Lucas 19:21 - Buglere

²¹ Cha kwachiu badi, uñale chage cha me lle boi no trate ba igia ole ba be skochie, diali kwian na kle lle boi ba kle lle e gai mau alin, ba me kle lle boi agali ngwadi ñanalla ba kle geruade nate mau alin. Ba kwian ene malen cha tañachugu ma no cha me lle boi ba igia ole, cha ba igia ogo no ñometra dregaske, nege ba chkuni cha igi amaña keteni bage.”

Lucas 19:21 ပူးပေါင်းရင်းမြစ်များ

Lucas 19:20

Kwian lle boanga na chku amadige gerudu: “Cha chugagwalla, ba igi kwaite ketu chage, cha igi ogo ñometra dregaske, ene igi me jogenga ba ngeru.

Lucas 19:22

Chugagwalla gerudu lle boanga e ole: “Ba kwian lle boanga ta me no, ba me lle bo igi ole cha tadukalin kare. Uñale bage kwian me lle boi no cha alin cha skochie, kaire uñale bage baini cha me lle boi ngwadi cha kle lle ene geruade nate mo alin.

Romanos 8:15

Ba Chube olia, Chube Oña me ba ta gbe kennga ba mo ta du kennga ngeru kare tañachuge Chube be ji gbe ba alin, me ene, Chube Oña ba ta gbe no Chube ole, ene Chube Oña giti suge trate bage Chube no ba ole Chube ba gau mo oliale, ene ba gerule Chube ole ta me kennga ole: “Chube, ba cha Ñenua.”

Romanos 8:7

Kwian mo ta gbe age talla me no kle ama gbe age kare, kwian ene talla kle age me no Chube dollale, kwian ene ni takalin mo ta gbe Chube ole ni ñage mo ta gbe age Chube gerua gerule kare.

2 Timoteo 1:7

Chube mo Oña ketu chege lle boadale no Chube alin, Chube me mo Oña ketu chege mo ta dbadale kennga lle boi Chube alin. Diali Chube Oña kle che ole che ta gbe kiraske, ama che ta gbe no Chube ole kwian ole, kaire ama che ta gbe age no ama takalin kare me che ta agekalin kare.

Santiago 2:10

Ulia kwian gweale mo ta gbe age ulita Chube gerua degaba kle gerule kare, agwa ama age me no geru gbaitre alin dollale, kwian ene kle chege jiske, ama age me no geru gbaitre alin dollale agwa e giti ama kle chege jiske geru ulita giti salengwli ama age me no geru ulita dollale kare.

1 Juan 4:18

Che ulita bai kaire Chubenu chége sugedale Chube no trate che ole malen che me mo ta dbadale kennga Chubedi ni tañachuge Chube be ji gbe tirare che giti che nu ageba me no gdale. Chube no no che ole malen Chube kle ta kennga jwen siere chege. Kwian bai kaire kle mo ta dbe kennga Chubedi, kwian enege me suge trate Chube ulia no ama ole Chube ama chudaboanga.

Judas 1:15

ama be chie gerule kwian ulita giti bai jiske bai me jiske, ama be kwian ulita agenga me no gbe jiske kwian agedu me no ulita gdale, kaire ama be kwian gbe jiske kwian gerudu me no ulita Chube dollale gdale, Chube be kwian ene ulita gbe ji chuge tirare.” Chube Enoc ta gbu gerule ene kwian me no ene giti.