Lucas 4:16 - Buglere

¹⁶ Jesu chagedu kwian nga Galileage tke tangle gire Jesu joni mo jwiage una kada Nazarege Jesu manadre ngwadi. Jesu kledu una Nazarege gire kwian israelita undege chuia chku, chui ege Jesu jo u mo litangwa Chube gerua jwanngwage, u ege Jesu jo mo lite kwian ole Jesu kle age diali kare undege chuiage kaire kairege. Gwa u ege Jesu chku gdate kwian ulita gwangnagu Chube gerua degaba unsuialin batalenga kwian ulita alin.

Lucas 4:16 ပူးပေါင်းရင်းမြစ်များ

Mateo 2:23

José jo toi una soli ka jwankle Nazarege nga Galileage. Ai ulita boidu ene kwian Chube gerua ketanga chada degu unsuialin kare Jesu giti, chada e gerule: “Cristo una Nazaremu.”

Lucas 2:39

José, María agedu ulita Moisés nu Chube gerua degaba gerule kare, gire José, María joni kirogwa dbe nga Galileage, jo chkeni mo ullage una Nazarege.

Lucas 2:42

Jesuge chura gdataboko giti gdaboke chku gire José, María jo una Jerusalénge chui ollade ama kle age diali kare, Jesu jo ule.

Lucas 2:51

Jesu joni gudegu ule José ole María ole, jo chkeni una Nazarege, una ege Jesu toidu José ole María ole Jesu José gau dage María gau dage diali. Jesu boidu ulita una Jerusalénge María geru e manadu mo tale, María me ta jonga geru ege mo tale.

Lucas 4:15

Nga ege Jesu kwian tku tangle tanre Chube geruadi u mo litangwa Chube gerua jwanngwage, kwian ulita bai ama keruchugu gerudu Jesu giti: —Jesu noare, ama kle cha tke tangle no, kwian na me ama kare kwian tke tangle no.

Lucas 4:17

Kwian Chube gerua ketanga kada Isaías nu Chube gerua degaba unsuialin, chada e ketre Jesuge batadalenga. Jesu chada e treunda, geru kle degaba Jesu jinadu batadalenga, geru skwendu Jesuge gire ama geru e batunga kwian ulita alin, geru e gerule ene Jesu giti:

Lucas 4:21

Jesu gerudu kwian ulita ole: —Nege geru ai kle degaba unsuialin kle boi ulia ba ulita gwa giti chada kle gerule kare.

Lucas 4:23

Jesu gerudu kwian ulita ole: —Ulia ba be gerule geru uñale aige cha ole: “Ba kwian mo dodanga, nege mo dodade agali.” Kaire ba be gerule cha ole: “Cha geru keruchugu ba lle daga ngwale no tanre dodadu una Capernaumge, nege dodade kaire ene aini ba jwiage.”

Juan 18:20

Jesu gerudu: —Cha gerudu kwian tanre gwa giti, diali cha kwian tku tangle u mo litangwa Chube gerua jwanngwage, kaire cha kwian tku tangle u gerungwa Chube olege kwian ulita kle mo lite ngwadi, cha gerudu ulita me skwlenre kwian ulitage, uñale kwian ulitage cha gerudu cha kwian tku tangle llema giti.

Hechos 17:2

U ege Pablo jo mo lite ama diali kle age kare kwian israelita undege chuiage, semana gdamai undege chuia kaire kairege Pablo jo u ege mo lite geru trage kwian ulita kle mo litaba ole, Pablo gerudu tanre kwian ole Chube gerua degaba unsuialin giti. Pablo geru treunnga Chube gerua degaba kle gerule Cristo jogedaleda gire Cristo jaba chkedaleni gwade, Pablo gerudu: —Cristo e amaña Jesu, cha kle ama gerua kete ba ulitage.