Lucas 22:3 - Buglere

³ Kwian gerunga Chube ole daba alin chugagwalla ulita kaire kwian daba tkanga tangle Moisés chadalla giti ulita kle tañachuge ene Jesudi gire dolla Satanás chku Judas-Iscariote tale, Judas-Iscariote ama kwian geru jwannga Jesuge gdaite ule kwian gdataboko giti gdaite na ole.

Lucas 22:3 ပူးပေါင်းရင်းမြစ်များ

Mateo 10:4

Simón (ama kwian kira batanga mo jwia gdale), Judas-Iscariote (bdagli ama jwlitedu Jesu dollale Jesu ketu gwaleda). Jesu mo kiralla ketu kwian e ulita gdataboko giti gdabokege gire Jesu ama ulita kagu Chube gerua dbe kwian nage.

Mateo 26:23

Jesu jaindunga: —Ba kwian geru jwannga chage ulita kle blire ule cha ole aini kle pan bita gbe date bligda chiaske batekwa amaña giti cha ole, ba gdaite e be cha kete gwaleda.

Mateo 4:10

Satanás gerudu ene ulita gire Jesu jaindunga Satanás kalen: —Cha mi age ba takalin kare, cha mi ba gai dage dale. ¡Joga siere chage Satanás! Chube gerua degaba unsuialin gerule: “Chube kwian ulita Chugagwalla, kwian ulita mo Chugagwalla Chube alin allabi gadale dage gerule no ama alin giti, kaire kwian ulita mo ta gbadale lle boi ama alin allabi.”

Lucas 22:21

Jesu gerudu ene gire gerudu dare: —Cha gerule ba ulita ole, onbre gdaite be cha kete gwaleda, ama kle aini ule toiba dba blire cha ole.

Lucas 6:16

Judas (ama Santiago na daballa), Judas-Iscariote (bigwa ama jwlitedu Jesu dollale Jesu ketu gwaleda). Jesu kwian e ulita gdataboko giti gdaboke gau ama gerua ketangale.

Juan 12:6

Judas-Iscariote gerudu ene agwa ama me kle tañachuge ulia no kwian me lle molen giti, ama kle tañachuge igi gai mo alin giti, ama igi gdea mananga Jesu alin kaire kwian geru jwannga Jesuge ulita alin, agwa ama me igi gdea manadu no, igi gdea ege diali kwian igi tku, Judas-Iscariote kle igi e gweale jwen mo alin skwlenre Jesu ngeru kaire kwian geru jwannga na ulita ngeru, ama kwian skwe boanga.

Juan 13:18

Jesu gerudu dare kwian geru jwannga amage ulita ole: —Cha me kle gerule ba ulita be mo ta gbe age no cha agedu kare, me ene, uñale chage ba ulita mi age no cha agedu kare. Cha ba ulita gau chage cha ole, cha ba ulita ta uñe trate, uñale chage ba gdaite kle mo ta dbe cha dollale, be boi Chube gerua degaba unsuialin gerule kare cha giti, chada e gerule: “Cha skatemanalla gdaite blire ule cha ole, amaña mo blite cha dollale.”

Hechos 5:3

Chku uñale Pedroge Chube Oña giti Ananías kle sole ama me kle gerule ulia, ama igi gweale gau mau alin, gire Pedro gerudu Ananías ole: —¿Mineade ba mo ta chugu ngwadi age dolla Satanás takalin kare sole Chube Oña dollale? Igi jo ketaba bage dbi ñanale gweale ba gau mau alin, ba tañachugu ba agedu skwlenre Chube gwage.