Lucas 2:1 - Buglere

^1-2 Kwian kada Augusto, ama kwian nga kweri ulita chugagwalla emperador, kwian na kada Cirenio ama kwian chugagwalla gobernador nga kadakle Siriage, e suiale Augusto geru gbu kwian ulita alin nga ulitage kwian ulita mo ka gbadale chada giti, ene be chke uñale Augustoge kwian gdabaige kle toi nga ulitage. Augusto kwian gwangea geru e kare gbe kwian ulita alin kwian ulita nga ulitage teanle.

Lucas 2:1 ပူးပေါင်းရင်းမြစ်များ

Mateo 22:17

Ba kwian ene malen cha geru kade bage gbaite, ba jainnga cha kalen ba tañachuge mine. Geru gbaba nga Romage kwian ulita igi ketadale kwian chugagwalla kweri nga Romamuge, cha me kwian nga Romamu, cha kwian israelita, gire ¿no Chube gwa giti cha igi kete kwian chugagwalla kweri nga Romamuge ama kle kade chage kare o cha me igi ketadale amage? —kwian geru kadu ene Jesuge ta me no ole Jesu gbagda jiske gerule me no gweale giti.

Mateo 24:14

Chube gerua no ulia cha giti jogedale ketaba kwian nga ulitamuge, ene chke uñale kwian nga ulitamuge ama cha gai mo Chugagwallale ene ama chege no Chube gwa giti ama Chubenu, kwian nga ulitamu geru e keruchugadale ngeru, gire chui bdagli be chke —Jesu gerudu ene ulita kwian geru jwannga ole.

Marcos 14:9

Cha gerule ulia ba ole, chui aige gwangerugu nga ulitage baini kaire geru no cha giti be joge tragaba kwian ole ngwadi, nga e ulitage geru muinga ai agedu no cha alin giti be joge tragaba kaire, ene kwian nga ulitage be tachke muinga ai agedu giti cha alin.

Marcos 16:15

Jesu ka bo ene kwian geru jwannga amage gdataboko giti gdaite ole gire Jesu gerudu dare ama ole: —Ba jogedale nga ulitage Chube gerua no cha giti kete kwian na ulitage.

Lucas 2:3

Augusto geru gbu ene kwian ulita alin gire kwian ulita joni mo enusulian jwiage mo ka gbe chada giti.

Lucas 2:5

José jo una Belénge mo ka gbe chada giti José bebi mo jwen muinga kadakle María ole, ama jo María dbe ule gire e suiale María kledu chage gaba.

Lucas 3:1

Kwian kada Tiberio-César ama kwian nga kweri ulita chugagwalla emperador, ama chegu kwian chugagwallale churalla gdataboko giti gdatiga chku. E suiale Poncio-Pilato kwian nga Judeage ulita chugagwalla gobernador, Herodes kwian nga Galileage ulita chugagwalla Herodes daballa kada Felipe kwian nga Itureage ulita chugagwalla kaire kwian nga Traconitege ulita chugagwalla, Lisanias kwian nga Abiliniage chugagwalla.

Hechos 11:28

kwian Chube gerua ketanga e gdaite kada Agabo, ama jo chke kwian Jesu gerua gaba una Antioquíamuske ama mo gbu gdate kwian gwa giti gire Chube Oña ama ta gbu geru kete kwiange, ama gerudu: —Bli kweri be chke nga ulitage, kwian ulita be bli chuge. Boidu ene ulia Agabo gerudu kare chugagwalla kweri emperador nga Romage kada Claudio suiale.

Hechos 25:11

Suge chage ulia ulia cha agedu me no kwian israelita dollale, cha me ñage ka boi mo gdale, ene kwian ta cha gwakalinda ñage cha gweda cha jiske gdale. Agwa ulia ulia cha me skwen jiske kwian kle gerule kare cha dollale, gire chugagwalla me ñage cha kete kwian kle gerule cha dollalege gwaleda. Agwa cha gerule ba ole, kwian cha dollale me kle gerule ulia cha giti cha jiske, malen ba cha kagadale una Romage chugagwalla kweri emperador una Romamu ngwadi ene ama gerudale bdagli cha giti cha jiske o cha me jiske.

Hechos 25:21

Agwa Pablo me tadu jogekalinni una Jerusalénge, ama tadu jogekalin kwian chugagwalla ma kweri una Romamu ngwadi una Romage, ene chugagwalla una Romamu gerudale ama giti ama jiske o me jiske. Malen cha ama chugu ngwadi aini skage, chui gweale cha ama kagakalin gire cha be ama kage chugagwalla kweri una Romamu ngwadi.

Romanos 1:8

Ngeru cha geru ai kete ba ulita kwian Chubenu una Romamuge: Jesucristo giti ba Chube gau ulia mo tale, ba kle mo ta gbe chage diali ama ole, geru e ba giti kle chke uñale kwiange nga kweri ulitage, e giti nga suga no chadi malen cha kle gerule no no Chube ole ba ulita giti.

Filipenses 4:22

Kwian Chubenu ulita kle aini gbi kage ba ulita alin, kaire kwian lle boanga chugagwalla una Romamu alin gweale Chubenu, ama gbi kage ba ulita alin.