Lucas 15:7 - Buglere

⁷ Nga dba ai giti ba mo ta dbe ene oveja jogebanga ole, e kare ene nga suga no nga ngaña giti kwian gdaitre alin joge siere age me noge mo ta blite Chube ole giti, nga ma suga no kweri nga ngaña giti kwian e gdaite giti kwian na ulita noventa y nueve gitige, kwian noventa y nueve ulita tañachuge ama ta no trate Chube gwa giti, kwian e ulitage agali suge ama kle age no ulita malen ama me mo ta blitadale Chube ole —Jesu geru ñachugu ene oveja gdaite jogebanga giti.

Lucas 15:7 ပူးပေါင်းရင်းမြစ်များ

Mateo 18:13

Cha gerule ulia ba ole, oveja soli be skwen amage gire nga be chie suga noare amadi oveja gdaite jogebanga giti ma no oveja na dare noventa y nueve me jogebangage.

Mateo 3:8

Me ene dale ba kle tañachuge kare, ba ta tienkalin gitiru ji chugege ba agedu me no gdale ba mo ta blitadale Chube ole mo ta gbe chage trate no Chube takalin kare, ene kwian gwage badi ulia ba mo ta blitu Chube ole.

Lucas 15:10

Cha gerule ba ole, ene kaire nga ma suga no lle boanga Chube alin nga ngaña giti tanredi kwian gdaitre alin ole joge siere age me noge mo ta blite Chube ole giti.

Lucas 15:29

Kirolla juma gerudu ñenua ole: “Cha mi joge gwa ba ole ba kirolla soli chuia ollade. Sbali chura ngle cha kledu lle boi no ba alin, cha ba gau dage no diali, gire mau tale ni ba bda soli gdaite ketu gwaleda chui olladale cha alin blire ule cha skatemanalla ole.

Lucas 15:32

Agwa ba daballa jogebanga ama chkuni, noare che ama chuia ollade ta no ole ama ole ule, che nga dbale suga no ama giti, ama jongwa chege, che tañachugu ama jokeda che mi gwageni amadi, agwa nege ama chkuni aini chedige, ama kle gwade malen noare che ba daballa chuia ollade, che mo ta gbale nga suga no chui ollade ba daballa giti” —Jesu geru ñachugu ene ulita kwian fariseo alin kaire kwian daba tkanga tangle Moisés chadalla giti alin.

Lucas 15:6

Gire ba chieni oveja dbe gudegu, ba chkeni gude gire ba mo skatemanalla ulita kade kaire ba kwian na ulita kle toi kodi ba ullage kade, gire ba gerule kwian e ulita ole: “Bai nga ollade cha ole oveja ai giti, nga suga noare chadi oveja giti, oveja jongwa cha ngeru, cha oveja jinadu, oveja skwendu chage. ¡Ale oveja ollade nga suga no ole!”

Lucas 15:8

Jesu geru na ñachugu kwian fariseo ulita alin kaire kwian daba tkanga tangle Moisés chadalla giti ulita alin: —Muinga gdaite igi molen gugataboko, igi e gugaite jogenga muinga ngeru, ¿muinga be age mine igi e nate? Muinga be jichra gwadege, jichra giti muinga be igi jinade nate trate gwa ugdo jegwale, muinga be nga lite ulita gwa tangle, bdagli ene igi be skwen nate muingage.

Lucas 16:15

Jesu gerudu kwian fariseo ole: —Ba ulita takalin kwian na gwage ba kle age nodi, gire ba takalin kwian gerule ba giti ba noare ba kle chage trate. Ba age kwian gwa giti ene kwian tañachuge ba kle age trate ulia Chube takalin kare, agwa me uñale kwiange ba ta mine, Chube gwage ba tadi, uñale Chubege ba ta mine. Ba age no kwian tañachuge kare agwa Chube gwage ba kwian me no —Jesu gerudu ene kwian fariseo ole.

Lucas 5:32

Cha chiu nga dba ai giti kwian agenga me no ta blite Chube ole joge siere ama kle age me noge, agwa kwian gweale kle tañachuge mo tale ama no trate me jiske Chube gwage, kwian kle tañachuge mo giti ene alin cha me chiu, cha chiu kwian agenga me no alin ama ta blite age no.

Romanos 7:9

Ngeru cha me geru e uñu trate, cha kledu age ulita cha tañachugu cha kledu age trate Chube gwa giti, agwa me ene, geru e chku uñale trate chage gire sugedu chage cha kledu age me no cha chegu jiske sugekare Chubege cha kledu age me no gdale.