Lucas 16:17 - Buglere

¹⁷ E me gerule Moisés nu Chube gerua degaba unsuialin geru e me no ba kle toi nege alin, geru e ulita no ba ulita alin. Nga ngaña giti kaire nga dba ai giti, nga e ulita be bidege, agwa Moisés nu Chube gerua degaba mi bidege dale ni geru gbaite be bidege, geru e ulita be chege diali chui tangle kwian ulita alin.

Lucas 16:17 ပူးပေါင်းရင်းမြစ်များ

Mateo 5:18

Cha gerule ulia ba ole, ba cha keruchuge no, Chube gerua ulita Moisés nu degaba unsuialin jo gbaba kwian alin, ulita be boi ulia ulia geru e kle degaba kare nga dba ai giti nga ngaña giti ulita bebi joge tangle gire.

Lucas 21:33

Nga ngaña giti nga dba ai giti mi chege diali dale alin, nga ulita be joge tangle, agwa cha gerua mi joge tangle dale, cha gerua be chege diali dale alin, be boi ene ulita cha gerua kle gerule kare.

Romanos 3:31

Che kwian israelita mo ta gbe Jesucristo gai ulia, e me gerule che kle Moisés chadalla gai ngwale me ñanaske che me age dare chada e gerule kare, me ene, che mo ta gbe Jesucristo gai ulia, ene kaire che ñage mo ta gbe age ma no Chube takalin kare Moisés chadalla gerule kare.

1 Pedro 1:25

Agwa Chube gerua me boi, Chube gerua jage diali chui tangle.” Chube gerua e geru Cristo kwian jwannga siere giti, geru e amaña Cristo giti jo tragaba ba ulita ole.

2 Pedro 3:10

Che Chugagwalla Jesucristo chieni chuia be chke blike kwian skwe boanga kle chke kle kwian gai alenske kare, ene che Chugagwalla Jesucristo be chkeni, chui ege kwian me kle Jesucristo chieni chuia manade ngwange kwian ene be skate alenske, chui ege nga ngaña ulita nga dba ulita be boi tirare be jogenga ulita jita kote, jita kweri be kle gdade kweri tirare, nga ngaña be jogenga ulita jita e kote, chui, dai, beu ulita be liedba ulita, kaire nga dba ulita be jogenga ulita jita e kote, lle nga dba ai ulita giti be kuge, ni lle gdaite chegeda.

Apocalipsis 20:11

Bigire cha gwagedu toigda kweri jutredi toigda e giti Chugagwalla kweri Chube kledu toiba dba. Chugagwalla Chube gwa giti nga ulita jo tangle blikare, nga dba giti kaire nga ngaña giti nga jonga me gda uñale, nga ulita chegu blitaba nganake chui tangle dale alin.

Apocalipsis 21:1

Chube kwian gbu ji chuge boidu ene ulita gire chage sugedu nga ngaña giti nga dba giti ulita jonga me gda uñale kaire ble me kledu dare, nga chegu blitaba jagere. Cha gwagedu nga ngaña giti na jageredi kaire nga dba na jageredi. Cha gwagedu nga ulita chegu blitaba jagere nga me chegu ngeru kare.

Apocalipsis 21:4

Malen kwian Chubenu ulita boidu daga ngwale ngeruge e ulita be joge tangle, mi kle dare ngeru kare. Chube be kwian amanu ulita ta olire jwennga kwian amanu mi chege ta olire ole dare, Chube be ama ta gbe nga suga no ole, kaire agwe kwian ulita Chubenu mi jogekeda dare ni be kle ta olire ole dare ni kwian be kle mo suia jwennga boi gwealege ni kwian be skibachie ulita be kle nga noge ulita be kle toi nga suga no ole diali Chube ole ule.” Keru e sugedu chage ene ulita.