Lucas 23:13 - Buglere

¹³ Jesu dbajo chkeni Pilato ngwadi gire Pilato mo litu kwian israelita ulita kledu eni ole kaire kwian israelita chugagwalla ulita ole,

Lucas 23:13 ပူးပေါင်းရင်းမြစ်များ

Marcos 15:14

Pilato gerudu kwian ole: —¿Mineade ba takalin cha ama gwangeda kruge? Chage suge trate ni ama agedu me no sidri, ¿llema giti ama jiske? Kwian ulita ngautu ma kweri Jesu dollale: —¡Ama gwangeda kruge!

Lucas 23:35

Kwian tanre kledu eni gwage Jesudi, kaire kwian israelita chugagwalla tanre kledu eni kidere tanre Jesudige, chugagwalla e ulita gerudu me no modige Jesu giti: —Ama ñadu kwian na tanre chudaboi, nege ama mo chudaboadale agali, ama ulia Cristo Chube nu ama kagaba nga dba ai giti ama mo jwanlenga agali kruge.

Lucas 24:20

Kwian gerunga Chube ole daba alin chugagwalla ulita kaire che chugagwalla na ulita, ama ulita Jesu ketu gwadaleda kruge kwian jiskenga kare.

Juan 12:42

Kwian israelita ulita me Jesu gau ulia, agwa gweale Jesu gau ulia mo tale. Kwian israelita chugagwalla tanre Jesu gau ulia agwa ama ulita mo ogoda me su mo trage ama Jesu gai ulia giti kwian na me Jesu gaba ole, ama chke uñale nate kwian fariseoge kwian fariseo ñage ama mlienga siere u mo litangwa Chube gerua jwanngwage.

Juan 18:38

Jesu gerudu ene gire Pilato geru kadu Jesuge: —¿Llema geru ulia? Pilato geru kadu ene Jesuge gire blike ama jo nabitaite goga kwian israelita chugagwalla ulita ule kwian israelita tanre ole kledu manade ngwadi, Pilato gerudu kwian e ulita ole: —Cha geru tragu tanre onbre ai ole, suge chage trate ama me jiske dale.

Juan 19:4

Kle boi ene ulita gwa Jesu ole Pilato jo goga kwaite gerule kwian israelita ulita ole Jesu giti, Pilato gerudu kwian nglea ulita ole: —Cha be ama gbe aini goga ba ulita gwa giti, ene cha takalin suge bage, chage ama me skwen jiske dale.

Juan 3:1

Kwian fariseo ulitaske onbre gdaite kada Nicodemo, onbre e daba israelita chugagwalla gdaite.

Juan 7:26

Nege ama kle gerule kwian ulita gwa giti aini, ¿ne gire che chugagwalla ta ama gwakalinda kle llema boi? ¿Mineade ama gdaite me kle ka boi onbre e ole? ¿Nege che chugagwalla ulita kle onbre e gai ulia? ¿Suge amage onbre e Cristo Chube ama kagu ulia?

Juan 7:48

¿Suge ba ulitage che chugagwalla israelita ulita, kaire cha ulita kwian fariseo Moisés chadalla uñanga ulia, gweale kle ama gai ulia? ¿Mineade ba kle mo chuge ngwadi mo anblitange amage kwian ngle ulita kare?

Hechos 13:27

Kwian Chube gerua ketanga chada degu unsuialin Jesu giti, Jesu toidu nga dba ai giti suiale kwian chada e degaba Jesu giti batunga. Kwian toinga una Jerusalénge ule mo chugagwalla ulita ole diali mo litu u mo litangwa Chube gerua jwanngwage, ama chada e batunga diali undege chuiage, kwian ulita geru e keruchugu, agwa ulia ama ulitage geru e me sugedu. Ama chada batunga alin allabi, me uñadu amage chada e kle gerule Jesu giti. Malen Jesu chku amaske ama me Jesu uñu gire ama mo ta gbu Jesu gweda. Boidu ene ulita chada degaba unsuialin gerule kare.

Hechos 3:17

’Cha bitalla ulita, cha gerule ba ulita ole, uñale bage ba ulita ule ba chugagwalla nga dba ai giti ole Jesu guda. Ba agedu nga jereske kare, me uñadu bage Jesu chema.

Hechos 4:5

Nga chku ju gbietege gire kwian israelita chugagwalla ulita mo litu ole una Jerusalénge,

Hechos 4:8

Pedro gerudu Chube Oña kirallaske kwian israelita chugagwalla kweri e ulita ole: —Ba ulita kwian israelita chugagwalla, ba geru kade chage cha kwian dodadu giti ba takalin chke uñale bage cha ama dodadu mine gire ama ñadu chage.