Lucas 5:24 - Buglere

²⁴ Nege cha be kwian oga ai dodade ba ulita gwa giti ene be chke uñale bage ulia Chube cha kagu nga dba ai giti kwian kare, Chube kiralla giti cha ñage kwian oga dodade jingmege kaire agwe cha ñage kwian age me no ulita talla mlienga kwian gbe no trate me jiske Chube gwa giti. Jesu gerudu ene kwian fariseo ulita ole kaire kwian daba tkanga tangle Moisés chadalla giti ulita ole, gire Jesu gerudu kwian oga ole: —Nege cha gerule ba ole, chkede gdate mo ankwalla gai blienga dbadale, jogani chage ba kle toi ngwadige.

Lucas 5:24 ပူးပေါင်းရင်းမြစ်များ

Mateo 16:13

Jesu jo chage dare duge kwian geru jwannga ole, ama ulita jo chke nga ka jwankle Cesarea-Filipoge gire Jesu geru kadu kwian geru jwannga ulitage: —¿Kwian ulita kle gerule mine cha giti cha chema?

Mateo 25:31

Jesu gerudu dare kwian geru jwannga amage ulita ole: —Chube nu cha kagaba nga dba ai giti kwian kare, ama be cha kageni nabitaite kira kweri molen kwian ulita Chugagwallale. Cha chieni chuiage lle boanga Chube alin nga ngaña giti ngle be chie ule cha ole mo litaba chadi tangle, chui ege cha be gerule kwian ulita giti nga ulitage kwian bai Chube gerua gau ulia kwian bai me Chube gerua gau ulia.

Mateo 26:64

Jesu jaindunga: —Ima, cha amaña ba ulita kle gerule kare, cha Chube Kirolla. Cha gerule ba ulita ole, Chube kira molen tanre ulita, ama cha kagu kwian kare nga dba ai giti, chui be chke gire ba ulita be gwage chadi toiba dba Chube ko taingwli giti nga ngaña giti kwian ulita Chugagwallale, bdagli cha be chieni bogakwaske nga ngaña giti ba ulita gwa giti.

Mateo 28:18

Jesu jo kwian geru jwannga amage ulita gitigu gire Jesu gerudu: —Chube cha gbu nga ngaña giti mauñale nga dba ai giti mauñale, cha ñage age ulita Chube kiralla giti cha takalin kare.

Mateo 4:24

Jesu kledu chage age ene nga ulita Galileage gire geru Jesu giti jo chke nga na kada Siriage, nga ulita Siriage geru Jesu giti chageduda kwian ulitaske Jesu kwian oga dodanga, malen kwian ngle nga Siriage oga jingme tanre kote dbachku Jesudi, kwian e gweale skibachie tanre, kwian na jwligebanga che dolla kote, kwian na gweale oga jingme tirare ole kwian e oga jwligebanga kare, kwian na gweale skliebadba trate jegwale, Jesu kwian oga ene ulita dodadu kwian chegu no trate.

Mateo 9:6

Nege cha be kwian oga ai dodade ba ulita gwa giti ene be chke uñale bage ulia Chube cha kagu nga dba ai giti kwian kare, Chube kiralla giti cha ñage kwian oga dodade jingmege kaire agwe cha ñage kwian age me no ulita talla mlienga kwian gbe no trate me jiske Chube gwa giti. Jesu gerudu ene kwian daba tkanga tangle Moisés chadalla giti ulita ole gire Jesu gerudu kwian oga skliebada trate jegwale ole: —Nege cha gerule ba ole, chkede gdate mo ankwalla blienga dbadale, jogani chage ba kle toi ngwadige.

Lucas 5:13

Kwian oga gerudu ene Jesu ole gire Jesu ko gbu ama giti, Jesu gerudu: —Cha takalin ba jingmea jwen siere bage, nege nege ba chege no trate. Jesu gerudu ene gire sugeti jingme jongwa kwiandi, kwian oga chegu noni.

Lucas 5:18

gire kwian na gweale chiu daba oga gdaite skliebada trate jegwale dbe ankwage Jesu kle ngwadi dodadale, kwian e kle no tadu daba oga e dbe ugakage gudegu gbe Jesu gwangnaru.

Lucas 5:23

¿Bai ma mno cha alin: kwian oga ai ageba me no ulita talla mlienga o kwian oga ai dodade jingmege? Cha alin ai me mno ulita gdabonate.

Lucas 7:14

Jesu gerudu ene muinga ole gire Jesu jo oñakwa jaba gitigu, Jesu oñakwa jaba glilla gau kodi, kwian oñakwa jaba dbanga ulita jagedu gdate jonke oñakwa jaba gwaru, gire Jesu gerudu oñakwa jaba ole: —¡Kirogwa onbre, chkedeni bduge!

Lucas 8:54

Jesu kirogwa muire jaba gau koge, Jesu gerudu ama ole: —¡Kirogwa muire, chkede bduge!

Juan 11:43

Jesu gerudu ene ulita mo Ñenua ole gire Jesu ngautu kira giti Lázaro jabage: —¡Lázaro, bai jondoi!

Juan 17:2

Ba kira ketu chage, ba cha gbu ma kweri kwian ulitage, ene kira e giti cha kwian gbe toi diali chui tangle kwian bai kaire ba ta gbu cha gai ulia.

Juan 3:13

Ni kwian gdaite nga dba ai giti jo nga ngaña giti Chube kle ngwadi gire chiuni nga dba ai giti geru kete kwian ulitage Chube giti, cha alin allabi kledu nga ngaña giti chiu nga dba ai giti gerule kwian ole Chube giti, cha ama Kirolla, ama cha kagu nga dba ai giti kwian kare.

Juan 5:27

Kaire cha Ñenua cha gbu gerule kwian ulita giti bai jiske bai me jiske agedu giti, cha Chube Kirolla chku nga dba ai giti kwian kare, cha ulia kwian, suge chage ulita kwian tañachuge mine, malen chui bdaglige cha be ñage gerule kwian ulita giti chema chema jiske.

Hechos 14:10

Gire Pablo gerudu kweri onbre seragda kwebanga ole: —¡Chkede gdate mo sera giti! Gire blike onbre e skwendu bdugu chku gdate, ama chagedu mo seragda giti.

Hechos 5:31

Chube Jesu duni nga ngaña giti, Chube Jesu gbu mo ngena ko taingwli giti, Chube Jesu gbu kwian ulita Chugagwallale, Chube Jesu gbu kwian Jesu gerua gaba jwanngale siere ji chugege agedu me no gdale. Kwian israelita ulita mo ta blitadale Chube ole, ulita Jesu gerua gadale, ene Jesu ama ulita jwen siere ji chugege agedu me no gdale, ene kwian agedu me no ulita Chube talla mlienga.

Hechos 9:34

Pedro gerudu onbre e ole: —Eneas, Jesucristo kiralla giti cha ba dodade. ¡Chkede gdate, gbengwa blinga, chagede! Pedro gerudu ene Eneas ole gire Eneas chku bduge blike chku gdate, ama jo chkeni no ulita trate Jesucristo kiralla giti.

Hechos 9:40

Pedro kwian ulita kle Dorcas jabadi tangle kagu jondoi gire Pedro jongnagwa skutu dba Pedro gerudu Chube ole Dorcas jaba gbeni gwade giti. Pedro gerudubi Chube ole Dorcas jaba giti gire Pedro gwagedu Dorcas jabadi, Pedro gerudu: —Tabita, ¡chkede bduge! Pedro gerudu ene gire Dorcas jaba chkuni gwade naskuni ama gwagwa jraunnga, ama gwagedu Pedrodi gire ama chku bduge.

Apocalipsis 1:13

lle e ulita gdagukeske tainkwli bonga cha gwagedu gdaitedi medu kwian kare cha gwage, ama mo ngama tkaba ñometra jeikeske ngaña joge dba ama serage ñometra bitaitre alin jeike llagli. Bonga tangle ama mo lugaba giska oro kare giti kaire ta giti tangle joge ngaña kudegda batreti lle oro kare kwa kweri kle gbaba.