Lucas 5:27 - Buglere

²⁷ Jesu kwian oga skliebada dodadu ene gire Jesu jo chage dare, ama gwagedu kwian onbre kada Levídi. Leví kwian igi ganga chugagwalla emperador nga Romamu alin, ama kledu toiba dba nga igi ketakle ngwadi igi gai kwiange gire Jesu chku amadi gerudu ama ole: —Bai chage cha ole geru jwen chage.

Lucas 5:27 ပူးပေါင်းရင်းမြစ်များ

Mateo 10:3

Felipe, Bartolomé, Tomás, Mateo (ngeru ama igi ganga chugagwalla emperador nga Romamu alin), Santiago (ama Alfeo kirolla), Tadeo,

Mateo 16:24

Jesu gerudu ene Pedroge gire Jesu gerudu kwian geru jwannga ulita ole: —Kwian bai ta chagekalin ulia cha ole me tañachugadale dare mau giti alin allabi me agedale dare ama agali ta agekalin kare, ama mo ta gbadale cha gerua gbe gdadi age cha takalin kare, kwian na ama gbe boi daga ngwale cha gerua gdale kaire kwian na ta ama gwakalinda cha gerua gdale, ama me mo talladale. Kwian bai mo ta gbe ene ñage chage cha ole.

Mateo 8:22

Jesu jaindunga kwian e kalen: —Ba ta chagekalin cha ole me ñage manade, bai chage cha ole nege. Ba mo ta gbadale chage cha gerua nate ulia, ba bitalla ulita me Chube gerua gai ulia ba ama jige ba ñenua jaba tke dbige.

Marcos 3:18

Andrés, Felipe, Bartolomé, Mateo, Tomás, Santiago (Santiago ai Alfeo kirolla), Tadeo, Simón (Simón ai kira batanga mo jwia gdale),

Lucas 18:22

Jesu kwian keruchugu ene gire Jesu gerudu: —Noare ba kle age ene, agwa cha gerule ba ole, lle gdaite ba bebi age. Joga lle banu ulita chbade, igi ulita lle e ñanalla ba kete kwian me lle molenge. Ba age ene ulita gire ba chieni cha kle ngwadi ba mo ta gbe chage cha ole diali geru jwen chage. Gire ene ba be kle biale joge toi diali chui tangle Chube ole nga ngaña giti, Chube be age no ba alin ba agedu no ñanale.

Juan 1:43

Nagbietege Jesu mo ta gbu joge nga kada Galileage, nga ege Jesu tendu Felipe ngwange, Jesu gerudu Felipe ole: —Bai chagé cha ole geru jwen chage.

Juan 12:26

Kwian bai ta lle boakalin no cha alin, kwian ene mo ta gbadale diali chage cha ole age cha takalin kare, kwian ene mo ta gbadale biale boi daga ngwale cha boi daga ngwale kare. Kwian lle boi cha alin ta ene ole, kwian e alin cha Ñenua be age no no diali.