Lucas 6:21 - Buglere

²¹ ’Nege ba bai kaire bli ole, suge bage chui be chke gire ba mi bli ole dare, ba be kle diali unchkeba no, malen nga suga no badi mo tale. ’Nege ba bai kaire kle olire, suge bage chui be chke gire ba be gide nga suga no ole, malen nga suga no badi mo tale.

Lucas 6:21 ပူးပေါင်းရင်းမြစ်များ

Mateo 5:4

’Kwian bai kaire ta olire tanre, suge amage Chube kle ama chudaboi kle ama kira gbe, malen kwian enedi nga suga noare mo tale.

Mateo 5:6

’Kwian bai kaire ta agekalin diali no trate ulita Chube takalin kare, kwian ege suge Chube be age no ama alin, Chube be ama chudaboi age no Chube takalin kare, malen kwian enedi nga suga noare mo tale.

Lucas 1:53

Kwian me lle molen, Chube kwian ene gbu lle molen tanre. Kwian lle ngle molen, Chube kwian ene jigu me lle molen gbu chage ko ngwale.

Lucas 6:20

Jesu kwian oga dodadu ulita gire Jesu gerudu kwian geru jwannga amage ulita ole: —Ba bai kaire me lle molen, suge bage Chube ba Chugagwalla, ama kle ba manade, malen nga suga no badi mo tale.

Lucas 6:22

’Chube nu cha kagaba nga dba ai giti kwian kare, cha giti kwian jainchke badi, kwian ba tke jondoi, kwian ba ta gbe olire, kwian gerule badi ba kwian me no, kwian age me no ene ba ole, suge bage chui be chke gire Chube be lle noare kete bage nga ngaña giti Chube ngwadi ba mo ta gbu me joge siere cha geruage boi daga ngwaleske ñanale, suge bage Chube be age ene ba alin, malen nga suga no badi mo tale. Kwian age me no ba ole cha gdale ba me tallade, ma no ba mo ta gbadale nga suga no ole diali, kwian kle age me no ba ole nege, ene kaire unsuialin kwian e enusulian oña agedu me no kwian Chube gerua ketanga ole.

Lucas 6:25

’Ba bai kaire kle blire no nege, ba mo ta dbe tañachuge blire no alin allabi giti me tañachuge Chube giti, bdagli ba be boi daga ngwale, bligda mi kle ba alin gutadale, ba be bli ole tanre sugekare Chubege. ’Ba bai kaire nga dbe suga noare age ba takalin kare nga dba ai giti me tañachuge Chube giti, bdagli ba be boi tanre daga ngwale, ba be olire, ba ta be chege olire diali sugekare Chubege.

Juan 11:35

Jesu jo jonkare chage Lázaro jaba ogle ngwadi ngnagu Jesu olidu.

Juan 4:10

Jesu jaindunga: —Noare bage suge chema kle gerule ba ole, cha giti Chube ta chi no ketakalin bage. Suge trate ene bage, ba chi kade chage blike, ene cha chi gwade kete bage.

Juan 6:35

Jesu gerudu kwian ole: —Ba takalin cha bligda cha kle gerule giti kete ba ulitage, bligda e cha amaña, cha bligda kare kwian gbagda gwade toi diali chui tangle. Kwian bligda gute gire bigwa ama bli ole ta bligda na gutakalin, kwian chi jai gire bigwa ama siechie ta chi na jakalin, agwa kwian bai kaire cha gai ulia mo tale, cha kwian ene ta gbe suge no diali.

1 Corintios 4:11

Cha ulita kle boi tanre daga ngwale, diali cha ulita bli chuge tanre, sie chuge tanre, ñometra me kaire mo ngama tkagda, u me toingwa, kwian age me no tanre cha ulita ole,

2 Corintios 11:27

Cha kira ulita jonga lle boi tanre kote, kaire boi tanre daga ngwale kote bitangle cha me ñadu gbe no, cha bli chugu tanre kaire cha sie chugu tanre bitangle cha chagedu bliage, kaire cha nga skeke tanre chugu ñometra me mo ngama tkagda no nga skeke alin.

2 Corintios 12:10

Cha toi oga skibachie. Kwian ka boi cha ole Cristo gerua dbe giti. Lle me cha ole toigda. Kwian cha jrite nate Cristo gerua dbe gdale. Cha boi dagale tanre Cristo gerua dbe giti kwian kote. E ulitaske cha me tallade, nga suga no chadi toi boi ene Cristo gerua dbe giti, boi ene ulitaske cha skwatige cha kira ulita jogenga agwa Cristo cha gbe kiraske ma no boi ene ulitaske gire cha chege ma kiraske Cristo giti Cristo gerua dbe gwangerugu.

2 Corintios 6:10

Cha tañachuge boi daga ngwale alin giti cha ta chege olire agwa eske cha tañachuge Jesucristo giti chadi nga suga no mo tale diali geru dbe giti. Cha me lle molen ketadale kwiange agwa geru kete giti ene kwian tanre geru ulia gai mo alin, e no. Cha me lle molen sidri mo alin nga dba ai giti agwa cha Jesucristo uñe, cha alin Jesucristo ma no ulitage.

Santiago 1:12

Kwian bai kaire nu Chube gerua Jesucristo giti gaba kle mo ta gbe jage ta no ole Chube kirallaske ama kle boi daga ngwale ulitage ama me kle ta jogenga Jesucristo geruage, kwian ene alin Chube age no. Kwian e kle mo ta gbe me skochie me skwatige, agwa ama kle jage ulita ama kle boi gitige ta no ole, kaire ama kle mo ta gbe me age me no gweale ama takalin kare, kwian e kle mo ta gbe ene ñanale Chube be kwian e gbe toi diali chui tangle Chube ole ule nga ngaña giti Chube nu geruba kare kwian bai kaire mo ta gbe Chube ole giti. Malen nga suga noare kwian edi Chube be age giti ama alin.

Apocalipsis 21:3

Cha kledu gwage ene gire cha geru keruchugu kweri nga ngaña giti Chugagwalla Chube kle toiba dba ngwadige, gerudre ene: “Nege Chube kle toi kwianske kwian e ulita Chube gau no mo Chugagwallale, kwian e ulita chegu kwian Chubenu, Chube be toi ama ole chui diali dale alin.

Apocalipsis 7:16

Kwian e ulita mi bli chuge dare, ama mi jogenga dare sie ole kaire ama mi kuge chuira kote dare kaire nga mi chie jute amadi dare. Ama mi boi daga ngwale ama boidu nga dba giti kare.