Lucas 16:9 - Buglere

⁹ Cha gerule ba ole ba bai Chube gai ulia, ba igi molen ba kwian me lle molen chudaboadale igi e giti, ene kwian e be ba gai mo skatemanallale. Lle ulita banu be bidege, ba mi chege lle molen gire ba tachkedale chui be chke gire Chube be ba gai ngwange no nga ngaña giti be age no ba alin ba daba me lle molen chudaboi nga dba ai giti ñanale.

Lucas 16:9 ပူးပေါင်းရင်းမြစ်များ

Mateo 19:21

Jesu jaindunga: —Ba takalin chege no trate Chube gwa giti, ba jogedale lle banu ulita chbade, igi ulita lle e ñana ba kete kwian me lle molenge. Ba age ene ulita gire ba chieni cha kle ngwadi ba mo ta gbe chage cha ole diali geru jwen chage. Gire ene ba be kle biale joge toi diali chui tangle Chube ole nga ngaña giti, Chube be age no ba alin ba age no ñanale.

Mateo 6:19

Jesu gerudu dare kwian ole: —Ba me mo ta gbe tañachuge lle oge mau alin nga dba ai giti diali chui tangle, chui gweale lle e ulita be jogenga ngwale, chubdu kle lle gute kwian ngeru, lle kle joge me no sugaska, kaire kwian skwe boanga kle skwe boi kle lle dbe kwian ngeru, malen ngwale ba tañachuge lle tanre lite ole mau alin nga dba ai giti.

Mateo 6:24

Jesu gerudu: —Ni kwian gdaite ñage lle boi no chugagwalla gdaboke alin. Kwian mo ta gbe lle boi no chugagwalla gdaite alin, kwian me ñage lle boi no chugagwalla na alin kaire. Kwian lle boi chugagwalla gdaboke alin gire kwian mo ta dbe no chugagwalla gdaitre alin ole, chugagwalla na ole ama me mo ta dbe no dale, ama be jainchke chugagwalla edi. Ene kaire ba mo ta gbadale tañachuge lle boi no Chube alin me tañachuge diali igi gai giti lle lite ole ngle mau alin giti, ma no ba mo ta gbe tañachuge Chube giti alin allabi toi ama takalin kare. Ba mo ta dbe no igi alin ole ba me ñage mo ta dbe no Chube ole, ma no tañachuge Chube alin giti, me tañachuge lle boke giti ule.

Lucas 11:41

Ba kwian fariseo ulita mo ta ketadale Chubege gire Chube be ba ta lite trate ulita kwian kle lle gligenga trate kare, ene Chube be ba ta gbe suge ta no daba ole daba bai me lle molen.

Lucas 12:33

Ba me mo ta gbe tañachuge lle oge mau alin nga dba ai giti diali chui tangle, chui gweale lle e ulita be jogenga ngwale. Ba lle molen ba lle e chbadale, igi gai lle ñanale ba igi e ketadale kwian bai me lle molenge. Ba kwian chudaboi ene nga dba ai giti, nga ngaña giti Chube kle lle noare oge ba alin, lle nga ngaña giti me jogenga ngwale dale, llani kwian skwe boanga me joge chke lle banu jwen, kaire chubdu me lle banu gute.

Lucas 14:14

Ba kwian ene kade gire nga be suga no badi, kwian ene blire ba ole me ñage ba kade ba ama ullu kare, agwa bdagli Chube be kwian no ulita gbeni gwade chuia, chui ege nga be suga noare badi, ba agedu no kwian alin nga dba ai giti ñanale Chube be age no ba alin nga ngaña giti —Jesu gerudu ene kwian nu Jesu kadaba ole.

Lucas 16:11

Nga dba ai giti ba me mo ta gbe ulia ba igia manade no, me age no igi ole, gire Chube mi lle noare nga ngaña giti kete bage.

Lucas 16:13

Kwian lle boanga gdaite me ñage lle boi no chugagwalla boke alin. Lle boanga mo ta gbe lle boi no chugagwalla gdaite alin ama me ñage lle boi no chugagwalla na alin kaire. Lle boanga lle boi chugagwalla boke alin gire ama be mo ta dbe no chugagwalla gdaitre alin ole, chugagwalla na ole ama mi mo ta dbe no dale, ama be jainchke chugagwalla edi. Ene kaire ba mo ta gbadale tañachuge lle boi no Chube alin me tañachuge diali igi gai giti lle lite ole ngle mau alin giti, ma no ba mo ta gbe tañachuge Chube giti alin allabi toi ama takalin kare. Ba mo ta dbe no igi alin ole me ñage mo ta dbe no Chube ole, ma no tañachuge Chube alin giti, me tañachuge lle boke giti ule.

Lucas 16:4

Kwian igi mananga kle tañachuge ene gire ama tachku ama be age mine, ama tañachugu mo tale: “Nege cha be age no kwian na alin, ene kwian e ulita be cha gai ngwange no ama ullage cha mi kle lle boi dare igi mauña alin gire.”

Hechos 10:31

Lle boanga Chube alin nga ngaña giti e gerudu cha ole: “Cornelio, diali ba kle gerule Chube ole tanre no chudaboi kade amage, Chube ba keruchugu. Kaire uñale Chubege ba kle daba me lle molen chudaboi tanre, malen nege Chube be ba chudaboi.

Hechos 10:4

Cornelio chegu gwage lle boanga Chube alindige ta kennga tanre ole gire Cornelio jaindunga: —¿Llema giti ba ta gerukalin cha ole? Lle boanga Chube alin gerudu Cornelio ole: —Cha geru kete bage, diali ba kle gerule Chube ole tanre mo chudaboi kade amage, Chube ba keruchugu. Kaire uñale Chubege ba kle daba me lle molen chudaboi tanre, malen nege Chube be ba chudaboi.

2 Corintios 4:17

Nege toi nga dba ai giti boi daga ngwaleske cha kle tañachuge diali bdagli giti cha be joge toi nga ngaña giti Chube kle ngwadige, tañachuge e giti cha kira gbeda jage boi daga ngwaleske nga dba ai giti, uñale chage cha kle boi daga ngwale nege e me chege diali, e be joge tangle, malen suge chage e sugeti alin. Agwa cha joge toi nga ngaña giti gire cha be joge siere boi daga ngwale ulita nga dba ai gitige, nga ngaña giti cha be toi no diali nga suga no ole chui tangle Chube ole, e me joge tangle, e chege diali cha alin.

Judas 1:21

Ba tachkedale Chube no no ba ole, ba me mo chugale ngwadi joge siere Chube no ba olege. Che Chugagwalla Jesucristo tai dage ba ulitage, chui be chke gire ama be ba ulita dbe toi ama ole diali chui tangle, ba mo ta gbadale chui e manade ngwange diali ta no ole.