Lucas 16:31 - Buglere

³¹ Abraham oña gerudu: “Moisés nu Chube gerua degaba, kwian Chube gerua ketanga nu Chube gerua degaba, ba daballa me kle geru e gai ulia, kaire agwe ene ama mi kwian jogebada chieni gwade gerua gai ulia.” Abraham oña gerudu ene ulita kwian lle molen oña ole —Jesu geru ñachugu ene ulita kwian alin.

Lucas 16:31 ပူးပေါင်းရင်းမြစ်များ

Lucas 16:30

Gire kwian lle molen oña gerudu: “Ulia ama Chube gerua degaba molen, agwa ama me kle geru e gai ulia, ma no kwian jogebada chkeni gwade jogeni nga dba giti geru jige amage gerule no ama ole ama Chube gerua gadale ulia, kwian jogebada chkebani gwade gerule ene ama ole gire ama be mo ta blite ulia Chube ole.”

Lucas 17:1

Jesu gerudu kwian geru jwannga gdataboko giti gdaboke ole: —Diali lle me no be kle nga dba ai giti, kwian be ta agekalin me no. Kwian bai age me no daba na ole daba gbe age me no, kwian ene be boi daga ngwale be ji chuge tanre daba gbe age me no gdale.

Hechos 19:8

Dai gdamai Pablo chegu una Efesoge diali Pablo kledu joge u kwian israelita mo litangwa Chube gerua jwanngwage una Efesoge, eni Pablo me kwachiu ni sidri Chube gerua Jesu giti trage kwian ole. Ama gerudu kwian ole kwian ulita mo ta gbadale geru Jesu giti gai ulia, ene Jesu giti kwian chege Chubenu.

Hechos 26:28

Agripa gerudu Pablo ole: —Chege bedre cha alin ba cha ta gbu Jesu gerua gai ulia.

Hechos 28:23

Gire Pablo ule kwian israelita chugagwalla una Romamu ulita ole chui gbu geru tragangwa geru jagere giti, chui chku kwian tanre litedu Pablodi Pablo kledu ngwadi. Pablo kledu geru trage ngmadi ngabebitabi nga jeredu kaire kwian ole, Pablo gerudu Jesu gerua gai ulia giti alin allabi kwian chege Chubenu. Pablo takalin kwian ulita geru Jesu giti gai ulia malen ama Moisés chadalla degaba unsuialin Jesu giti tragu kaire ama kwian Chube gerua ketanga chadalla degaba unsuialin Jesu giti tragu chke gda uñale kwian kle mo litabage.

2 Corintios 4:3

Cha kle geru ulia Jesucristo giti dbe kwianske, cha kle geru e trage no trate ulita kwian ulita ole, kwian bai kairege geru me suge kwian ene kle sugekare Chubege jiske Chube gwage.

2 Corintios 5:11

Uñale chage chui bdaglige che Chugagwalla Jesucristo be gerule cha ole cha agedu giti nga dba ai giti malen suge chage cha ama gadale dage no diali age no ama takalin kare. Kaire cha takalin chke uñale kwian ulitage kwian Jesucristo gadale dage, malen cha kle geru Jesucristo giti trage kwian ulita ole ene kwian ñage Jesucristo gai kweri Jesucristo gai dage. Uñale trate Chubege cha chage ta mine giti ama gerua dbe, cha takalin ba ulitage suge kaire ba tale cha geru du ba ulitaske ta no giti.