Lucas 3:13 - Buglere

¹³ Juan-Bautista jaindunga: —Ba igi gadale mangire batre ba chugagwalla gerudu kare, me igi gai ma gitikanga sidri mau alin —Juan-Bautista gerudu ene kwian igi ganga ole.

Lucas 3:13 ပူးပေါင်းရင်းမြစ်များ

Mateo 7:12

’Ba takalin kwian na ulita age ba alin, kaire ene ba mo ta gbadale age ene kwian na ulita alin. Moisés nu Chube gerua degaba unsuialin kaire kwian Chube gerua ketanga ulita nu Chube gerua degaba unsuialin, geru e ulita gerule kwian ulita agedale no ene daba alin.

Lucas 19:8

Zaqueo jo chke gwa mo ullage Jesu ole gire gerudu Jesu ole: —Kwian chugagwalla, cha llea ulita bonga cha be kete kwian me lle molenge. Cha daba anblitu cha skwe bo daba ngeru, daba enege cha igi keteni naskuni na kwabaga giti dare.

Lucas 3:12

Kaire kwian gweale igi ganga chugagwalla emperador nga Romamu alin chiu Juan-Bautista kle ngwadi mo ñeange chiske, ama geru kadu Juan-Bautistage: —Kwian tkanga tangle geruge, cha ulita igi ganga chugagwalla emperador nga Romamu alin, ¿cha llema boadale gire cha ñage chage no Chube takalin kare?

Lucas 3:14

Kaire guardia donga gweale geru kadu Juan-Bautistage: —Cha guardia donga, ¿cha llema boadale gire cha ñage chage no Chube takalin kare? Juan-Bautista jaindunga: —Ba lle boi ñanale igi keta bage, igi e alin ole ba ta chegedale no. Ba me lle jwennga kwian ngeru, ba me kwian oña boi lle gdale, ba me kwian gbe jiske geru me ulia giti.

1 Corintios 6:10

Kwian skwe boanga daba ngeru. Kwian mo ta dbanga no igi alin ole, ama takalin lle tanrege mo alin. Kwian lle gage janga diali. Kwian geru jinanga dabadi daba na ole. Kwian daba na anblitanga agedale me no daba ole. Kwian ulita agenga me no ene diali, ni gdaite ñage joge toi Chube ole nga ngaña giti.

Efesios 4:28

Ba bai skwe bo ngeru ba bebi Cristo gerua gai ulia gire, ba mo ta gbadale me skwe boi dare, ba mo ta gbadale lle boi mo kodi agali ene ba ñage lle molen toigda kaire ba ñage daba me lle molen chudaboi ba llea giti.

Hebreos 12:1

Uñale chege che enusulian oña e ulita unsuialin tangle mo ta gbu ulia Chube ole Chube gai ulia age Chube takalin kare, malen che kaire agwe mo ta gbadale ulia Chube ole Chube gai ulia che enusulian oña e agedu kare. Che mo ta gbadale joge siere lle ulita kle che gbe age me noge, che kle age me no ulita che takalin kare che e ulita chugale ngwadi sugekare chege. Kaire lle ulita bai che ta gbe sugekare Chubege me age ulita Chube takalin kare che lle e ulita chugale ngwadi. Ulia che mo ta gbadale kiraske toi diali no Chube takalin kwian amanu toidale kare.