Lucas 20:25 - Buglere

²⁵ Kwian jaindunga ene gire Jesu gerudu: —Lle chugagwalla kweri Césarnu kaire keteni Césarge, lle Chubenu kaire keteni Chubege.

Lucas 20:25 ပူးပေါင်းရင်းမြစ်များ

Mateo 17:27

Agwa cha me takalin kwian skochie kaire kwian tañachuge chadi cha me kle Chube gai dage malen suge chage ma no che igi kete kwian ulita kle igi kete kare. Joga chibitage ngwe jwen, ngwe ngerutabi be blire ba ole, ngwe e kate igi be skwen bage. Ba igi e kete che gdaboke giti kwian igi gangage u gerungwa Chuge ole manangage. Jesu gerudu ene ulita Pedro ole gire Pedro agedu ulita Jesu gerudu kare.

Mateo 22:21

Kwian jaindunga: —Kwian oña e chugagwalla kweri emperador nga Romamu kada César, kaire ama kalla kle gbaba igi e giti. Kwian jaindunga ene gire Jesu gerudu: —Lle chugagwalla kweri Césarnu kaire keteni Césarge, lle Chubenu kaire keteni Chubege.

Marcos 12:17

Kwian jaindunga ene gire Jesu gerudu: —Lle chugagwalla kweri Césarnu kaire keteni Césarge, lle Chubenu kaire keteni Chubege. Jesu jaindunga ene kwian kalen gire kwian chegu tañachuge tanre Jesu gerua no giti, ama me ñadu Jesu gbe jiske Jesu gerudu giti.

Lucas 20:24

—Ba igi kete chage gaite gwagegda. Kwian igi ketu Jesuge gire Jesu geru kadu amage: —¿Chema oña kle gbaba igi ai giti? ¿Kaire chema kalla kle gbaba igi ai giti? Kwian jaindunga: —Kwian oña e chugagwalla kweri nga Romamu kada César, kaire ama kalla kle gbaba igi e giti.

Hechos 5:29

Pedro ule kwian Jesu gerua ketanga na ulita ole jaindunga: —Cha ulita kle Jesu gerua dbe, ma no cha alin cha Chube gai dage age Chube takalin kare, agwa cha me ñage age ba takalin kare cha age, cha Jesu gerua tragadale daba na ole.

1 Corintios 10:31

Ba ulita tachkedale ai giti: Ba kle age ulita giti kaire blire giti chi jai giti mo ta gbale age no diali kwianske me tañachuge mo alin giti age ba takalin kare, ma no mo ta gbale age no ulita Chube takalin kare kwian ulitaske, ene kwian gwage badi suge amage Chube kle age no ba tale kle ba ta gbe age, ene kwian gwage badi gerule no no Chube giti.

1 Pedro 4:11

Ba bai kaire gerunga Chube giti daba ole ba mo ta gbadale gerule Chube ba ta gbe gerule kare me gerule gballa mo ta giti. Ba bai kaire daba chudaboanga ba daba chudaboadale Chube kiralla giti age Chube ba ta gbe kare me daba chudaboi mo ta giti gballa. Ba ulita kaire kaire mo ta gbadale lle ulita boi no Chube ta ketu bage kare, ba agedale ulita no, ene gire daba na be gwage ba kle agedi be suge amage Chube agedu no no ba alin Jesucristo giti, e giti daba be gerule no no Chube giti. Chube no Chube kira molen, Chube kiralla me bidege, Chube kiralla chege diali chui tangle. Che ulita amanu gerudale no ama giti diali. Ene nobi.