Lucas 23:5 - Buglere

⁵ Pilato gerudu ene gire kwian ulita me ta chugu gerule Pilato ole Jesu dollale, ama ulita gerudu: —Onbre ai kle chage kwian tke tangle geru me uliage nga Judea ulitage. Ngeru ama chagedu kwian tke tangle nga Galileage, nege ama kle age ene kaire aini, ama kle kwian tanre anblite mau alin kle kwian ta gbe age chugagwalla kweri César dollale.

Lucas 23:5 ပူးပေါင်းရင်းမြစ်များ

Mateo 11:1

Jesu gerudu ene kwian geru jwannga amage gdataboko giti gdaboke ole ama ulita ta gbale biale Chube gerua trage kwian na ole, gire Jesu jo dare kwian na tanre tke tangle Chube gerua giti una kaire kairege nga kweri Galileage.

Mateo 2:1

Herodes kwian chugagwalla rey nga Judeage suiale Jesu medunga chebia kote una Belénge nga Judeage. Gire kwian gweale geru jwannga beu ulita giti kle toi nga chui chie ngwange ngnagu jo kirogwa Jesu jinade nate, ama ulita jo chke una Jerusalénge chugagwalla rey Herodes kle ngwadi.

Mateo 27:24

Pilato gwagedu kwian ngle ulita kledu skochie ma ngle Pilatodi Jesu giti, ta skochie ene ole kwian ngle ulita ñage mo ta gbe dole tirare, malen sugedu Pilatoge ngwale ama gerule dare kwian ngle ole Jesu giti, kwian mi ta jwlite dale Jesu giti. Gire Pilato chi kadu mo ko gligagda kwian ulita gwa giti, Pilato tañachugu age ene Pilato ñage chege trate Chube gwa giti me chege jiske Jesu giti, Pilato mo ko gligu kwian ngle ulita gwa giti, ama gerudu: —Cha me jiske dale onbre ai giti, bage uñale ba be age mine kaire ama ole, ba be ama gweda, ama jia be chege ba ulita alin me cha alin.

Mateo 4:23

Jesu jo chage una kaire kairege nga ulita Galileage ule geru jwannga amage ulita ole, una gdaite gdaitege Jesu kwian tku tangle u mo litangwa Chube gerua jwanngwage. Jesu chagedu gerule kwian ulita ole kwian ñage Chube uñe, kwian mo ta blitadale Chube ole Chube gai mo Chugagwallale, ene Chube be kwian e jwen siere ji chugege agedu me no gdale. Kaire agwe Jesu kwian jingmere dodadu kaire kwian oga lle na tanre kote Jesu ama ulita dodadu.

Marcos 1:14

Juan-Bautista kle skage suiale Jesu joni nga Galileage Chube gerua kete kwian ulitage.

Lucas 11:53

Jesu gerudubi ene ulita gire Jesu jo siere nga ege. Kwian daba tkanga tangle Moisés chadalla giti ulita kaire kwian fariseo ulita skochiu tanre Jesudi geru e giti, malen ama ulita jo chage Jesu nate geru kade tanre Jesuge Jesu tkale gdege,

Lucas 23:23

Pilato gerudu ene gire kwian ulita ngautu dare kweri: —¡Ama gwangeda kruge! ¡Ama gwangeda kruge! Kwian ulita ngautu tanre ene, gire bdagli Pilato agedu kwian ulita tadukalin kare.

Lucas 23:6

Pilato kwian keruchugu gerule ene Jesu giti Jesu kledu chage kwian tke tangle nga Galileage, gire Pilato geru kadu kwian ulitage: —¿Onbre ai nga Galileamu?

Juan 1:43

Nagbietege Jesu mo ta gbu joge nga kada Galileage, nga ege Jesu tendu Felipe ngwange, Jesu gerudu Felipe ole: —Bai chagé cha ole geru jwen chage.

Juan 19:15

Gire kwian ulita ngautu kweri: —¡Ama dbange blikare gwaleda! ¡Ama gwangeda kruge! Pilato geru kadu kwian ulitage: —¿Ba kle tañachuge cha be ba chugagwalla kweri gwangeda kruge? Pilato gerudu ene kwian ulita ole gire kwian gerunga Chube ole daba alin chugagwalla ulita gerudu Pilatoge: —Cha ulita chugagwalla na me, chugagwalla kweri gdaitre alin, ama kada César, cha chugagwalla na me cha alin César kare.

Juan 2:11

Jesu chi blitu uva chia gagere una Caná nga kweri Galileage, e gwangea Jesu agedu Chube kirallaske kwian gwa giti, e giti Jesu takalin suge trate kwiange ulia ama Chube Kirolla. Kwian geru jwannga Jesuge ama ulita Jesu gau ma no ulia Jesu chi blitu giti.

Juan 7:41

Na gerudu: —Onbre e Cristo, Chube gerudu be Cristo kage che alin, ama e. Na gerudu: —Me dale, ama me Cristo, Cristo mi chie nga Galileage.

Juan 7:52

Nicodemo gerudu ene daba fariseo ole gire ama ulita gerudu Nicodemoge: —¿Ba ta mo gbakalin kwian nga Galileamu, ba ta gerukalin no ama giti, kaire ba ama gakalin ulia? Ma no ba Chube gerua degaba unsuialin batenga, ba geru e jwen nabitaite, ene be chke uñale bage trate ulia kwian Chube gerua ketanga dabage ni gdaite ñage chie nga Galileage.

Hechos 10:37

Ba ulitage uñale trate boidu giti kwian israelita ulitaske nga Judeage. Gwangea nga Galileage Juan-Bautista kledu gerule kwian ole kwian mo ta blitadale Chube ole joge siere age me noge gire mo ñeange chiske Juan-Bautistage.

Hechos 23:10

Kwian daba tkanga tangle Moisés chadalla giti e ulita gerudu ene Pablo giti, gire kwian kira batu ma kweri modi dare, guardia donga chugagwalla kweri gwagedu kwian ulita kira bate ene, gire guardia donga chugagwalla kwachiu tanre Pablo giti kwian ulita ñage Pablo gweda. Guardia donga chugagwalla donga gweale kadu Pablo jwen siere kwian ngleaske Pablo dbale naskuni gwa donga ulita kle toi ngwadi.

Hechos 5:33

Chugagwalla ulita Pedro keruchugu gerule ene gire ama ulita skochiu tanre Pedrodi kaire kwian na Jesu gerua ketangadi, tadu kwian Jesu gerua ketanga ulita gwakalinda.

Hechos 7:54

Kwian israelita chugagwalla ulita Esteban keruchugu gerule ene gire kwian israelita chugagwalla ulita skochiu jabale tanre Estebandi.

Hechos 7:57

Esteban gerudu ene gire kwian ulita ko gatu mo olo giti ama me tadu Esteban keruchugakalin dare. Kaire kwian ulita ngautu kweri, kwian Esteban dollale jo ulita Esteban ngnagu Esteban gau.