Lucas 21:25 - Buglere

²⁵ ’Chui ege chui, dai, beu ulita be jwlite nganake tirare, ni kwian gwageba chuidi daidi beudi boi ene kare. Kwian nga dba ai giti ulita be gwage nga ngaña giti ulita boi ene gire kwian ulita be kennga tanre. Kaire chui ege ble mi kle ble kle kare, ble be gdade tirare kwian ologe, kwian be kennga tanre ble chite tiraredi.

Lucas 21:25 ပူးပေါင်းရင်းမြစ်များ

Mateo 24:29

Jesu gerudu ene gire gerudu dare kwian geru jwannga ole ama chieni chuia giti: —E ulita cha gerudu kare ba ole be boi daga ngwale ene ulita, gire sugeti ngwale chui be gwajoge jere ngajudi, kaire dai mi chege gwadenga ngajrege, beu ulita be jain dbige nga ngaña giti, nga ngaña giti nga ulita be jwlien, beu mi chege ngwedi beu kle kare, lle ulita mi chege ngeru kare nga ngaña giti.

Mateo 27:45

Chui chku bduke gire nga ulita nga dba ai giti chegu nga jereske, nga jere jagedu ene hora gdamai, chui jo chege nga bonga dbigu gire nga chra chiuni.

Marcos 13:24

Jesu gerudu ene gire gerudu dare kwian geru jwannga amage ole ama chieni chuia giti: —E ulita cha gerudu kare ba ole be boi daga ngwale ene ulita, gire chui be gwajoge jere ngajudi, kaire dai mi chege gwadenga ngajrege, beu ulita be jain dbige nga ngaña giti, nga ngaña giti nga ulita be jwlien, beu mi chege ngwedi beu kle kare, lle ulita mi chege ngeru kare nga ngaña giti.

Marcos 13:26

Nga be boi ene ulita gire Chube be cha kageni, cha be chieni nga dba ai giti ngnagu bogakwaske Chube kiralla giti, chui ege kwian ulita be gwage chadi cha noare cha kweri, ulia cha kwian ulita Chugagwalla. Be suge trate kwian ulitage e cha amaña chiu nga dba ai giti kwian kare kle chieni nabitaite.

Marcos 15:33

Chui chku bduke gire nga ulita nga dba ai giti chegu nga jereske, nga jere jagedu hora gdamai, chui jo chege nga bonga dbigu gire nga chra chiuni.

Lucas 21:24

Guardia donga ngle kwian me israelita alin be kirachke kwian israelita una Jerusalénmu ulitadi, guardia donga e ulita be kwian israelita tanre gweda be kwian israelita na tanre dbe tkale skage nga na ulitage. Be boi ene ulita kwian israelita una Jerusalénmu ulita ole gire kwian me israelita be una e gai mo alin. Chube be kwian me israelita chuge ngwadi dole ene kwian israelita ole sbali, kwian me israelita dole ene chuia be bidege gire Chube mi ama chuge ngwadi age dare kwian israelita ole.

Lucas 21:26

Nga ngaña giti nga ulita be jwlien, beu mi chege ngwedi beu kle kare, lle ulita mi chege ngeru kare nga ngaña giti. Kwian nga ulitage be gwage boi enedi nga ngaña giti gire ama be chege tañachuge tanre be boi gwangerugu giti, kwian ulita ta be chege skeke skeke chru ole, kenngaske nga be jogenga kwian tanre giti.

Hechos 2:19

Nga ngaña giti cha be lle tanre tirare gbe, e ulita be meñe kwian gwage, kaire nga dba giti be boi tirare, kwian tanre be daba gweda, lle tanre be kuge, jiangwa be chege skateda bogakwa kare nga dba giti.

Apocalipsis 20:11

Bigire cha gwagedu toigda kweri jutredi toigda e giti Chugagwalla kweri Chube kledu toiba dba. Chugagwalla Chube gwa giti nga ulita jo tangle blikare, nga dba giti kaire nga ngaña giti nga jonga me gda uñale, nga ulita chegu blitaba nganake chui tangle dale alin.