Lucas 6:18 - Buglere

¹⁸ Jesu kwian oga tanre dodadu, kaire Jesu dolla kagu siere kwian ulita jwligebanga dolla kotege gire kwian e ulita chegu no.

Lucas 6:18 ပူးပေါင်းရင်းမြစ်များ

Mateo 15:22

ama jo chke kodi una boke ege gire muinga gdaite toinga nga ege chiu Jesu ngnagu, muinga e me kwian israelita, ama kwian cananea, ama chku Jesudi, ama ngautu: —Ba kwian chugagwalla unsuialin David oindalla, uñale chage Chube ba kagu nga dba ai giti. Ba tai dage chage, cha jian jwligebanga dolla kote, ba cha jian dodade dolla kage siere amage.

Mateo 17:15

—Kwian chugagwalla, ba tai dage cha kirollage, dolla kle nga kagenga ama chuga giti, ama oga jabale dolla kote, diali ama kle skwetenga kle joge chke dba jitaske kaire kle joge chke dba chiske. Cha chiu cha kirolla dbe kwian geru jwannga banuge dodadale, agwa ama me ñadu dolla kage siere cha kirollage, malen cha chiu ba nate, ba tai dage cha kirollage, ba cha kirolla dodade.

Lucas 6:17

Jesu kwian gdataboko giti gdaboke gau ene ama gerua dbe kwian nage gire Jesu jo dbige jwichugage ama ulita ole, chkuni manade nga kegatale giti. Kwian ngle ulita kle chage Jesu nate diali geru jwen amage kledu nga ege, kaire kwian na tanre chkeba nga ege, ama ulita chieba nga tanrege: kwian tanre nga Judeamu, kwian tanre una Jerusalénmu, kaire kwian blemu toinga una Tiroge una Sidónge. Kwian e ulita chkeba Jesu kle ngwadi Jesu keruchuge, kaire kwian ta mo dodakalin Jesuge.

Lucas 6:19

Kwian oga na ulita chagedu dabaske tangle Jesu nate, kwian oga e ulita takalin Jesu chugedi mo dodadale Jesuge, uñale amage Jesu kira molen Jesu kwian oga dodade jingme ulitage. Kwian oga ulita bai jo chke Jesudi ko ñadu Jesudi, kwian ene jo chke noni Jesu kiralla giti.

Hechos 5:16

Una ulita kle chege kodi una Jerusalénge kwian una ege tanre chiu kwian oga tanre dbe Pedro ngwadi una Jerusalénge, kaire kwian jwligebanga dule Pedro ngwadi, kwian oga kaire kwian jwligebanga Pedro kwian ene ulita dodadu.