Lucas 22:52 - Buglere

⁵² Kwian gerunga Chube ole daba alin chugagwalla ngle, kwian u gerungwa Chube ole mananga ngle, kwian israelita chugagwalla juma ngle, kwian e ulita kaire kle chage Jesu jwen dbale skadi, Jesu gerudu ama ulita ole: —¿Mineade ba ulita kle chage sbadi ole glita ole cha gai nate kwian jiskenga kare? Ba kle age cha ole salengwli ba age kwian agenga me no me no ole kare.

Lucas 22:52 ပူးပေါင်းရင်းမြစ်များ

Mateo 26:47

Jesu kle gerule ene kwian geru jwannga amage ole gire kwian geru jwannga Jesuge na gdaite kada Judas-Iscariote chku ule guardia donga nglea ole Jesu kle ngwadi, guardia donga e gweale chku sbadi ole na chku glita ole. Kwian gerunga Chube ole daba alin chugagwalla ulita kaire kwian israelita chugagwalla juma ulita, kwian e ulita nu guardia donga ngle kagaba Jesu gai dbale skadi.

Mateo 26:55

Jesu gerudu ene kwian geru jwannga ole gire Jesu geru kadu kwian Jesu dolla ulitage: —¿Mineade ba ulita kle chage sbadi ole glita ole cha gai nate kwian jiskenga kare? Ba kle age cha ole salengwli ba age kwian agenga me no me no ole kare. Chui ulitage diali cha kledu ba ulita gwa giti kwian tke tangle u gerungwa Chube olege agwa ni bitaite ba cha gau dbale skadi cha kledu gerule giti.

Lucas 22:37

Chube gerua degaba unsuialin gerule cha giti, chada e gerule: “Kwian be gerule ama kwian me no, kwian be ama gbe jiske kwian me no kare, ama gwabeda kwian me no ole ule.” Cha boabe ene ulia, cha be boi ene chuia kle kodi chada degaba unsuialin gerule kare.

Lucas 22:4

Dolla Satanás chku Judas-Iscariote e tale gire Judas-Iscariote jo kwian gerunga Chube ole daba alin chugagwalla ulita kle ngwadige, kaire guardia u gerungwa Chube ole mananga ngle kle ne ngwadi, Judas-Iscariote chku kwian e ulita kle ngwadi gire Judas-Iscariote gerudu ama ulita ole be age giti, ama gerudu: —Cha ta ba ulita chudaboakalin Jesu gai gwangeda, cha ñage ba ulita dbe Jesu kle ngwadi ene ba ulita ñage ama gai.

Lucas 22:51

Jesu gerudu kwian geru jwannga ole: —¡Ba me age dare ene kwian ole! Jesu gerudu ene gire Jesu kwian ologa gatuda kodi, ene kwian ologa jo chkeni noni.

Lucas 22:53

Chui ulitage diali cha kledu ba ulita ole u gerungwa Chube olege, ni bitaite ba cha gau dbale skadi. Agwa nege chui chku ba alin age cha ole Chube kle ba chuge ngwadi age kare, malen nege ba ñage age cha ole ba takalin kare Satanás kiralla giti, Satanás kwian me no ulita chugagwalla, ba ulita kle age ama takalin kare.

Juan 17:12

Nege cha kle ama ulita ole nga dba ai giti chage ule ama ole, ba ama ulita gbu chage cha ole, cha ama ulita manadu no ba kiralla giti, ene cha ama ulita ta gbu chage no ba geruage. Ba ama ulita ta gbu chage cha ole, ama ulita mo ta gbu cha gai ulia, ama kle chage cha ole diali, ni gdaite jonga chage, agwa ama gdaitre alin me mo ta gbu cha gai ulia, ama chagedu alin cha ole agwa ama ta me kledu ule cha ole, ama jonga sugekare chage, ama gdaite e boidale ene ba gerua degaba unsuialin gerule kare.

Hechos 5:26

Kwian chugagwalla ulita geru e keruchugu gire guardia u gerungwa Chube ole mananga ulita chugagwalla jo ule guardia na tanre ole kwian Jesu gerua ketanga jwen u gerungwa Chube olege. Guardia chugagwalla ule guardia ulita ole kwian Jesu gerua ketanga ulita gau du taingwli chugagwalla ulita kledu ngwadi, guardia kendunga kwian ngleadi malen ama me kira batu kwian Jesu gerua ketanga ole. Ama kira bate gire kwian ulita be guardia skie ke giti Jesu gerua ketanga kbiale.