuialin gerudu no kaire kwian geru me ulia ketanga giti, bdagli kwian ene ulita be boi daga ngwale sugekare Chubege.

Efesios 5:4

Ba kwian Chubenu me geru jain jain sugaska trage daba ole, kaire ba me geru ngwale mia mé tragale trage daba na ole, kaire ba me kidere jain jain onbre muingadi muinga onbredi. Age ene ai ulita kare e me no kwian Chubenu alin. Ma no ba gerule no Chube giti Chube agedu no ba alin giti, ba mo gate Chube giti daba na ole.

1 Tesalonicenses 5:3

Chui ege kwian tanre be kle gerule: “Che ulita kle toi no, ulita kle ngwedi, me kle boi tirare cheske.” Kwian be kle gerule ene gire sugeti blike Jesucristo be chieni, kwian me kle Jesucristo chieni chuia manade be chege sugekare Chubege ngwale dale, mi ñage tien gitiru, be boi tirare salengwli muinga kle skibachie kirogwa kle menga chebia kote kare.

Santiago 4:9

Ba mo ta gbadale ta olire ole ba kle age me no giti. Ba me ñage chege mo ta gbe gide nga suga ole ba kle age Chube dollale giti, ba mo ta dbadale olire ibule Chube ngeru ba kle age giti, ba me chagedale dare me no ngwale ba ulita takalin kare.

Apocalipsis 3:17

Ba kle gerule ba lle tanre molen, ba diali kle toi no ni lle gdaite me kle ba ole, ulita kle ba ole, ba lle ulita molen. Ba kle gerule ene mo giti no. ¿Agwa mineade ba kle tañachuge mau giti ene? Ulia lle kle ba ole ba kle gerule kare agwa ulia ba ta me trate Chube gwage, malen ba me ñage gerule ba lle ulita molen. Ba me kle mo ta gbe toi Chube takalin kwian amanu toi kare gire e giti ba kwian llea me kare, ba kwian me ñometra ole mo ngama tkagda kare. Chube me ñage age ulita ba alin ama takalin kare, ama me ñage ba chudaboi. Ba me kle tañachuge mo giti naskuni ba ta mine Chube ole malen e giti ba kwian gwagwa me kare.