Lucas 23:31 - Buglere

³¹ Cha agali ole kwian kle age me no ba ulita gwa giti, ba ole bdagli be boi ma tirare. Cha gli lere kare, kwian kle age tanre me no cha ole. Ba gli dra kare, ba ole be boi ma tirare bdagli —Jesu gerudu ene muinga e ulita ole.

Lucas 23:31 ပူးပေါင်းရင်းမြစ်များ

Mateo 3:12

Kwian gdaite be chie cha nate kle biale kwian chage no Chube takalin kare jwen sugekare kwian me noge, kwian no be toi no Chube ole diali, agwa kwian me no be toi sugekare diali Chubege ji chuge chui tangle, kwian ni ñage joge siere ji chuge ege. E salengwli kwian kle trigo kwara batenga kare, trigo tagla no alin chege sugekare trigo kwara me noge, trigo tagla ogakle no agwa trigo kwara gugakle jitaske, malen cha gerule ba ulita ole, ba tienkalin gitiru ji chugege ba mo ta blitadale Chube ole —Juan-Bautista gerudu ene ulita kwian ole.

Lucas 23:30

Kaire chui ege kwian ulita be gerule dbinanga ole: “¡Chitedenga cha giti!” Be gerule jwichuga dbira ole: “¡Cha gateda!”

Lucas 23:32

Kwian jiskenga boke dule gwaleda ule Jesu ole.

Juan 15:6

Bai kaire me ta chege ule cha ole, kwian ene be chege sugekare cháge ji chuge, ama me no me ñage age no salengwli uvananga chege sugekare girage me ñage gbachie kare, uvananga ene lita ole ama mlianga sugekare uva girage, uvananga be junbate gire uvananga draba guga.

Judas 1:12

Kwian daba tkanga tangle geru ngwalege kle age me no me no baske, ba ulita Chubenu kle chui ollade ba kle bligda ngle dodade blidale ule, gire kwian ene kle joge chke baske chui ollade ba ulita ole ule, ama me mo ta dbe no, ama me ibule bligda ngle gai mo alin gutadale gballa, ama agenga me no me no, ama ta me no diali. Kwian ene salengwli bogakwa kare, bogakwa kle gwaluge noi ngwange noi gbale boi agwa noi me boi, mleuda bogakwa e dbe gire noi me boi. Ene kaire kwian daba tkanga tangle geru ngwalege kle gerule be age no gire ama me age. Kaire kwian ene gli kare, gli me gbachie gli gbachie suiage, gli e jwanbakeda, gli e jogebada, me ñage gbachie. Ene kaire kwian daba tkanga tangle geru ngwalege kle age sugekare Chubege me ñage age no, ama be jogeda sugekare Chubege.