Lucas 18:9 - Buglere9 Kwian gweale kledu Jesu ngwadi, kwian e ulita kle tañachuge mo giti ama noare trate ulita kwian na ulita me ama kare no, Jesu geru ñachugu kwian ulita kle tañachuge ene alin, Jesu gerudu: အခန်းကိုကြည့်ပါ။ |
Lucas 18:9
22 ပူးပေါင်းရင်းမြစ်များ
Kwian fariseo mneite kaire kwian daba tkanga tangle Moisés chadalla giti mneite kledu gwage kwian ulita kledu mo lite Jesu oledi gire ama gerudu modige Jesudi kwian ulita kle mo litaba giti: —Onbre e kle age me no, ama kle mo ta dbe no kwian agenga me no ole kle kwian agenga me no ulita gai ngwange no, diali ama kle blire ule kwian agenga me no ulita ole.
Jesu gerudu kwian fariseo ole: —Ba ulita takalin kwian na gwage ba kle age nodi, gire ba takalin kwian gerule ba giti ba noare ba kle chage trate. Ba age kwian gwa giti ene kwian tañachuge ba kle age trate ulia Chube takalin kare, agwa me uñale kwiange ba ta mine, Chube gwage ba tadi, uñale Chubege ba ta mine. Ba age no kwian tañachuge kare agwa Chube gwage ba kwian me no —Jesu gerudu ene kwian fariseo ole.
Kwian fariseo jagedunga gdate gerule Chube ole, ama gerudu ene: “Chube, nga suga noare chadi, noare cha me kwian na kare agenga me no, cha me skwe boanga daba ngeru, cha me mo chuganga ke giti muinga ole daba ngeru, ni cha kle age me no sidri kwian ai kle ule cha ole igi ganga chugagwalla emperador nga Romamu alin kle age kare.
Kwian fariseo nu Jesu kadaba blire mo ullage gwagedu muingadi age ene Jesu ole, gire kwian fariseo e tañachugu mo tale: “Muinga e agenga me no me no, onbre e Chube gerua ketanga ulia muinga e talla chkedale uñale onbre ege muinga e no ni no gire, agwa ama kle mo chuge ngwadi mo gange kodi muingage.”
Kwian fariseo ulita gerudu ta sko ole onbre gwagwa dodabage: —Ba medunga me gwagwa molen, ba kwian agenga me no, ¿nege ba ten gire ba ta cha ulita tkakalin tangle onbre e giti? ¿Ba chema gerudale ene cha ole? Ba me mo lite dare cha ole cha kle mo litege ngwadi, ba kwian me no, ¡joga siere u aige cha ulitage, cha me gwagekalin badi dare aini! Ama jo kagaba siere u kwian ulita kle mo lite ngwadige.
Cha gerudu ene cha Chugagwalla Jesu ole, cha tañachugu ama be cha chuge ngwadi ama gerua trage kwian e amaña ole, agwa ama gerudu cha ole: “Ba me ñage chege geru chanu dbe kwian ainiske, ba gerule cha giti aini, kwian mi ba keruchuge. Ba mo gbe biale jogedale nga nage, cha be ba kage cha gerua dbe kwian chudalla nga na bateske.” Jesu gerudu ene cha ole.
Ama geru Cristo giti uñe, agwa ama me geru e gbe gdadi ama me mo ta gbe Cristo gai ulia Chube takalin kare, kwian tañachuge ma no age agali kwian tañachuge kare ene ama tañachuge ama chege no trate Chube gwage. Kwian ene me tañachuge Cristo gai ulia giti, ama tañachuge age Moisés nu Chube gerua degaba gerule kare ene ama tañachuge ama chege no trate Chube gwage, agwa kwian me ñage age no ulita chada e gerule kare. Kwian mo ta gbe Cristo gai ulia mo tale, kwian ene alin allabi chege no trate me jiske Chube gwage, Chube kwian ene jwen siere ji chugege age me no gdale.
Cristo che Chugagwalla, ama alin gerule trate ulia kwian kle age giti bai no bai me no, ¿mineade ba kle gerule daba nadi daba kle age giti? ¿Mineade ba kle mo ta dbe me no daba ene ole? Che salengwli me ñage gerule dabadi chugagwalla kare. Chui bdaglige che ulita be kle Chube ngwadi Chube gwa giti ama be gerule che ole che agedu giti ulita nga dba ai giti.
Kwian bai kaire samla gute me ñage gerule daba nadi daba me samla gute giti, ene kaire kwian bai kaire me samla gute me ñage gerule daba nadi daba samla gute giti. Me no gerule dabadi ongoru ongoru blire giti, sugedale ba ulitage ba ulita Chubenu, Chube ba ulita gau mo alin, ba ulita salengwli Chube gwage.
ကြော်ငြာတွေ