Lucas 2:7 - Buglere

⁷ Mo ka gbe chada giti suiale kwian tanre jogeba chke una Belénge, José alin María alin u me skwendu gbengwa, malen chbi ulla ketre amage gbengwa, ne ngwadi María kirolla kimule chku María kote, María kirogwa bliuda ñometraske, gbu chbi blingwalla tabale, ni u gbaite kle ngwale José alin chegengwa ule kirogwa ole María ole.

Lucas 2:7 ပူးပေါင်းရင်းမြစ်များ

Mateo 1:25

agwa ama me toidu kwian onbre kle mo jwen kle toi kare ama María manadu sugekare moge ama me gbedu ule gire kirogwa chku María kote, José María kirolla e kimule ka gbu Jesu Chube gerudu kare.

Mateo 13:55

¿Ama me che tigemanalla? ¿Kwian e ñenua me ka jwankle José gli drega dodanga lle tanrere? ¿Kaire ama chebia me ka jwankle María? Che ama daballa ulita uñe, ¿ama daballa me Santiago kaire José kaire Simón kaire Judas?

Mateo 8:20

Jesu gerudu kwian e ole: —¿Ulia ulia ba ñage chage cha ole baini kaire cha be joge chage ngwadige? Bliski ugara molen gbengwa kaire bdada ugara molen gbengwa, agwa cha me dale. Chube nu cha kagaba nga dba ai giti kwian kare, cha me u molen agali gbengwa.

Lucas 10:34

Ama jo chke onbre lentigeba jabaledi ama onbre e dodadu, drega gligu gdege kadakle vino giti, gdege na lle kin kare gbu dregage, ama onbre lentigeba jabale drega gatuda drega luguda onbre lentigeba dodadu ulita. Gire onbre nga Samariamu onbre e gbu mo jalla giti gire du, ama u jinadu onbre lentigeba jabale manale ngwadi, u skwendu gire ama onbre lentigeba manadu u ege chuiete.

Lucas 2:6

José jo chke una Belénge María ole, kledu una Belénge gire Maríage chui chku María be kirogwa molen.

Lucas 2:8

Kodi una Belénge kwian bda oveja mananga tanre kledu oveja manade kegda giti ngajrege.

Juan 1:14

Chube Cristo kagu nga dba ai giti, ama chku kwian kare, ama toidu chagedu kwianske ama ta du no diali kwian ulita ole, ama agedu tanre no kwian alin, ene kwian gwage amadi chkedale uñale ama Ñenua mine ulia. Ama kledu kwianske agedu no ulita kwian alin gire cha chada ai deganga, cha ule cha chagemanalla ulita ole gwagedu amadi, ama agedu ulita uñale cha ulitage, uñale cha ulitage ama ulia Chube Kirolla gdaitre alin, ama mo Ñenua kirallaske agedu no ulita.

2 Corintios 8:9

Uñale ba ulitage che Chugagwalla Jesucristo agedu no no ba ulita alin ta no giti, ba chegu sugekare Chubege gire Jesucristo mo ta gbu ba chudaboi chie nga dba ai giti, Jesucristo kledu nga ngaña giti, ama lle no no tanre molen nga ngaña giti, ama e ulita chugu ngwadi chiu nga dba ai giti me lle molen, ama jokeda ba ulita alin, ene ama agedu giti ba alin ba me chege sugekare Chubege dare, Jesucristo gai ulia giti ba chege Chubenu.

Gálatas 4:4

Che kledu ene gire Chube chui gbaba unsuialin chuia chku Chube mo Kirolla kagu cheske, Chube Kirolla medunga muinga kote nga dba ai giti kwian israelitaske, Chube Kirolla mo ta gbu age ulita Moisés chadalla gerule kare.