Lucas 5:22 - Buglere

²² Kwian kledu tañachuge ene mo tale Jesudi gire Jesuge uñadu ama ulita kle tañachuge giti, Jesu geru kadu ama ulitage: —¿Mineade ba ulita kle tañachuge ene chadi?

Lucas 5:22 ပူးပေါင်းရင်းမြစ်များ

Mateo 12:15

Uñadu Jesuge kwian fariseo ulita ta ama gwakalinda, malen ama jo siere ne ngwadige. Kwian tanre chagedu Jesu nate, kwian e ulitaske kwian oga tanre kledu, Jesu kwian oga e ulita dodadu.

Mateo 12:25

Jesuge uñale kwian fariseo kledu mo ten me no ulita amadi gire Jesu gerudu ama ulita ole: —Cha gerule ba ulita ole, kwian chugagwalla nga gdaitemu mo tke dole kwian ulita kle toi nga amañage ole, ama kwian ulita gbe kira bate modi ongoru ongoru, ene bdagli kwian be mo gweda ulita, chugagwalla be chege gballa ama mi chege kiraske. Kaire kwian toinga una gdaitre alinge, kwian e chugagwalla ama ulita gbe kira bate modi ongoru ongoru ene bdagli chugagwalla be chege gballa ama mi chege kiraske. Ene kaire kwian toinga u gbaitre alinge kira bate modi mo bitalla gwa ole ulita, bdagli kwian e ulita be joge toi sugekare gdaite gdaite gire u mauña be chege toi gballa ama mi chege kiraske ama gdaitre alin chudaboanga me.

Mateo 9:4

Kwian daba tkanga tangle Moisés chadalla giti ulita kledu tañachuge ene mo tale Jesudi, gire Jesuge uñadu trate kwian e ulita kle tañachuge giti, Jesu geru kadu kwian e ulitage: —¿Mineade ba ulita kle tañachuge me no ene chadi?

Marcos 8:17

Jesuge chku uñale kwian geru jwannga kle gerule modi Jesu gerudu giti, uñadu Jesuge geru levadura giti me sugedu trate kwian geru jwanngage, Jesu gerudu ama ulita ole: —¿Mineade ba kle gerule modi ba me chiu pan dbe mo ole llagli giti? ¿Bage me suge bligda me gire cha ñage bligda kete ba ulitage? ¿Ba bebi mo ta gbe ulia cha ole cha kiraske cha ñage age ulita Chube kiralla giti?

Lucas 24:38

Jesu geru kadu kwiange: —¿Mineade ba kle kwachie? ¿Mineade ba kle tañachuge mo tale cha me amaña? Jesu geru kadu ene kwiange gire Jesu ko kaitu sera kaitu kwiange, Jesu gerudu: —Gwagede cha kodi, gwagede cha seradi, mo ta gbege cha gai ulia cha amaña kle ba ulita gwa giti. Cha chugedi mo kodi, ene chke uñale bage cha me oñakwa, oñakwa me uda molen me gda molen, cha uda molen cha gda molen ba ulita kle gwage chadi kare.

Lucas 5:21

Jesu gerudu ene kwian oga ole gire kwian daba tkanga tangle Moisés chadalla giti ulita kaire kwian fariseo ulita tañachugu mo tale Jesudi: “¿Mineade onbre e kle gerule ene kwian oga ole? Ama me ñage gerule ene, ama kle mo gbe kweri Chube kare. ¿Chema ñage kwian age me no ulita talla mlienga kwian gbe no trate me jiske Chube gwa giti? Chube alin allabi ñage, onbre e me ñage age ene Chube kare.”

Lucas 5:23

¿Bai ma mno cha alin: kwian oga ai ageba me no ulita talla mlienga o kwian oga ai dodade jingmege? Cha alin ai me mno ulita gdabonate.

Hechos 5:3

Chku uñale Pedroge Chube Oña giti Ananías kle sole ama me kle gerule ulia, ama igi gweale gau mau alin, gire Pedro gerudu Ananías ole: —¿Mineade ba mo ta chugu ngwadi age dolla Satanás takalin kare sole Chube Oña dollale? Igi jo ketaba bage dbi ñanale gweale ba gau mau alin, ba tañachugu ba agedu skwlenre Chube gwage.

Hebreos 4:12

Che me Chube gerua gadale geru ngwale kare, Chube gerua gwade kiraske, Chube gerua me geru na kare. Chube gerua ulita ulia, Chube diali kle gerule mau ta giti geru e ulita kiraske, Chube diali kle age ulita Chube kle gerule kare. Chube gerua kiraske salengwli sbadi dau no dau degabale ka bonga kare, sbadi e kare giti kwian ñage lle ulita boi no, kwian ñage bda dage blikare tadi ñage bda gweda sbadi e kare giti. E kare ene Chube gerua ñage joge chke kwian ulita tale biale kiraske kwian gbe tañachuge kwian kle age giti. Kaire Chube gerua giti suge kwiange ama mo ta blitadale Chube ole suge kwiange ama me kle tañachuge trate ama me kle age trate Chube gerua kle gerule kare.