Lucas 19:6 - Buglere

⁶ Zaqueo chiu dbigu blike chku dba, nga suga noare Zaqueodi Jesu giti, ama gerudu Jesu ole: —Jesu, nga suga noare chadi ba joge cha ole cha ullage nege. Gire Zaqueo jo Jesu dbe mo ullage.

Lucas 19:6 ပူးပေါင်းရင်းမြစ်များ

Lucas 19:5

Jesu jo chke Zaqueo glia gdoge gire Jesu gwagedu ngaña glige Zaqueodi, Jesu gerudu: —Zaqueo, bai dbigu blike, ale ba ullage, nege cha be joge chege ba ngwadi.

Lucas 19:7

Kwian ulita gwagedu Jesudi joge Zaqueo ullage, gire kwian ulita gerudu modi tanre me no Jesudi Zaqueo giti, kwian gerudu: —Kwian agenga me no ullage Jesu kle joge chege.

Lucas 2:16

Ama ulita jo jrite blike kirogwa jinade nate una Belénge, jo chke llani gire María kaire José kaire kirogwa onbre soli skwendu oveja mananga ulitage, kirogwa kle chbi blingwalla tabale.

Lucas 5:29

Leví Jesu du ule kwian geru jwannga Jesuge ulita ole mo ullage blire, Leví jo chkeni mo ullage, bligda dodangu no Jesu alin. Kaire kwian na tanre kle Leví ullage, ama gweale igi ganga chugagwalla emperador nga Romamu alin Leví kare, kwian e ulita blidu ule Jesu ole Leví ole.

Hechos 16:15

Kaire Lidia bitalla ulita Jesu gerua gau ulia, gire Lidia mo ñeangu chiske Jesu kalla giti ule mo bitalla ulita ole. Lidia gerudu cha ulita ole: —Bage suge trate cha ulita Jesu gerua gau ulia mo tale, cha takalin ba chie cha ole chege cha ngwadi. Lidia mo ta gbu cha ulita gai ngwange mo ullage gire cha ulita cheguda ama ullage.

Hechos 16:34

Kwian e amaña Pablo, Silas du mo ullage, ama Pablo, Silas ullu bligdadi. Ama ulita Jesu gerua gau ulia malen ama ulitadi nga suga no no Jesu giti.

Hechos 2:41

Chui ege kwian ngle Pedro keruchugu gerule Jesu giti, kwian e ngle tres mil Jesu gerua gau ulia Pedro giti, kwian e ulita mo ñeangu chiske Jesu kalla giti.