Lucas 20:16 - Buglere

¹⁶ Cha gerule ulia ba ole, uva mauñage be chke uñale ama kirolla guleda gire ama be joge kwian uva mananga gweda ulita, ama be kwian na gbe uva ngama manade. Ene kaire Chube be age kwian ole kwian bai me ama Kirolla gai ulia. Kwian geru keruchugu ene gire kwian gerudu: —Cha takalin Chube me age ene che ulita ole.

Lucas 20:16 ပူးပေါင်းရင်းမြစ်များ

Mateo 21:34

Chui jo sbali gire uva mauñage chku uñale uvagba joge dabe suia chku gire uva mauña kwian lle boanga gweale mo alin kagu uvagba bonga amanu kade mo alin kwian uva manangage.

Mateo 21:41

Kwian israelita chugagwalla ulita jaindunga Jesu kalen: —Kwian uva mauñage be chke uñale, gire ama mi tai dage kwian agedu me no ama kirolla olege, ama be kirolla jia gbe kwian e ulitage be kwian e gweda. Kaire agwe ama be kwian na gbe uva ngama manade kwian bai mo ta gbe uvagba bonga uva mauñanu kete uva mauñage uvagba joge dabe suiale.

Mateo 22:7

E ulita chku uñale kwian chugagwallage gire ama skochiu tanre, chugagwalla guardia donga tanre mo alin kagu kwian gweda lle boanga jokeda jiale, kaire chugagwalla gerudu guardia donga ulita ole kwian lle boanga gwangada unalla gugadale ulita. Kwian chugagwalla gerudu ene gire guardia ulita agedu kwian chugagwalla gerudu kare.

Marcos 12:9

Jesu geru ñachugu ene ulita gire ama geru kadu kwiange: —¿Ba tañachuge mine geru e giti? Kwian uva mauñage be chke uñale boidu ulita ama kirolla ole gire ¿ama be age mine kwian uva mananga ulita ole? Cha gerule ulia ba ole, uva mauñage be chke uñale ama kirolla guleda gire ama be joge kwian uva mananga gweda ulita, ama be kwian na gbe uva ngama manade.

Lucas 19:27

Kaire cha gerule ba ole kwian cha dollale giti, ama me takalin cha chege ama chugagwallale, joga kwian ene jwen dbe aini gweda cha gwa giti.” Chugagwalla gerudu ene ulita lle boanga ama alin giti. Jesu geru ñachugu ene kwian ulita alin Zaqueo ullage ene suge kwiange ama ulita mo ta gbadale lle boi no Chube alin ama kle Jesu chuia manade ngwange gire.

Lucas 20:15

Kwian uva mananga ulita gerudu ene modige gire ama uva mauña kirolla gau du siere uva ngamage, gire ama ulita uva mauña kirolla guda. Jesu geru ñachugu ene ulita gire geru kadu kwiange: —¿Ba tañachuge mine geru e giti? Kwian uva mauñage be chke uñale boidu ulita ama kirolla ole giti gire ¿ama be age mine kwian uva mananga ulita ole?

Hechos 13:46

Gire Pablo kaire Bernabé me mo ta gbu kennga kwian israelita me Jesu gabadige, ama gerudu: —Chube cha ulita ta gbu geru amanu Jesu giti kete ngeru ba ulita kwian israelitage, agwa ba ulita israelita me jaindu geru ai gai ngwange, geru e gai ulia giti ba ñage toi chui tangle Chube ole agwa ba tañachugu geru e ngwale ba me geru e gau ulia, malen cha ulita kle Chube gerua Jesu giti kete kwian me israelitage.

Romanos 11:1

Kwian israelita mo ta gbu age me no Chube dollale, ¿e giti Chube kwian israelita ulita chugu ngwadi sugekare? Me ene dale. Cha kwian israelita, cha kwian kada Benjamín mnealla, cha kwian israelita enusulian unsuialin Abraham oindalla, cha ene Chube me cha chugu ngwadi sugekare.

Romanos 11:11

Kwian israelita agedu tanre me no Chube dollale, ¿e giti Chube ama chugu ngwadi sugekare diali? Me ene ulia, Chube ama chugu ngwadi sugeti alin ene Chube mo ta gbu kwian me israelita chudaboi, Chube takalin geru Jesucristo giti chke uñale kwian me israelitage ene kwian me israelita ñage Jesucristo gai mo jwanngale siere. Ene chke uñale kwian israelitage Chube kle age no kwian me israelita alin, ene kwian israelita be takalin Chube age no ama alin naskuni Chube kle age no kwian me israelita alin kare, ene kwian israelita be ta mo ta blitakalin Chube ole.

Romanos 3:31

Che kwian israelita mo ta gbe Jesucristo gai ulia, e me gerule che kle Moisés chadalla gai ngwale me ñanaske che me age dare chada e gerule kare, me ene, che mo ta gbe Jesucristo gai ulia, ene kaire che ñage mo ta gbe age ma no Chube takalin kare Moisés chadalla gerule kare.

Romanos 3:4

Me dale, Chube be chege diali ama gerule kare. Kwian ulita ñage sole agwa Chube gerule ulia diali. Chube gerua degaba unsuialin gerule Chube me sole giti, chada e gerule: “Chube diali chege trate, ama age ulita ama gerule kare, ama me sole. Kwian gweale gerule: ‘Chube me gerule ulia’, kwian gerule ene kwian kle gerule ngwale, kwian me ñage Chube gbe jiske, Chube no trate, Chube gerule ulia diali.” Chube gerua degaba gerule ene Chube giti.

Romanos 6:15

Nege che me kle toi Moisés chadalla giti, nege che kle toi Chube talla no che ole giti, e me gerule che agedale ma me no dare, ene Chube mo ta dbe age ma no che alin, me ene dale.

Romanos 6:2

¡Me ene dale! Ngeru che ulita mo ta du diali age me no, nege Jesucristo gai ulia giti che ulita mo ta ene age me no diali chugu ngwadi, nege che me mo ta dbale toi dare age me no.

Romanos 7:13

Geru e no me cha gbu age me no, cha agali agedu me no, cha ta age me no molen, cha mo ta ene gbu age me no geru e dollale, age me no cha gbu jiske sugekare Chubege, Moisés nu Chube gerua degaba me cha gbu jiske sugekare Chubege. Geru e cha ta gbu chkedale uñale cha me kledu age no Chube takalin kare, ene sugedu chage cha chegu jiske sugekare Chubege cha kledu age me no gdale. Moisés nu Chube gerua degaba me cha ta gbu age me no, geru e cha ta gbu suge trate cha kledu age me no me no tanre giti.

Romanos 7:7

Che me ñage gerule Moisés nu Chube gerua degaba unsuialin giti geru e me no, me ene dale, geru e no che alin, Moisés me geru jigu degaba, ene me chke uñale chege che kle age mine me no. Geru e me, ene me chku uñale chage cha kledu age me no tañachuge lle dabanu nate mo alin, agwa geru e kle degaba, geru e cha ta gbu suge, geru e gerule: “Me no tañachuge lle dabanu nate mo alin: ‘¿Mineade cha me e molen?’ ”

Romanos 9:14

Chube kwian gai me tañachuge kwian ageba no o me no, agwa Chube ama gai, e giti che me ñage tañachuge Chube kle age me no, me ene,

1 Corintios 6:15

Ba ulita Cristo gaba ulia, uñale ba ulitage ba jegwale Cristo jegwalenu kare, ¡ba ulita tachkedale e giti! Ba kwian onbre Cristonu me ñage tañachuge ba ñage tien ule muinga chagenga onbre na na nate mo chbadanga ole, ba kwian onbre Cristonu me ñage tien ule muinga ene ole, ¡e me no me no!

Gálatas 2:17

Che Cristo gau ulia, sugedu chege Cristo alin giti che no trate Chube gwa giti, gire kwian israelita kle Moisés chadalla alin gai ulia ama gwage che jiske che agenga me no kwian me israelita ulita kare. Ene ulia gire kwian ñage tañachuge Cristo che gbanga age me no ama che ta blitu ama gai ulia gire che Moisés chadalla chugu ngwadi. Agwa me ene ulia kwian tañachuge kare.

Gálatas 3:21

E ulita me kle gerule Moisés nu Chube gerua degaba gerule Chube gerua Cristo giti dollale. Chube gerua degaba unsuialin gerule kwian ulita giti kwian ulita agenga me no, kwian gballa me ñage mo ta blite joge siere age me noge. Chagé Moisés nu Chube gerua degaba alin gerule kare kwian me ñage joge siere age me noge. Agwa Cristo alin giti kwian ñage joge siere age me noge mo ta gbe age no Chube takalin kare. Chube gerudu ama be Cristo kage kwian ulita alin, kwian bai kaire Jesucristo gai ulia Jesucristo kwian ene jwen siere ji chugege age me no gdale.

Gálatas 6:14

Kwian e gerule ene no mo giti kwian na ole ama kle age giti, agwa cha me tañachuge ene, cha alin me no gerule mo giti daba na ole cha agedu giti. Cha ta gerukalin no kwian na ole che Chugagwalla Jesucristo agedu kruge alin giti, Jesucristo jokeda kruge cha alin, e giti Jesucristo cha ta ngeru ulita blitu, ene cha ta e ulita chugu ngwadi, nege cha me tañachuge dare cha tañachugu ngeru kare, suge chage Cristo alin giti cha Chubenu cha age Chube takalin kare, nege cha me age cha takalin kare.